Në 24 orët e fundit janë shënuar 3 viktima dhe 68 raste të reja me COVID-19. Viktimat janë shënuar 2 nga Tirana me sëmundje bashkëshoqëruese një 57-vjeçare dhe një 80-vjeçar, si dhe një 62-vjeçar nga Fieri pa sëmundje të tjera.
Gjatë 24 orëve të fundit janë kryer 496 testime për të dyshuar të prekur me COVID19, nga të cilat janë konfirmuar 68 raste pozitive. Rastet më të shumta të të prekurve janë shënuar në Tiranë. Gjithashtu situata paraqitet problematike pasi rriten shtrimet në të dy spitalet COVID dhe rastet e rënda që ndodhen të intubuar.
Shpërndarja gjeografike e rasteve është si vijon: 34 raste në Tiranë, 10 në Krujë, 5 në Durrës, 3 në Shkodër, nga 2 raste në Dibër, Shijak, nga 1 rast në Kurbin, Korçë, Elbasan Kukës, Lezhë, Vlorë, Tropojë, Kamëz, Ura Vajgurore, Vau i Dejës, Prrenjas, Klos.
![](https://shqiptarja.com/template/img/NO_ALFA_Kuadrate shqiptarja.png)
Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 124 pacientë, 20 në terapi intensive dhe 7 pacientë janë të intubuar.
Gjatë 24 orëve të fundit janë shëruar 66 qytetarë duke e çuar numrin e të shëruarve në 2463 që nga fillimi i epidemisë.
Ministria e Shëndetësisë vijon apelin për të gjithë qytetarëve për mbajtjen e detyrueshme të maskës në ambientet e mbyllura dhe kudo nuk është e mundur të ruhet distanca fizike.
"Ju lutemi, tregoni kujdes në ambientet e punës, aty ku ofrohen shërbime dhe në çdo ambient publik, për të respektuar masat e higjienës, distancës fizike. Respektimi i distancës, vendosja e maskës, higjiena vetjake dhe kolektive janë mënyrat e vetme për të frenuar përhapjen e COVID19. Nëse dyshoni se jeni i prekur ose keni shenja të sëmundjes duhet të qëndroni të izoluar dhe telefononi në numrin e Urgjencës Kombëtare 127. Ministria e Shëndetësisë ka vënë në dispozicion të qytetarëve linjën e gjelbër 0800 40 40 për këshillim psikologjik apo çdo informacion për COVID19", thuahet në apelin e Shëndetësisë.
COVID-19 – Statistika (22 Korrik 2020)
Testime totale 36834
Raste pozitive 4358
Raste të shëruara 2463
Raste Aktive 1775
Humbje jete 120 (Qarku Tiranë 62, Shkodër 20, Durrës 17, Fier 6, Elbasan 5, Vlorë 4, Kukës 2, Lezhë 1, Berat 1, Dibër 1, Korçë 1)
Shpërndarja gjeografike e rasteve aktive sipas qarqeve:
Tiranë 903
Durrës 215
Shkodër 204
Vlorë 98
Lezhë 82
Korçë 64
Elbasan 48
Kukës 47
Fier 40
Berat 32
Gjirokastër 22
Dibër 20
Gruaja e prekur me COVID-19 që punon si sanitare në spitalin e Elbasanit infekton bashkëshortin 53- vjeçar. Ai punon si roje në spitalin psikiatrik në qytetin e Elbasani. Njëri nga fëmijët e tyre3 është vetëkarantinuar pasi ata rezultuan pozitiv me koronavirus.
Djali i karantinuar punon si roje në DPSHTRR në Elbasan, ku ambientet janë dezinfektuar për të parandaluar infektimin e punonjësve të tjerë.
Prej ditës së djeshme shërbimi i Adisa-s në Fier është mbyllur. Shkak për këtë është bërë konfirmimi i një rasti pozitiv me COVID-19 i bashkëshortit të një prej punonjësve të këtij institucioni, ndërkohë që kjo masë është marrë për të siguruar shëndetin e personave të tjerë.
Për punonjësit që kanë patur kontakte me zyrën e kadastrës është vendosur karantina dhe marrja e tamponëve. Deri më tani numri i të prekurve me koronavirus në bashkinë e Fierit ka shkuar në 43, ku 12 prej tyre kanë qenë puntorë të kadastrës.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
/TIRONA/, ask= pyes,kerkoj.Ne kete rast ,perkthimi korrekt eshte:-Ne ju kerkojme te gjitheve.../
Përgjigju"Ne Ju pyesim te gjitheve,nese nuk jeni te afte te mbani distancimin social , perdorni MASKAT".( Donald J Trump )
PërgjigjuMjaft... mos flisni me per Covid- 19 na lodhet ...mjaft na terrorizuat
Përgjigju