Hapen kreditë e buta në Tiranë, kushtet që duhet të plotësoni, afati e kategoritë e favorizuara

Sot hapen aplikimet për kreditë e buta në Tiranë. 1000 familje në bashkinë e Tiranës do të përfitojnë kredi të buta, ku kategoritë më të favorizuara janë çiftet e reja, gratë kryefamiljare dhe komuniteti rom. Aplikimet nisin sot dhe do të zgjasin një muaj, deri më 17 mars.

Drejtoresha e Shërbimit social Anisa Subashi shpjegoi pak ditë më parë në Report Tv se për t'u bërë përfitues i kredisë, aplikusi duhet të ketë të ardhura mujore nga 31 mijë lekë deri në 115 mijë lekë. Përfituesit do të paguajnë norma fikse të interesit 3%, për një afat kohor maksimal nga 30 deri në 35 vjet

“Për një muaj të gjithë qytetarët e Tiranës kanë të drejtë të aplikojnë. Të plotësojnë një formular me vetëdeklarim. Pra është nga 17 shkurti deri më 17 mars. Risia e këtij viti është që ne kemi 1 mijë kredi. Në vitet e kaluara kreditë kanë qenë më të pakta. Familjet duhet të kenë një të ardhur mujore jo më të vogël sesa 31 mijë lekë dhe jo më shumë sesa 115 mijë lekë. Prioritet janë çiftet e reja, gratë kryefamiljare dhe komuniteti rom.

Ne ofrojmë shërbim në tre banka që qytetarët të kenë oferta të ndryshme. Përsa i përket afateve të pagesës dua të theksoj se sivjet kemi edhe një risi tjetër. Afati për të shlyer kredinë është nga 30 deri në 35 vjet. Norma e interesit është fikse dhe të gjithë qytetarët do të paguajnë 3%”  tha Anisa Subashi. 

Aplikuesit duhet që të kenë kujdes në plotësimin e dokumentacionit dhe paraqitjen e tyre brenda afatit kohor, pasi në të kundërt, do të jenë automatikisht të përjashtuar nga programi për përfitimin e kredive të buta.

d.ba./Shqiptarja.com
  • Sondazhi i ditës:

    A duhet të caktohet një tjetër fashë orari ku të dalin vetëm të moshuarit?

Komento

Komente

  • Aleks: 17/02/2020 10:14

    Dmth te kesh nje rruge mbi 310 mij lek e jo më shume se nje milion lek. Cfare llogjike idjoti

    Përgjigju
    • Fiks: 18/02/2020 00:30

      Normale , o ske rroge te mjaftueshme per ta paguar ose ke aq shume sa mund ta marresh dhe me kredi bankare dhe ti leshosh rradhe atyre qe nuk e kane ate mundesi. Logjike normale,,mendoj.

    • croc: 17/02/2020 12:03

      Llogjike idiote? Eshte mese normale. Me mbi 310000 qe te kesh mundesi ta paguash. Dhe jo me shume se 115000 qe te mos aplikojne ata qe kane mundesi financiare. Kredite e buta jane per ata qe nuk kane.... jo per ata qe nxjerrin miliona. Debil...

  • Halili: 17/02/2020 08:11

    Dy jane kushtet, ose me partine ose 20-30%

    Përgjigju