Sot pritet marrëveshja për qeverinë italiane, Sgarbi i këshillon librin e Ramës Di Maios dhe Salvinit

Dy liderët e 5 Yjeve dhe të Legës, Luigi Di Maio dhe Matteo Salvini, pasi u morën vesh dje për temat më kryesore për një bashkëqeverisje të mundshme të Italisë pritet që të biend dakord sot edhe për emrin e kryeministrit dhe t’i japin vendit një qeveri pas zgjedhjeve të fundit parlamentare.

Ndërkohë, politikani dhe kritiku i artit Vittorio Sgarbi, i cili prezantoi dje në Torino librin e kryeministrit shqiptar Edi Rama, “Kurban”, ua ka këshilluar atë dy protagonistëve kryesorë të zgjedhjeve të fundit italiane, pikërisht në prag të formimit të qeverisë së re.

I intervistuar nga gazeta “La Stampa”, Sgarbi u shpreh:

Një këshillë letrare për Di Maion dhe Salvinin? Sigurisht librin e Edi Ramës, “Kurbanin”: historinë e e një politikani, që sot është kryeministri i Shqipërisë por që ka qenë edhe kryebashkiak. Përveç Salvinit që ka qenë eurodeputet dhe këshilltar bashkiak në Milano, për Di Maion e kam thënë gjithnjë se që të bëhet kryeministër dikush që nuk ka qenë asnjëherë as këshilltar bashkiak, më duket një ide ekstravagante. Më pas u këshilloj atyre të lexojnë “Thesarin e Italisë”, librin tim në gjashtë vëllime. Një politikan nuk mund t’i lejojë vetes që të mos njohë Cassetta-n, Lorenzetti-n ose Martini-n. E kam pyetur edhe Grillo-n, ai nuk më është përgjigjur asnjëherë por ndoshta sot e di, duke qenë se i ka hyrë studimit.

Sgarbi i këshillon "Kurbanin" e Edi Ramës Di Maios dhe Salvinit

 

Të thuash se bën kryeministrin në emër të së bukurës, të artit, të qytetërimit, është diçka ekzaltuese për mua, por e vërtetë. Pra nuk ëthë se jemi takuar rastësisht. Ai në njëfarë mënyre ka interpretuar atë që unë e kam menduar gjithnjë. Ai ia ka dalë kurse, unë jo. Kështu që do ta sugjeroja librin e kryeministrit shqiptar që kemi këtu, Kurbanin.

Sgarbi për Edi Ramën

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez