Mbërrin Viti i Ri 2022! Një vit i ri me urime për më shumë mbarësi, begati e shëndet për të gjithë shqiptarët! Ky ndërrim viti, u prit me festime dhe fishekzjarrë në qytetet e vendit, ndryshe nga viti i kaluar, ku u festua nën karantinë dhe ore policore. Ndërkohë dy foshnjet e para që erdhën në jetë për Vitin e Ri 2022 janë djem, Akid dhe Aiden!
Qielli i Tiranës u ndriçua në ndryshimin e viteve nga spektakli i fishekzjarrëve në sheshin ‘Skënderbej’, ndërsa dhjetëra qytetarë u mblodhën të shikonin magjinë e dritave në ajër. Bashkia e Tiranës, nga ana tjetër kishte organizuar një koncert, ku këngëtarët e njohur Elvana Gjata dhe Alban Skënderaj ndezën skenën.
Edhe në qytete të tjera të vendit, viti i ri u prit me spektakël fishekzjarrësh, me urimin dhe më dëshirën për një vit më të mbarë e të begatë. Megjithëse ende përballemi me pandeminë e koronavirusit dhe kërcënimit e përhapjes së variantit të ri Omicron, sonte restorantet hapën dyert edhe për qytetarët.
Shqiptarja.com i uron gjithë shqiptarëve kudo që janë: “Gëzuar Vitin e ri, 2022!”.
Festivali i fishekzjarreve nga bashkia e Tiranes
VIDEO-Kronika nderrimi i viteve ne rrethe
Dhjetëra qytetarë në qytetin e Elbasanit kanë dalë që të shijojnë spektaklin e fishekzjarrëve për Vitin e Ri 2022!
Në Durrës viti 2022 ka mbërritur nën spektaklin e fishekzjarrëve! Qytetarët kanë dalë që të ndjekin koncertin e muzikës, i cili u shoqërua nga një spektakël mahnitës fishekzjarrësh, organizuar nga më të mirët e Dubait. Organizimi ka mbledhur qindra qytetare në shëtitore.
Qytetarët e Fierit kanë pritur Vitin e Ri 2022 në magjinë e spektaklit të fishekzjarrëve.
Edhe në qytetin e Gjirokastrës, Viti i Ri 2022 është pritur me fishekzjarrë. Qytetarët, ndryshe nga viti i kaluar, këtë vit dolën rrugëve të qytetit për të shijuar spektaklin e ndriçimit të dritave nga fishekzjarrët.
Edhe në qytetin e Korçës, ndërrimi i viteve është pritur me një spektakël fishekzjarrësh. Sheshet e qytetit ishin të mbushura nga qytetarët.
Me urimin për një vit më të mbarë dhe të begatë, e kanë pritur qytetarët e Vlorës Vitin e Ri 2022! Dhjetëra qytetarë kanë dalë për të shijuar spektaklin e fishekzjarrëve si dhe koncertin e organizuar nga bashkia.
Nata e ndërrimit të viteve e ka gjetur sot Beratin të tejmbushur me njerëz,të grumbulluar në sheshin e qytetit.Pas një viti të vështirë për shkak të pandemisë Viti 2022 ka rikthyer gjallërinë në qytet. Qindra qytetarë beratas kanë dalë në shesh dhe në rrugët e qytetit,duke u argëtuar dhe duke shijuar spektaklin e fishekzjarreve që ndriçuan qiellin për rreth 15 minuta. Qytetarët beratas u grumbulluan rreth pemës së madhe të Vitit të Ri,të vendosur për herë të parë këtë vit mes dy lagjeve muzeale "Mangalem" e "Goricë",duke uruar njëri-tjetrin "Gëzuar,nga mot gëzuar".
Nata festive e ndërrimit të viteve do të vijojë më pas me festimet e qytetarëve në baret e lokalet e qytetit,të cilat janë prenotuar më herët nga familjarët.Ndonëse jemi në periudhë pandemije dhe frika e infektimit nga virusi Covid-19 ekziston ende,kjo nuk i ka penguar qytetarët beratas të grumbullohen në shesh e të përqafohen këtë vit me njëri-tjetrin.Në rrugët e qytetit shihet prezencë e shtuar e forcave të policisë,që janë në gadishmëri të plotë jo vetëm për të garantuar qarkullimin normal në rrugët e Beratit por edhe për të shmangur çdo incident të mundshëm.
Në qytetin e Sarandës Viti i Ri 2022 është pritur me fishekzjarrë. Pamjet nga qyteti bregdetar janë mahnitëse.
Edhe në Shkodër, nata e ndërrimit të viteve është pritur me spektakël fishekzjarrësh. Qytetarët dolën në shesh dhe shijuan spektaklin e fishekzjarrëve të organizuara nga bashkia.
Qindra qytetarë në Lezhë e pritën Vitin e ri në sheshin 'Gjergj Kastrioti'. Ata u bënë pjesë e festimeve duke shijuar magjinë e fishekzjarrëve të hedhura dhe të organizuara nga bashkia.
Komente
Lajme të tjera
-
Tiranë, përplasi me makinë policin e Patrullës që ishte në shërbim, arrestohet 21 vjeçari
26 Dhjetor, 13:25 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00
Gezuar dhe juve dhe te gjithe shqiptaret kudo qe jane!Shendet,suksese dhe gjithe te mirat!
PërgjigjuStafit tuaj te mrekullueshem, lexuesve e komentuesve ju uroj nje Vit te Ri te mbere, plote shendet e te sukses'shem!
Përgjigju