Tensione e debate në Kuvend për ‘arrestimin e Ahmetajt’, nesër seancë e posaçme për kërkesën e SPAK! Taulant Balla emërohet ministër i Brendshëm

Ministri i Brendshëm Taulant Balla ka reaguar pas votimit nga Parlamenti me 75 vota Pro të Dekretit të Presidentit të Republikës Bajram Begaj. Përmes një postimi në rrjetin social facebook Balla deklaron se do të bëj gjithçka të mos zhgënjej askënd në kryerjen me sukses të detyrës së Ministrit të Brendshëm në Qeverinë e Kryeministrit Edi Rama. Gjithashtu Balla shkruan se do ti shërbejë me përulje çdo qytetari të Shqipërisë.

'Të dashur miq, do bëj gjithçka të mos zhgënjej askënd prej jush që besoni tek unë në kryerjen me sukses të detyrës së Ministrit të Brendshëm në Qeverinë e Kryeministrit Edi Rama duke i shërbyer me përulje çdo qytetari të Shqipërisë sonw. Do mundohem t’i zhgënjej pozitivisht dhe ata që nuk më votuan sot në Kuvendin e Shqipërisë.'- shkruan Balla.

Me 84 vota, 3 kundër dhe 3 abstenim, Kuvendi ka miratuar dekretin e Presidentit për shkarkimin e Bledi Cucit nga detyra e Ministrit të Brendshëm.

Në vend të tij është emëruar Taulant Balla. Kuvendi miratoi dekretin e Presidentit me 75 vota pro, 16 kundër, 1 abstenim.

Çfarë u votua në seancën e sotme

Raporti i veprimtarisë së Komisionit Qendror të  Zgjedhjeve për vitin 2022 votohet me 72 pro, 1 abstenim, 18 kundër

Raporti i veprimtarisë së Autoritetit për Informimin mbi Dokumentet e Ish-SSigurimit të Shtetit për vitin 2022 votohet me 73 pro, 18 kundër, 1 abstenim

Raporti i veprimtarisë së INSTAT për vitin 2022 votohet me 72 pro, 18 kundër, 1 abstenim

Raporti i veprimtarisë së ILDKP dhe Konfliktit të Interesave për vitin 2022 votohet me 72 pro, 4 abstenim, 11 kundër

Raporti i veprimtarisë së Entit Rregullator të Energjisë votohet me 73 pro, 17 kundër, 1 abstenim

Projektligji ‘Për menaxhimin e garancive dhe kredive shtetërore të pa kthyera” votohet me 73 pro, 17 kundër, 2 abstenim

Projektligj ‘Për ratifikimin e marrëveshjes ndërmjet Këshillit të Ministrave dhe Republikës së Shqipërisë dhe qeverisë së Republikës së Italisë lidhur me një hua koncesionale për programin ‘pëtrmirësimi i rrjetit të shpërndarjes së energjisë elektrike në Shqipërinë Veriore pas tërmetit të vitit 2019’ votohet me 82 pro, 1 kundër, 1 abstenim.

Projektligji ‘Për disa shtesa në ligjin nr.107/2014 ‘për planifikimin dhe zhvillimin e territorit’ i ndryshuar votohet me  21 pro, 72 kundër, 0 abstenim

Projektligji ‘Për disa shtesa dhe ndryshime në ligjin ne.55/2015 ‘Për investimet strategjike’ votohet me 22 pro, 72 kundër, 0 abstenim.

Ministrja e Shtetit për Marrëdhëniet me Parlamentin, Elisa Spiropali në fjalën e mbajtur në Kuvend ka akuzuar opozitën se kërkon të zëvendësojë drejtësinë në tribunën e Kuvendin duke degraduar fjalorin ndaj kolegëve. Spoiropali ka thënë se Standardi që ka vënë PS-ja është ajo që i ka lënë dorë të lirë drejtësisë të hetohet, e jo si dikur kur nuk ka ndodhur kjo gjë.

“Turp nuk është kur lihet drejtësia të veprojë, por kur drejtori i tatimeve nuk lihet të shkojë në burg, kur gardistët që vranë nuk liheshin të pyeten, ku në vendin ku hodhën në erë 26 njerëzve u ngrit fabrika e Boronicave.'- tha Spiropali.

Ditën e nesërme do të mbahet një seancë e posaçme në orën 10:00 për çështjen Ahmetaj. Edhe pse ishte parashikuar për ditën e hënë PS aprovoi kërkesën e opozitës dhe seanca e posaçme do të zhvillohet nesër. 

Deputeti demokrat Dash Sula ka folur në Kuvend për kërkesën e SPAK për arrestimin e Ahmetajt. Sula kërkoi sërish që të futet në rend dite kërkesa e PD për të miratuar kërkesën e SPAK për arrestimin e Ahmetajt.

Sula tha se me këto hunj e gojore që kanë ndodh, sot s’duhej të kishte parlament, duke ju referuar skandalit seksual të Safet Gjicit dhe dhunën e Rrajave në Krujë për guroren.  

“Mblidhni komisionin e ligjeve për 5 minuta. Merrni vendim për drogën dhe nuk merrni vendim për arrestimin e Ahmetajt. Juve ju ka kap arroganca, nuk na llogarisni më. Sot nuk duhej të kishte parlament,. Sot duhej të ishin përmbysur tavolinat. Ca duhet të më, të futemi edhe ne opozita në burg që të kujtoheni që ekziston opozita. Duam të ngelë në dokumente, të protokollohet. Hidhe poshtë, i keni forcat e kartonëve. Pse e bëni një gjë të tillë. Me ngjarjet që kanë ndodh në Shqipëri, hunj, gojore, s’duhej të kishte parlament”, tha Sula.

Kreu i Grupit Parlamentar të PS-së, Taulant Balla kërkoi që të ndërpritetet seanca plenare për pak kohë dhe të mblidhet konferenca e kryetarëve. Balla tha se duhet t’i jepet një zgjidhje kësaj çështjeje. Gjatë pushimit do të diskutohet çështja e Ahmetajt për tu futur në rend dite ose jo.

“Sula përmbajeni fjalorin sa të keni mundësi. Mendoj që të ndërpritet seanca dhe të bëjmë një konsultë dhe të mblidhet konferenca e kryetarëve. Mendoj se të gjtihë kemi dëshirën e mirë për të gjetur një zgjidhje.”- thotë Balla.

Deputetët e opozitës vijojnë me bllokimin e seancës në parlament. Ata nuk kanë lënë deputetin e PS, Lavdrim Krashin. U afrua edhe garda.

Deputetja demokrate, Jorida Tabaku ka folur ashpër ndaj qeverisë të cilët i akuzoi si të turpshëm dhe imoral.

“Çfarë ndodhi me sistemin që do perfeksionin ju? Sa nga të fortët e politikë dhe në biznes. Unë të isha deputete socialiste do ulja kokën dhe do u kërkoja ndjesë shqiptarëve për 480 mln euro që janë vjedhur dhe ju i mbroni. Sot duhet të fliste edeh ministrja e Fincave që ka qenë edhe drejtoreshë e Tatimeve. Me cfarë fytyre vini këtu dhe na bëni ne sërish përgjegjës? Me çfarë morali e argumenti?

Me ccfarë lartësie na flet sot Ulsi Manja për zgjedhjet që ka dosjen në prokurori. PS ka fituar me Rrahmanët e polikës dhe biznesit.  Sot parlamenti ka një njollë të tmerrshme turpi, e ka pasur politikanët dhe sot e ka kuvendi. Sepse sot numri dy në qeveri është arratisur me ndihmën tuaj. Ka ardhur momenti që të ndahen gjërat në politikë. Turp më të madh se e ka mbuluar parlamentin shqiptar e avokatët e korrupsionit më të madh, ato sot duhet të largohen me turp nga ky parlament.”-tha Tabaku.

Deputeti socialist, Toni Gogu ka reaguar ashpër ndaj akuzave të opozitës. Ai thotë se qëllimi i opozitës është të prishë procesin sepse e dinë se çfarë vjen më pas.

“Tani ka vetëm një arsye për këtë skenë të pahijshme dhe arsyeja është zgjedhjet. Ky zotëria që sot po bërtet (Bardhi) me shumë të drejtë kur ishte kryetar i statueve dhe mandatit të PD e mori dhe e lexoi siç donte vetë. Sot i thotë kryetares së kuvendit si zbaton rregulloren. Këta duan të prishin procesin se e dinë se çfarë po vjen nga pas. Ajo rregullore i jep deputetëve dy javë kohë, sepse  nesër do të vijë kërkesa për ty Bardhi dhe ti do proces të rregullt ligjor. Do vij për padrinon politik. Sepse ai zbatonte urdhrat e prokurorit të përgjithshëm kur ishte në detyrë. Këta sot kanë standard të dyfishtë që i bën me turp, më 6 mars këta thanë se që ishin zgjedhjet e drejta sepse fituan një bashki, ndërkohë më 14 maj këta thonë që procesi është i blerë nga ky dhe ai shkojnë nëpër dynja dhe gjejnë blerës votash. Ndërkohë e gjithë Rrogozhina flet sot që e mban e-Albania me qira dhe merret me ne që sapo kemi futur këmbët në parlament i bën bashkë. Lëreni ligjin të jetë i barabartë dhe mos shkelni rregulloren e kuvendin.”- thotë Gogu.

Deputeti Gazment Bardhi ka vijuar këmbënguljen në seancë që të kalohet për votim kërkesa e SPAK për arrestimin e Arben Ahmetajt. Madje, opozita nuk lejoi që Ilirjan Celibashi të prezantojë raportin e KQZ për vitin 2022. Bardhi tha se s’kanë nevojë ta dëgjojnë, vetëm nëse flet për tendera do e dëgjojnë.

Bardhi tha se po minohen të drejtat e opozitës, ndërsa për kreun e qeverisë u shpreh se është duke bërë plazh në Dhërmi.

“S’kemi nevojë për raportimin e Celibashit, të vijë të raportojë për tenderit, për gjëra të tjera s’ka nevojë. Seanca nuk vijon nëse nuk respektoni të drejtat e opozitës. Kemi paraqit një kërkesë, rrëzoje po të them. Parlamenti nuk është zoti juaj. I shpërndani milionat sipas shkove e miqve, por të drejtat e opozitës nuk i mohoni as ju e as Rama që në këtë moment është duke bërë plazh në Dhërmi”, tha Bardhi.

Nikolla i shpjegoi se përse nuk e kalojnë në votim kërkesën e SPAK për arrestimin e Ahmetajt.

“Nuk e hedh në votim kërkesën që s’ka substancë. Ka dy momente që bie ndesh. S’janë njoftuar deputetë me raportin, nuk është shpërndarë raporti. Vendosëm në këshillin e mandateve që do bëhet ditën e hënë. Nuk është njoftuar deputeti. E kuptoj që doni ta bëni me cen këtë proces. Ne nuk duam ta bëjmë me cen, por duam ti japim drejtësisë mundësinë që të bëjë drejtësi. Është lënë që ditën e hënë të bëhet seanca që të zbatohen të gjitha kriteret që thotë kushtetuta dhe rregullorja. Nëse s’doni ta dëgjoni, raporti është dorëzuar, vazhdojmë me diskutimet”, tha Nikolla.

Seanca në Kuvendin e Shqipërisë është ndërprerë sërish. Deputetët e opozitës nuk kanë lënë të flasë Ilirjan Celibashin, i cili do prezantonte raportin e KQZ për 2022. Opozita kërkon që të miratohet kërkesa e SPAK për arrestimin e Ahmetajt.

Situata e tensionuar në Kuvend paraditen e sotme nuk ka përfshirë vetëm maxhorancën me opozitën, por edhe deputetët socialistë me njeri-tjetrin.

Ish ministri i Brendshëm, Fatmir Xhafaj duket teksa përplaset ashpër me deputetin socialist Erion Braçen.

Për shkak të zhurmës së krijuar, nuk kuptohet se cili është thelbi i debatit mes dy deputetëve socialistë. 

Teksa Celibashi sipas rendit të ditës duhet të flasë, opozita e kundërshtoi dhe nuk e la të flasë. Ndërkohë, Bardhi i bëri kërkesë Nikollës që të hidhet në votim kërkesa e opozitës. Kjo kërkesë kërkon Ramën në kuvend si dhe për t’u futur në rend dite çështja Ahmetajt në mënyrë që t;i hapet rrugë arrestimit të tij sipas kërkesës së SPAK.

Duke rrëzuar kërkesën e PD-së, Bardhi thotë se indirekt PS pranon se u bë pengesë e drejtësisë.

“Hidheni në votim kërkesën tonë për të futur në rend të ditës raportin e opozitës për kërkesën e SPAK. Rrëzojeni, por të shënohet në procesverbal se deputetët e mazhorancës i dhanë Arben Ahmetaj 4 ditë kohë për të intimiduar prokurorët dhe të prishë provat. Po bëheni pengesë e drejtësisë.”- tha Bardhi.

Kryetarja e Kuvendit, Lindita Nikolla, deklaroi se nuk ka asnjë vonesë nga ana e Kuvendit apo Këshillit të Mandateve për shqyrtimin e kërkesës së SPAK për arrestimin dhe kontrollin e banesës së Arben Ahmetaj.

Sipas Nikollës, kërkesa e SPAK ndonëse mban datën 7 korrik mbërriti në Kuvend në datë 10, i cili më pas nisi të gjitha procedurat sipas ligjit.

“Ju bëj me dije se kërkesa e SPAK, është depozituar më 10 korrik edhe pse mban datën 7. Këshilli i Mandateve bëri menjëherë dy mbledhje. Mbrojtja kërkoi kohë, i dhamë jo më shumë se një ditë kohë. 

Megjithëse rregullorja tha duhen dy javë për raportet, ne po veprojmë shumë shpejt. E njëjta procedurë është ndjekur dhe për Tahirin. Nuk ka asnjë deformim dhe vonesë që doni të hidhni mbi Këshillin e Mandateve dhe Kuvendin”, tha Nikolla.

Flamur Noka ka kundërshtuar seancën e sotme plenare pasi sipas tij i pranishëm duhet të jetë kryeministri Edi Rama. Noka e cilësoi situatën aktuale politike si një moment dramatik dhe akuzoi mazhorancën se po mbron një qeveri të zhytur kokë e këmbë në vjedhje.

“Tani se çfarë ka ndodhur në javë e kaluar dhe këto ditë e sheh çdo shqiptar dhe çdo ndërkombëtar, a ka gjë më të rëndë dhe të vish sot e t’ju shohësh ju që buzëqeshni dhe të duartrokisni zonjën që mbron qeverinë që është e zhytur nga koka te këmbët në vjedhje?! 

Kemi vite që ua kemi thënë që inceneratori është mega vjedhja e shekullit, keni fytyrë e qeshni dhe sot! Ka turp më të madh, sot në ditën më dramatike ajo karrige është bosh.

Cili është raporti që keni ju me ligjin?! Kaloni gjërat duke u zgërdhirë… Jeni apo s’jeni përfaqësues të qytetarëve, si mund të ketë seancë, mos vallë ka thyer këmbën një lopë në Borizanë?! A e kuptoni se me këtë të qeshur tregoni se përfaqësoni vetëm hajdutët. 

Një kryeministër dhe një qeveri në çdo vend demokratik do të kishte ikur nga politika, s’ka seancë pa kryeministrin, harrojeni. Iku zëvëndës kryehajduti, por kryehajdutët janë këtu. 

Këtu hajdutë dhe përfaqësues të qytetarëve bashkë s’mund të kenë, të babëzitur, monstra që vetëm vjedhin e vjedhin e përfshihen në krime, jo, jo!”, tha Noka nga foltorja e Kuvendit.

Deputetët e opozitës kanë protestuar në Kuvend duke mos lënë Lindita Nikollën të vijojë me rendin e ditës. Në këtë moment kaotik, u betua edhe deputeti socialist në Fushë-Krujë, Arkend Balla i cili zëvendësoi Rrahman Rrajën. Ndërsa opozita protestonte duke i rënë me grushte tavolinës, Grada bllokoi Foltoren e Kuvendit. 

Kreu i Grupit të PD, Gazment Bardhi ka zbuluar se ca ka thënë kreu i SPAK, Altin Dumani në mbledhjen me dyer të mbyllura të Këshillit të Mandateve. Bardhi tha se Dumani ka deklrauar se Ahmetaj ka tentuar të prishë provat dhe të intimidojë dëshmitarët. Bardhi tha se PS po i jep kohë Ahmetajt dhe po bëhen bashkëpunëtore në krim.

“Zonja kryetare ju dhe anëtarët e Këshillit të mandateve jemi dëshmitar që siç e tha edhe SPAK, Ahmetaj gjatë kësaj jave ka tentuar të intimidojë dëshmitarë, të prishë prova, ju po bëheni bashkëpunëtorë që të prishë provat, të negociojë me Ramën të fshehur prova. Në keni shprehur vullnet për ti hequr mandatin, s’ka asnjë arsye për ti hequr mandatin. Është ajo që tha Dumani në mbledhje, prej një jave Arben Ahmetaj me fuqinë e tij si deputet, ish ministri, ish zv.kryeministri, ka intimiduar dhe ka tentuar të prishë prova dhe prokuroria kërkon arrestimin të menjëherë për të shmangur prishjen e provave. Këta zotërinj duan ekzatësisht këtë. Ti japin kohë Ahmetajt të prishë prova, të negociojë me Ramën. Të vijë Rama të tregojë ca ka folme Ahmetajn, si po shkojnë negociatat e dorëzimit të kontrolluar”, tha Bardhi.

Ministri i Drejtësisë, Ulsi Manja i është përgjigjur opozitës të cilët kërkojnë praninë e Ramës në Kuvend për çështjen e Arben Ahmetajt. Manja tha se ata po i shërbejnë krimit dhe se sot po thonë në seancë porositë që kanë marrë nga krimi. Ministri theksoi se heshtja e tyre nuk është dobësi, por është një respekt për drejtësinë dhe ligjin.

“Rri pa merak Flamur se edhe unë për procedurë e mora fjalën. Vazhdojmë me rendin e ditës sepse heshtja jonë sot ka të bëjë me respektin për drejtësinë, por jo për respektin e kësaj pjese sepse kur të mbërrijë puna për të na bërë moral për ndershmërinë, politikën, e drejtësinë një pjesë e juaja këtij është fundi i parlamentarizmit. Heshtja jonë ka të bëjë vetëm me patë për të cilën në korrik të 2016 u pajtuam për të bërë reformën në drejtësi. Kjo që i bëni ju është shërbimi më i mirë që ju i bëheni krimit, se këto porosi keni marrë nga krimi dhe mesazhin e krimit e sillni këtu. Retorika politike e këtij krahut të djathtë i shërben krimit. Nuk e ndihmon drejtësinë të bëjë punë e vet. Mos e merrni heshtjen tonë për dobësim, heshtja jonë është respekt për drejtësinë dhe ligjin”, tha Manja.

Deputeti demokrat, Dashnor Sula ka dhënë një koment të pazakontë në seancë plenare. Duke u shprehur se kanë krijuar figurë të keqe para popullit si pozitë si opozitë, Sula tha se në Kuvend ka ngelur vetëm të hiqen pantallonat. Për të shprehur se sa skandale ka kryer PS, Sula përmendi edhe videoskandalin e Safet Gjicit. 

“Keni vjedh ju apo kemi vjedh ne? Ja keni dhënë popullit në gojë ju apo ne? Po ça ka ngelur vetëm të heqim pantallonat në sallë? Të na vijë turp ju dhe ne bashkë. Sepse situata është e rënduar, komike sa s’ka ku të vejë më.

Sa i përket raportit kur doni ju si mazhorancë të fusni një projektligj e përgatisni raportin për 24 orë. Ju gjeni gjithmonë artifice justifikime vetëm për të dhënë mundësi njerëzve të fshihni gjurmët. Ju nuk e bëni për shkelje procedure, tani ma jepni shpjegimin ju pse u shty mbledhja e Këshillit të Mandateve dy herë...”- tha Sula.

Deputeti socialist Toni Gogu kërkoi vazhdimin e rendit të ditës në Kuvend, pas kërkesave të opozitës për ta pezulluar pasi duan praninë e kryeministrit Edi Rama.

“Rregullorja është e qartë. Anëtarët e Këshillit të Ministrave kanë të drejtë, kur u kërkohet, ka një instrument, është mocioni, kërkesa, interpelanca, ne sot dhe dëshirën më të madhe për të votuar kërkesat tuaja, s’kemi ca votojmë, çohet boshi dhe kërkon të votojmë, ne disponojmë mbi lëndë. Ne kërkojmë të vazhdojmë me seancën, pasi nuk kemi lënë për ca të diskutojmë”, tha Gogu.

Ndërkohë, deputeti i opozitës Edmond Spaho, tha se Rama duhet të vijë të japë llogari dhe se sipas tij tani duhej të kishte dhënë dorëheqjen e vendi të kishte shkuar në zgjedhje të parakohshme.

Kërkesa e bardhit është jo vetëm e përputhur sipas rregullores, por ka një moral politik dhe shoqëror, qytetarët presin të japin shpjegime. U shkarkua ministri i brendshëm, duhet të japë shpjegime. Kërkohet arrestimi i krahut të djathtë të Ramës. Kryeministri nuk vjen të japë shpjegime dhe krahu i djathtë ia ka mbath. Jo të jepte shpjegime, por të jepte dorëheqjen dhe të kalonte vendi në zgjedhje të parakohshme.

Deputetja demokrate, Jorida Tabaku këmbëngul që çështja Ahmetaj të futet në rendin e ditës si dhe të jetë i pranishëm në Kuvend, kryeministri Rama. Ajo thotë se inceneratorët janë afera korruptive më e madhe e shtetit shqiptar.

“Kërkesë e drejtë nga ne. Qeveria u bë avokate e 3 personave në kërkim ndërkombëtar,. Është minimumi që qeveria të japë llogari, turp që i keni dalë për zot një afere korruptive. Sot gjysma e grupit parlamentar të PS përmendet në dosje, ka pasur lidhje me këta 3 persona, këta sot duhet të ishin larguar, të ulnin kokën.

Sot qeveria nuk mund të fshihet pas një akuzë që PS ja ka bërë për 7 vite me radhë, pasi keni vendosur fytyrën tuaj korrupsionit, dhe pasi keni dëshmuar në komisionin hetimor që nuk keni lidhje. I gjithë këshilli i ministrave, zv ministra, deputetë etj. Është minimumi që të flitet për të këtu sot. Sot nëse kishte përgjegjësi politike duhet të kishin dhënë dorëheqjen, kjo është afera më e madhe e shtetit shqiptar. Kushdo që flet dhe e mbron bëhet pjesë e krimit.”- thotë Tabaku.

Sali Berisha ka folur në Kuvend për largimin e Arben Ahmetajt nga Shqipëria. Berisha tha se mazhoranca e ndihmoi të arratisej, ndërsa pyeti sekretarin e përgjithshëm socialist nëse e ka shoqëruar Ahmetajn.

Mblidhemi në këtë seancë pasi ka ndodhur, akti më i pashmebullt, figura e dytë e narkoqeverisë është arratisur dhe ky raporti juaj me drejtësinë, ky është kati më i turpshëm, pasi ka vetëm vjedhur, pasi ka mbush baulet duke vjedhur më të varfrit e Shqipërisë, ja mbath. Kryen aktin më të turpshëm të një hajduti ordiner, a e dini se çdo të thotë kjo për një zyrtar, ministër, deputet. Nuk dua tu them se jeni Ahmetër, se nuk është e lehtë të hedhësh faj kolektiv, por mos harroni se faji kolektiv ekziston në doktrinë, realitet. Në vend se të ndalemi e të diskutojmë për këtë ngjarje që tejkalon çdo masë, e servirët se i njeriu i suksesit, e informoni që të ikë. Katër orë para se t’i vinte parlamentit njoftimit, e përcolle ti Damian atje apo jo. Më thuaj pak këtu. Po të pyes? Ca është ky reagim mor. I the ti apo jo, e njoftove që të ikë. Në vend se të dilni këtu kokulur, të kërkoni të falur shqiptarëve, a keni ju moral, cipë shtetari, zyrtari? Mabroi koha, po s’mbarojnë kurrë krimet e kësaj qeverie.

Ministrja e Shtetit për Marrëdhëniet me Parlamentin, Elisa Spiropali ka krahasuar drejtësinë në kohën e Berishës me të Ramës ku tha se nuk ka argument që mund ta bëjë pis për raportet e tij me institucionet.

“Sigurisht që ju jeni mësuar me kryeministër që për drejtësinë ka folur por s’ka vepruar. Rama se përdor si armë drejtësinë, hanxhar, as për politkë, s’bën politikë lë institucionet e drejtësisë të bëj punën e tyre.

Drejtësi, jo politikë.

Të gjitha garancitë ligjore ne i kemi dhënë. Kemi bërë ndarje nga politika me drejtësinë. Bën gjyqin poltik pa fakte, ne e kemi bërë ndarje Gazi dhe me gjithë respektin që kam për ty, fjalën do e marr sa herë që gjykoj se e drejta këtu po gjykohet. Për Ramën s’ka argument që e bën atë pis në raport me drejtësinë. Unë uroj që ata të mos kompleksohen por të bëjnë punën e tyre, për këtë e kemi votuar reformën në drejtësi. Hajdutët të shkojnë aty ku e ka vendin meqë bërtiti njëri nga fundi hajduti të kapin hajdutin.”-thotë Spiropali.

Teksa Spiropali po merrte fjalën ajo e nisi me një mesazh për raportin e socialistëve me qeverinë. Për këtë frazë, Spiropali u duartrokti me ironi nga opozita.

Kreu i grupit të PD, Gazmnet Bardhi kërkon praninë e Ramës në Kuvend. Bardhi tha se Rama duhet t’i lërë negociatat me Ahmetajn, por të vijë të japë llogari për inceneratorët.

“Kur të njoftoni që do shqyrtojmë kërkesën për ndryshim rendi dite do marrim fjalën për të diskutuar. Kam bërë një kërkesë procedurale, të pezullohet seanca, thirr përgjegjësin e dy aferave, të mos fshihet pas Rrjaës dhe Ahmetajt, dhe të japë llogari. Nuk mund ta kalojë në heshtje duke bërë sikur po zgjidh hallet e botës kur s’ka zgjidh hallet e korrupsionit parlamentar. Ka formuar një grup parlamentar në grup, nuk është përgjegjësi individuale e Ahmetajt, ka një përgjegjësi politike. Shoh Elisën që nge dorën i sugjeroj të mos e marrë fjalën, se pastaj duhet të hyjmë tek përmbajtja e kërkesës që ka sjell SPAK. Të lërë kafet në zyrë dhe negociatat me Arben Ahmetajn pastaj kalojmë tek shqyrtimi i kërkesës”, tha Bardhi.

Deputeti demokrat, Saimir Korreshi ka mbështetur banorët që protestuan dje për plehrat në Lushnjë.

“Sot po ju përcjell një mesazh nga banorët e Lushnjës që dje kanë dalë në protestë për plehrat që i kanë mu në mes të fshatit. Plehrat dhe koret e Shalqirit kundërmojnë në rrugët e Lushnjës. Para se të na vijë hashash në Myzeqesë ne kërkojmë që të pastrohen ato se vijnë erë na mbytën. Ata thonë taksë gjelbërimi dhe vetëm jonxhën kanë aty.”-thotë Korreshi.

Deputeti i PD-së, Samir Korreshi ka folur për dosjen voluminoze të SPAK për ish zv kryeministrin Arben Ahmetaj. Ai u shpreh se në këtë hetim të thelluar të prokurorisë janë përmendur mbi qindra deputetë e politikanë ndërsa shton se Ahmetaj është vetëm fillimi. I pyetur se nëse ka informacion se ku ndodhet, Korreshi zgjodhi ta ironizojë.

“Po patjetër e kam lexuar, është një nga dosjet më alarmante, ajo që kapaku i pusetës, sa hale do gjeni ju kur t;i shikoni ju/... Aty janë me mijëra qindra, avash avash se ndihet era po kur të shikoni çfarë ka brenda...

Pyetje: Janë Rama dhe Veliaj

“Po nëse s’janë ata kush do jenë

T’jua lëmë drejtësisë të gjitha. Shpresojmë t’i vejë deri në fund. Përveçse çarjes së ferrës nuk e di se ku është. Se me ato lekë dhe karta që ka ai nga inceneratorët mund të shkojë në të gjithë botën.”- thotë Korreshi.

Kreu i grupit të PD, Gazment Bardhi kërkon pezullimin e seancës plenare dhe kërkon që kryeministri Edi Rama të vijë dhe të japë llogari për ngjarjen e Fushë Krujës ku anëtarë të fisit rraja dhunuan dy kushërinjtë Maja për guroren, si edhe për kërkesën e SPAK për arrestimin e Ahmetajt.

Është në nderin tuaj sa kohë që brenda katër ditëve kanë ndodhur dy ngjarje që kryeministri i vendit do duhet të japë llogari para parlamentit është në nderin tuaj të ndërprisni seancën plenare dh ti kërkoni kryeministrit të vijë. E papranueshme që Rama fshihet pas Rrajës për rastin e Krujës, e Ahmetajt për inceneratorët. Të dyja janë thelbi i qeverisjes së njeriu. Është në të drejtën tonë për të kërkuar të pezullohet seanca plenare dhe të japë llogari për licencën që i ka dhënë deputetit në kundërshtime ligjin që shkatërroi shtëpitë e një fshati të tërë dhe solli atë ngjarje shokuese. Ka një kërkesë të SPAK për arrestimin e zëvendësit të tij. Nuk është një aferë personale e Ahmetajt, por e Ramës. Parndaj duhet të vijë në seancë të japë llogari, t’i përgjigjet deputetëve dhe opinionit publik. I vetmi në territorin e Shqipërisë që s’ka fol për ngjarjet e rënda. Pezulloni seancën në përputhje me nenin 47 pika 1, ska punë më të rëndësishme se të japë llogari për këto afera.