Adriatik Llalla bëhet zyrtari më i lartë shqiptar i dënuar ndonjëherë nga një gjykatë në vend. Pas kërkesës së SPAK, GJKKO ka marrë kështu një vendim historik, në një seancë ku nuk munguan edhe përfaqësues të ambasadës së Shteteve të Bashkuara të Amerikës në Shqipërisë.
Ish-Prokurori i Përgjithshëm i vendit, Adriatik Llalla, është dënuar me 2 vite burg dhe 5 vite përjashtim nga postet publike. Gjykata e Posaçme Kundër Korrupsionit dhe Krimit të Organizuar ka pranuar pretencën e SPAK duke mbyllur kështu në shkallë të parë këtë çështje. Një hetim i nisur në mars të vitit 2018 ka përfunduar kështu pas 3 vitesh.
Llallës i janë sekuestruar 4 sipërfaqe toke dhe një shtëpi në Durrës për llogari të shtetit. Sipas gjykatës Llalla ka blerë prona me çmim të ulët i ka rivleruar nga 4 deri në 12 herë me çmime më të larta pasi nuk kishin origjinë të ligjshme për krijimin e ketyre pasurive.
Adriatik Llalla tashmë do të ketë 15 ditë kohë pas publikimit të vendimit për ta ankimuar në Apel, dhe vetëm pas kësaj vendimi bëhet i zbatueshëm.
Gazetari Arsen Rusta raporton se përmes avokatit të tij, Llalla kërkoi të shpallej i pafajshëm për akuzën. Sipas Sokol Hazizajt, çështja ndaj Llallës është e paragjykuar dhe e njëanshme.
Për avokatin Hazizaj, procesi është i stisur dhe Llalla mori lekë borxh për të ikur në Gjermani kur u kërcënua. Avokati theksoi se të gjitha blerjet e trojeve nga Llalla janë bëre përmes kontratave noteriale dhe se çdo shpenzim financiar i tij ka qenë në rrugë bankare.
Gjyqi ndaj Llallës u kthye në pikën zero në seancën e 16 prillit, por u mbyll në 5 seanca. U revokua gjykimi i shkurtuar me kërkesë të Llallës dhe filloi gjykim i zakonshëm nga e para. Ai akuzohet për disa veprat penale që përfshijnë "Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim" në tre raste. Adriatik Llalla u hetua edhe pastrimin për pastrimin e parave, por në finale ai u dërgua për gjykim vetëm për fshehje të pasurisë.
Vendimin e sotëm të Gjykatës Kundër Korrupsionit dhe Krimit të Organizuar për dënimin e ish-Prokurorit të Përgjithshëm, Adriatik Llalla, ambasada britanike e ka cilësuar si një tregues se kur ka vullnet reformat arrijnë rezultate.
"Ne e mirëpresim vendimin e Gjykatës Kundër Korrupsionit dhe Krimit të Organizuar sot. Kjo tregon se, atje ku ka vullnet, reformat mund të japin rezultate. Kur një sektor i drejtësisë po punon siç duhet, askush nuk është mbi ligjin", shkruan ambasada.
Ish-Prokurori i Përgjithshëm i vendit, Adriatik Llalla, është dënuar me 2 vite burg dhe 5 vite përjashtim nga postet publike.
Avokati i ish-kryeprokurorit Adriatik Llalla gjatë seancës për pretencën nga e para për të ka deklaruar se akuzat janë të stisura. Sipas avokatit Sokol Hazizaj, Llalla mori lekë borxh për të ikur në Gjermani kur u kërcënua.
"Ne 2016 Adriatik Llalla mori para borxh per te cuar familjen ne Gjermani per shkak te kercenimeve. Llalla ne asnje moment nuk ka fshehur pasuri qekur ka qene subjekt deklarimi. Edhe per shumen rreth 7 mije dollare per lindjen e djalit ne Usa, pagesat jane bere nga nje mik i tii shqiptaro-amerikan i cili erdhi deshmoi para jush dhe po ju dorezojm faturat origjinale te pagesave ne banke", tha ai.
Ne gjyqin ndaj Llallës ishin të pranishëm në sallë edhe perfaqësues të ambasadës amerikane
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Apeli i Posaçëm shpall vendimin për Bandën e Cërrikut! Tre anëtarë dënohen me burgim të përjetshëm
21 Nëntor, 19:42 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06
Dy vjet kthehen ne nje,per sjellje te mire dhe njeshi ne 6 muaj per ndonje semundje te shpikur.Keta njerez jane si ngjalat,qe vetem po t'i gozhdosh ne koke mbi derrase,mund t'i rrjepesh;pastaj c'jane 5 vjet? Te pakten t'ia kishin hequr te drejten per funksione per 15 vjet, si koleget e tij,te djegur nga Vetingu. /
PërgjigjuNuk e kuptoj se pse kane kerkuar vetem 2 vjet denim? Dhe e dyta, pse perjashtimi eshte vetem per 5 vjet? Nje kryeprokuror i denuar per korrupsion duhet te perjashtohet nga postet publike pergjithmone. Nuk eshte e imagjinueshme qe pas 5 vitesh ky nese do mund te behet dhe deputet
PërgjigjuMire ketij ja moret pronat po pse nuk investigoni , Oliver Ushinen burrin “Armaturist “ ose drruvar,te Ema Gashit gjykateses , me hotele, pallate, makina tipi fundit me kunate..ate te famshmen Rovenen e Prokurorise, si dhe biznesin qe ka lidhur me " FZ.Construction Group " te Tefta Zekaj , administratore me datelindje 1948,nr10797101 ne Angli , dhe ndryshimin e emrin ne Ushina ltd. Shkoni ju gazetar investigoni lidhjet e Oliver Ushines me Fejzo Zekaj me mamane pronare firme me datelindje 1948 nga Corovoda e Beratit, I akuzuar per trafikim droge I denuar ne Itali po ne shqiperi I mbyllur gjykimi, pasi filloi biznesin e ndertimit me burrin e gjykateses Ema Gashi. Shikoni si ky burri 42 vjec aksioner ne disa kompani dhe kompani ndertimi si 2G, me ndertese ne unaze 35 mije m/2 ,te na thote Spaku ku I gjeti fondet te paguaj zbardhjen e lejes se ndertimit ? me bilance 4 milion lek fitim ? Me hotel te zhvatur me gjyqe 5 vjecare ‘hotel Blumarine’. Aty e keni ,pastrimin e parave, shperdorimin e detyres dhe afertat koruptive per mbyllje dosjesh me qellim berjen aksioner,. Avokate te mari kunaten Rovenen se eshte shume e zonja .
PërgjigjuU keputet ne mes me dy vjet qe i dhate. Soji i ketij nuk duhet te kete me pak se 5 vjet burg, se dy vjet kalojne shpejt dhe pastaj ujku qimen e nderron por zakonin s'e harron!
Përgjigjupast kemben e mbarre ti gezoje dhe pronat
Përgjigju