Sot hetimi i radhës nga parlamenti
për Çefën dhe Lelçajn

TIRANE- Komisioni Hetimor për dy anëtarët e KLD-së do të zhvillojë sot mbledhjen e radhës, ku do të marrë nën shqyrtim të gjithë materialin e depozituara nga Këshilli. Për mbledhjen e sotme, anëtarët e komisionit i kanë kërkuar nënkryetarit të Këshillit të Lartë të Drejtësisë, Elvis Çefa që të depozitojë të gjithë dokumentacionin e veprimtarisë së KLD-së, që nga koha kur ai është emëruar në këtë post.

Këto dokumente konsistojnë në vendimet që ka marrë Këshilli i Lartë i Drejtësisë që nga viti 2012 deri më sot si edhe procesverbalet, materiale këto që janë tepër voluminoze që arrijnë deri në 7 mijë faqe. Lidhur me kërkesën e anëtarëve të komisionit hetimor, nënkryetari i Këshillit të Lartë të Drejtësisë është treguar mëse i gatshëm për t’i bërë dokumentet publik për hetim.