Pas dështimit në zgjedhje, Kryemadhi merr detyrën që refuzoi prej vitesh si 'Zonja e Parë' e vendit?

Pas dështimit në zgjedhje, Kryemadhi merr detyrën që refuzoi prej vitesh si 'Zonja e Parë' e vendit?

Monika Kryemadhi krah presidentit Ilir Meta në vizitën zyrtare në Budapest

TIRANË- Dështimi në zgjedhjet e 25 prillit, ku LSI mori vetëm 4 mandate, u shoqërua edhe me "zhdukjen" e Monika Kryemadhit nga vëmendja e opinionit publik. Pas fjalimit të saj nga selia e LSI ku pranoi humbjen, Kryemadhi u largua drejt SHBA-së ku të vetmet foto që u servirën ishin ato të publikuara nga Bebe Rexha, kushërira e saj. Mirëpo pas një kohë kaq të gjatë, Kryemadhi u "bë e gjallë", por kësaj here në një detyrë që e ka refuzuar që ta mbajë prej vitesh, atë të "Zonjës së Parë".

Kryemadhi krejt papritur dje u shfaq krah bashkëshortit të saj, presidentit Ilir Meta në vizitën e tij në Budapest në ceremoninë e vendosjes së përmendores së Heroit tonë Kombëtar Gjergj Kastrioti Skënderbeu. Në pamjet e publikuara vetëm nga Meta, pasi kjo vizitë nuk u pasqyrua nga vetë ajo në rrjetet sociale, Kryemadhi shfaqet e ulur krah bashkëshortit të saj kryetar shteti, sipas një protokolli ku në raste të tilla ulet vetëm “Zonja e Parë”.

Me këtë veprim, Kryemadhi u "detyrohet" një sqarim mbështetësve të LSI-së, por jo vetëm, edhe opinionit publik, nëse tani e tutje do të duhet ta shohim atë si "Zonjën e Parë", detyrë që më herët e ka mbajtur vajza e vogël e saj, Era, apo do vijojë që të jetë kryetare e një partie opozitare...pasi të dyja postet nuk qëndrojnë kurrsesi bashkë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

22-vjeçari humbi jetën nga moti i keq, Zhupa: Ishte i pari në fushatën e PD, iku deri sa numëroi votën e fundit! Do të mbaj mend gjithmonë të qeshur