Konferenca e kryetarëve mbledhje online! Drejtuesit e Komisioneve në zyrë...asnjë vendim kur do nis Kuvendi

Konferenca e kryetarëve mbledhje online! Drejtuesit e Komisioneve në zyrë...asnjë vendim kur do nis Kuvendi

Foto nga mbledhja online

TIRANË- Për herë të parë në historinë e Shqipërisë, mbledhja e Konferencës së Kryetarëve, ku diskutohen kalendari i punimeve të Kuvendit, është zhvilluar online. Ky komunikim ka ardhur si pasojë e koronaviruasit, në kuadër të masave mbrojtëse për të parandaluar përhapjen e tij. Në mbledhjen e sotme u miratua kalendari i punimeve të Kuvendit dhe grafiku i shqyrtimit të akteve normative, e ndërsa kreu i Kuvendit, Gramoz Ruçi bëri me dije se kështu do të vijojnë deri kur situata të normalizohet. Që do të thotë se veprimtaritë parlamentare dhe mbledhjet e komisioneve të përhershme do të zhvillohen online, por kryetar e ka të detyrueshme prezencën fizike në Kuvend. Ndërkohë nuk ka ende një vendim se kur do të mblidhet Kuvendi.

 “Kuvendi i Shqipërisë do të vazhdojë të funksionojë dhe në kushtet e gjendjes së jashtëzakonshme. Veprimtaritë parlamentare do të zhvillohen online. Po kështu edhe mbledhjet e komisioneve të përhershme. Kjo do të kërkojë prezencën fizike në Kryesinë e Kuvendit të kryetarëve të komisioneve. Gjatë shqyrtimit të akteve normative dhe projektligjeve të tjera kërkesat për pjesëmarrjen e ministrave mbeten të pandryshuara, pra të njëjta me situatat normale. Në varësi të ecurisë së mbledhjeve të komisioneve si edhe të evoluimit të situatës së pandemisë COVID-19, do të vendosim edhe për zhvillimin e seancës së ardhshme plenare", tha Ruçi. 

Mbledhja është drejtuar nga kreu i Kuvendit, Gramoz Ruçi e ndërsa kanë qenë të pranishëm  Rudina Hajdari, Taulant Balla, Elisa Spiropali, Vasilika Hysi, Ermonela Felaj, Edmond Stojku, Fatjona Dhimitri ,Milva Ekonomi, Mimi Kodheli, Niko Peleshi, Nimet Musai, Enver Roshi dhe Ulsi Manja. Më herët, për herë të parë është zhvilluar online edhe Këshilli Kombëtar i Sigurisë, ku u diskutua lidhur me koronavirusin.

Foto nga mbledhja online

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet