POP 5

Lajmet më të lexuara të 5 minutave të fundit

Sport

Sot rikthehet magjia e Champions me tifozë! Në fushë Juventus e Barça, spikasin Lazio-Dortmund dhe PSG-Man.United

Rikthehet magjia e Champions League me ndeshjet e para të fazës së grupeve. Megjithëse në pandemi ndeshjet do të luhen me tifozë në kapacitetin 30% të stadiumit. Në fushë zbresin Juventusi, Barcelona dhe Chelsea ndërsa spikasin duelet Lazio-Dortmund dhe PSG-Manchester United.

Pas gati dy muajsh sot rikthehet magjia e Champions League. Faza e grupeve të kompeticionit europian më të rëndësishëm për klube merr jetë sot me 8 ndeshje spektakolare në grupet E,F,G dhe H. Megjithëse ende në periudhë pandemie ky Champions nis me më shumë emocione se kurrë pasi në stadiumet mund të mbushen në 30% të kapacitetit.

Andrea Pirlo me Juventusin e tij debuton në Kiev ndaj Dinamos përpara 21 mijë tifozëve me ndeshjen që nis në 18:55.  Dybala pritet ta nisë nga stoli dhe dyshja e sulmit do përbëhet nga Morata-Kulusevski.

Ndërsa në mbrëmje në orën 21:00 po për grupin G Barcelona pret në “Camp Nou” hungarezët e Ferencvaros. Një ndeshje ku katalanasit nuk pritet të kenë probleme dhe do të kërkojnë të ringrihen pas humbjes në kampionat. Covid-i i “mallkuar” i heq mundësinë Myrto Uzunit që të përballet me Leo Messin një nga idhujt e tij.

Grupi H është një nga grupet më të forta dhe nis menjëherë me një superpërballje PSG-Manchester United. Mbappe dhe Neymar pritet të udhëheqin kampionët e Francës ndërsa tek anglezët mungon kapiteni Maguire dhe Rashford-Martial do udhëheqin sulmin. Ndeshja tjetër e grupit është Lajpcig- Istanbul Basaksehir.

Në grupin F Lazio debuton ndaj Dortmundit në një sfidë që tekniku Inzaghi e ka cilësuar si të fortë. Immobile-Correa do kërkojnë t’u shënojnë gjermanëve ndërsa Zenit pret belgët e Brugge.

Ndërkaq sfidë tepër interesante është ajo e grupit E mes Chelseat dhe Sevilla-s fitueses së Europa League. Francezët e Rennes presin rusët e Krasnodar./Përgatiti Andi Kapxhiu

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57