Sot 17 vite nga themelimi i LSI, Kryemadhi ‘merr’ detyrën e kryetares, kursehet në urim: Gëzuar të gjithëve ju që luftoni për çfarë përfaqësojmë

TIRANË- Me ardhjen e shtatorit, Monika Kryemadhi ka “rimarrë” detyrën e kryetares së LSI-së, duke përçuar një mesazh urimi për partinë e themeluar sot e 17 vite më parë. Kryemadhi është treguar e “kursyer” në urimin e saj, me 3 rreshta, për partinë e themeluar nga bashkëshorti i saj, Ilir Meta, sot presidenti i vendit. Urimi i saj i drejtohet të rinjve dhe të rejave.

“Gëzuar ditën e LSI. Për të gjithë ju djem dhe vajza, burra e gra, për të gjithë ju që e doni, keni luftuar dhe vazhdoni të luftoni për atë çfarë LSI përfaqëson. Misioni vazhdon”, shkruan Kryemadhi.

Monika Kryemadhi, që pas zgjedhjeve të 25 prillit, u “zhduk” për disa kohë nga arena politike, ku dalja e saj publike edhe disa javë më parë, por jo si drejtuese e partisë, por si Zonja e parë e Shtetit, krah presidentit Ilir Meta në një vizitë zyrtare në Hungari, në ceremoninë e vendosjes së bustit të Skënderbeut në parkun Qendror të Budapestit. Më pas, u desh kampi i LRI-së që ajo të shfaqet si kryetare e partisë.

LSI u themelua në 6 shtator të vitit 2004 nga presidenti Ilir Meta, asokohe i sapo larguar nga Partia Socialiste. LSI u drejtua deri në prill të 2017-ës nga vetë Meta, i cili më pas mori detyrën e presidentit dhe partinë ia besoi Petrit Vasilit. Pas zgjedhjeve të përgjithshëm të 2017, Vasili mori përgjegjësinë e humbjes dhe dha dorëheqjen dhe më pas drejtimin e mori  Monika Kryemadhi e cila është edhe sot kryetare e partisë duke u bërë e para femër që drejton një parti politike në Shqipëri.

B.K./Shqiptarja.com

TAG:
• Tirane
• LSI
• Ilir Meta
• monika kryemadhi