TIRANË- 2022 u largua, për t’i lënë vendin 2023, me shpresën që të jetë një vit i mbarë për të gjithë shqiptarët.
Nata e ndërrimit të viteve, siç tradita e do mblodhi në tryezë të gjithë familjet, ku shijuan ushqimet e ngrohta e tradicionale, e ndërsa ora 00:00 kulmoi me spektaklin e fishekzjarrëve të hedhura nga vetë qytetarët, por edhe me organizimin e bërë nga Bashkia e Tiranës në sheshin ‘Skënderbej’, ku pati edhe një koncert me artistë të ndryshëm nga Luana Vjollca, Getoar Selimi. Si asnjëherë tjetër, qielli “u ndrit” nga spektakli i fishekzjarrëve shumëngjyrëshe duke dhuruar një atmosferë magjike, me qindra qytetarë të cilët i gëzuan këtij momenti të veçantë.
Atmosfera festive u ndje edhe në qytetet e tjera, ku Report Tv në një transmetim të drejtpërdrejt për shikuesit përcolli entuziazmin dhe aktivitetet që u zhvilluan në çdo shesh të vendit.
*Shqiptarja.com dhe Report Tv urojnë gjithë shqiptarëve kudo që janë: “Gëzuar Vitin e ri, 2023!”
Edhe Saranda nuk mungonte në listën e qyteteve që dhuruan një spektakël fishekzjarrësh e ku nuk munguan urimet për një vit sa më të mbarë.
Ndërrimi i viteve u prit përmes një atmosfere të gëzueshme edhe në qytetin e Laçit. Qielli u ndriçua nga fishekzjarrët, ndërsa nuk munguan dhe ata që e priten vitin e ri pranë kishës së Shna Ndout, një vend i shenjtë ku njerëzit kanë shumë besim dhe shpresë.
Bashkë me spektaklin e fishekzjarreve Tirana priti dhe ndërrimin e viteve. Festa nisi më herët me një koncerti festiv të organizuar nga Bashkia e Tiranës në sheshin “Skënderbej”, ku performuan këngëtarët më të dashur, si Getoar Selimi, Luana dhe Ardit Çuni.
Pak para ndërrimit të viteve, kryetari i Bashkisë së Tiranës, Erion Veliaj uroi shqiptarët për më shumë solidaritet dhe bashkëpunim.
“Dashuria e çon këtët qytet përpara. Puna e përbashkët e çon këtë qytet përpara, njerëzit e mirë e çojnë këtë qytet përpara. Këtë vit kemi pasur një vit fantastik si Tirana Kryeqyteti Europian i Rinisë. Nga nesër, fillon një vit i ri i Tiranës, Kryeqyteti Europian I Sportit. Po sporti më I mirë është dashuria për njëri-tjetrin, është solidariteti dhe është bashkëpunimi. Nuk ka rëndësi nëse jemi nga Tropoja apo nga Tepelena, të krishterë apo myslimanë, vendalinj apo të ardhur, kjo është Tirana jonë. Dhe të gjithë bashkë japim një kontribut për ta çuar më përpara”, theksoi Veliaj.
Kryebashkiaku Veliaj u shpreh se ky është dhe një moment për të lënë pas çdo keqkuptim dhe për të parë nga e ardhmja.
“Sot numërojmë mbrapsht për të mbyllur një vit dhe për të pasur një spektakël fishekzjarresh. Unë them që ne duhet të numërojmë mbrapsht për të mbyllur çdo debat, çdo keqkuptim, çdo cic mic me njëri-tjetirn. Ne shqiptarët kemi më shumë gjëra që na bashkojnë se sa gjëra që na ndajnë. Ndaj, miqtë e mi, më shumë dashuri, më pak urrejtje, më shumë bashkëpunim, më pak pengesa, më shumë kokën nga e ardhmja se sa nga e kaluara”, tha ai.
Kreu i Bashkisë falenderoi dhe të gjithë ata që këtë natë të ndërrimit të viteve e kalojnë në punë në shërbim të komunitetit.
“Dua të falenderoj të gjithë ata që në ditët e vështira siç ishte tërmeti, siç ishte pandemia, siç ishte kjo luftë e mallkuar ishin në krye të detyrës. Një super duartrokitje për të gjithë ata që punojnë fort. Faleminderit infermierëve, faleminderit mjekëve, faleminderit policëve, ushtarëkëve, zjarrfikëseve, atayre që do punojnë gjithë natën sot që Tirana të gëzojë dhe secili prej nesh të ketë një festë të bukur”, tha Veliaj.
Korça nuk ka zhgënjyer! Si kryeqyteti i festave që është quajtur këtë vit, dhuroi edhe një atmosferë shumë të bukur edhe kur akrepat e orës shënuan 00:00. Report Tv sjell pamjet në kohë reale nga spektakli i fishekzjarrëve.
Qindra qytetarë beratas tejmbushin sheshin dhe rrugë e qytetit, në pritje të Vitit 2023.
Sapo ora shënoi 00:00, që përkon edhe ardhjen e vitit 2023,i gjithë qielli u mbulua nga fishekzjarrë të panumërta të hedhur jo vetëm nga bashkia, por edhe nga qytetarët. Ishte një spektakël i vërtetë fishekzjarresh, që ndriçoi qiellin beratas për rreth 20 minuta. Qytetarët beratas u grumbulluan për të pritur ardhjen e Vitit 2023 rreth Pemës së madhe të Vitit të Ri, të vendosur këtë vit mes dy lagjeve muzeale "Mangalem" e "Goricë", duke uruar njëri-tjetrin "Gëzuar, nga mot gëzuar".
Nata festive e ndërrimit të viteve do të vijojë më pas me festimet e qytetarëve në baret e lokalet e qytetit, të cilat janë prenotuar më herët nga familjarët. Në rrugët e qytetit shihet prezencë e shtuar e forcave të policisë, që janë në gatishmëri të plotë jo vetëm për të garantuar qarkullimin normal në rrugët e Beratit por edhe për të shmangur çdo incident të mundshëm.
Elbasani mirëpret vitin e ri 2023! Qindra qytetarë në sheshin kryesore shijuan spektaklin e fishekzjarrëve.
“Uroj shqiptarët kudo qofshin”
“Gëzuar, 2023 qoftë një vit i lumtur”
“Gëzuar vitin e ri të gjithë shqiptarëve”, janë disa nga urimet që bëjnë qytetarët e Elbasani.
Një atmosferë elektrizuese u dhurua nga Shkodra në këtë natë të ndërrimit të viteve. Qindra qytetarë dolën në sheshin ‘Luigj Gurakuqi’ ku plasën fishekzjarrë e më pas u drejtuan lokaleve, ku festa vazhdon.
Në Gjirokastrën e gurtë, gjirokastritët festuan natën e ndërrimit të viteve. Kur akrepat shkuan 00:00, u dhurua një atmosferë e ngrohtë e ku nuk mungoi edhe shfaqja me fishekzjarrë.
Drejtori i Policisë së Tiranës, Tonin Vocaj ka bërë me dije se 12 persona janë lënduar nga fishekzjarrët, 4 prej tyre në spital.
“Situata e rendit dhe sigurisë publike në Tiranë, është në parametra normal, 12 persona të dëmtuar nga fishekzjarrët, 4 persona janë në spital. Shërbimet e policisë do të jenë në shesh, policia rrugore ka marrë masa për të mos lejuar që të krijohet trafik i rënduar”, tha Vocaj në një njoftim për mediat.
Tirana, si asnjëherë tjetër ka dhuruar një spektakël fishekzjarresh! Organizimi ishte bërë në sheshin Skënderbej nga Bashkia e Tiranës, e ndërsa në këtë magji kanë kontribuar edhe vetë qytetarët që plasën fishekzjarrë nga shtëpitë e tyre, duke dhuruar një pamje fantastike.
Nata e ndërrimit të viteve është festuar edhe në qytetin e Fierit me një spektakël fishekzjarrësh. Dhjetëra qytetare mbushën sheshin qendror të qytetit dhe kur ora shënoi 00:00 qielli u ndez nga fishekzjarrët. Në gatishmëri në sheshin e qytetit kanë qenë zjarrfikësja dhe patrulla policie.
Ashtu si në të gjithë Shqipërinë edhe në Lezhë bashkimi i akrepave të orës që lajmëruan ardhjen e vitit të ri u prit me një atmosferë të gëzueshme. Qindra qytetarë sfiduan temperaturat e ulëta dhe mbushen rrugët dhe sheshin kryesor të qytetit, duke u bërë pjesë e festimeve për vitin e ri. Për disa minuta qielli u ndriçua nga magjia fishekzjarrëve të shumta të cilët u hodhën në mënyre të organizuar nga bashkia, por edhe vetë qytetarët.
Atmosfera festive nuk kishte si të mungonte edhe në Vlorë. Si asnjëherë tjetër, qielli i ndrit nga spektakli i fishekzjarrëve shumëngjyrësh.
Në qytetin e Durrësit, qytetarët nuk e kanë pritur orën 00:00, por kanë nisur spektaklin disa minuta më herët. Report Tv sjell video nga atmosfera në sheshin kryesor të qytetit, ku është dhuruar një spektakël fishekzjarresh.
Komente
Lajme të tjera
-
A duhen marrë masa? Sulmet ndaj policisë dhe zjarrfikësve gjatë mbrëmjes së ndërrimit të viteve në Berlin ndezin debate në Gjermani
4 Janar 2023, 08:41 -
Festimet për Vitin e Ri sjellin lëvizje të mëdha të automjeteve! Radhë kilometrike në aksin Durrës-Tiranë, fluks makinash
3 Janar 2023, 18:41 -
Festimet për Vitin e Ri sjellin lëvizje të mëdha të automjeteve! Radhë kilometrike trafiku në rrugën Laç-Fushë Krujë, qindra makina të bllokuara (VIDEO)
2 Janar 2023, 17:21 -
Fëmija i parë për 2023-in është shqiptar në këtë qytet italian, ja emri i veçantë që i kanë vendosur prindërit
2 Janar 2023, 12:40 -
Festime përmes fotosh, si u prit nata e ndërrimit të viteve në botë
1 Janar 2023, 17:20 -
Çfarë pritet nga viti 2023? Nga konferenca e klimës te sonda hapësinore e NASA-s! Cilat do jenë ngjarjet më të rëndësishme
1 Janar 2023, 16:21 -
Mbrëmja e Vitit të Ri në Itali, dhjetëra aksidente prej fishekzjarreve! 10-vjeçarit i presin dorën! 16-vjeçari plagoset me armë zjarri! Digjen 59 makina në Romë
1 Janar 2023, 13:28 -
Papa Françesku mban meshën e parë për vitin 2023: Kemi nevojë për shpresë ashtu siç toka ka nevojë për shiun
1 Janar 2023, 13:22 -
Vijojnë festimet për vitin 2023 në sheshin Skëndërbej! S’mungojnë fotot te pema! Qytetarët: Përsheshi me gjel deti nuk i mungoi tavolinës
1 Janar 2023, 12:35 -
Dita e parë e vitit 2023, vizitorë të shumtë në Shëngjin
1 Janar 2023, 11:59 -
Çfarë ndodhi pas festimeve të Vitit të Ri, 15 të plagosur nga fishekzjarret në të gjithë vendin! Mes tyre 2 fëmijë në Fier
1 Janar 2023, 10:13 -
Festimet e Vitit të Ri 2023 në botë përmes fotografive! Në Wuhan, qytetarët mbushin rrugët dhe hedhin tullumbace në ajër! Pele kujtohet në Brazil
1 Janar 2023, 09:21
Gëzuar një vit te mbarë për të gjithë Shqiptarët ! Zoti na bekofte me një vit te mbarë !!!
PërgjigjuUrimet me te mira per stafin tuaj te mrekullueshem! Gezuar 2023, suksese e mbaresi!
Përgjigju