Uashington- Kryeministri britanik Keir Starmer viziton sot (13 Shtator) Uashingtonin dhe do takohet me presidentin amerikan, Joe Biden, i cili tani është i bindur për nevojën për të hequr kufizimet në përdorimin e armëve me rreze të gjatë kundër bazave logjistike të Moskës.
Britania e Madhe pritet t’i japë dritën jeshile propozimit amerikan, për t’i ardhur në ndihmë Kievit në këto ditë të vështira.
Një burim i inteligjencës perëndimore tha:
"Një nga shtyllat e vizitës së Starmer në Uashington do të jetë se si ta vendosë Ukrainën në kushtet më të mira të mundshme përpara fundit të vitit".
Ndërkohë, po grumbullohen të dhëna për vendimin e mundshëm të SHBA-së dhe Mbretërisë së Bashkuar për të lejuar Ukrainën, pas kërkesave të përsëritura të Presidentit Zelensky, të përdorë raketat me rreze të gjatë veprimi Atacms dhe Storm Shadow, kundër objektivave ushtarakë në Rusi, raporton “La Repubblica”.
Aq sa detyroi Vladimir Putin të shpërthente, teksa dje (12 Shtator) bëri një tjetër kërcënim:
"Përdorimi i raketave perëndimore kundër nesh nga Ukraina do të thotë se vendet e NATO-s janë në luftë kundër Rusisë".
Shefat e jashtëm të SHBA-së dhe Mbretërisë së Bashkuar, Anthony Blinken dhe David Lammy, po udhëtojnë së bashku prej katër ditësh, dhe pas Londrës dhe vizitës së parë të njëkohshme të përfaqësuesve të dy vendeve në Kiev që nga agresioni rus, mbërritën në Uashington, ku sot (13 Shtator) Starmer do të pritet në Shtëpinë e Bardhë nga Biden.
Të shtunën e kaluar kreu i CIA-s, William Burns, në skenën e Financial Times në Londër, në mënyrë të jashtëzakonshme, së bashku me Richard Moore të MI6 britanik, deklaruan se "ne po shqyrtojmë hipoteza të ndryshme se si t'i ndihmojmë ukrainasit".
Për Lammy, shkaku i përshkallëzimit të fundit dhe "të rrezikshëm" është "furnizimi i Iranit me raketa balistike për Moskën", dhe "Koreja e Veriut është pjesë përbërëse e këtij aksi të ri, përveç Putinit".
Në Kiev, Blinken theksoi se "ne gjithmonë i kemi përshtatur politikat tona bazuar në betejën në terren në Ukrainë".
Por tashmë në Shtëpinë e Bardhë janë të bindur: Është marrë vendimi për të përdorur raketa perëndimore në Rusi, me rreze veprimi deri në 250 kilometra. Britanikët mund të vendosnin raketa atje dhe amerikanët mund të vendosnin GPS dhe të dhëna të tjera të drejtimit.
Objektivi i bisedave Biden-Starmer është i qartë:
“Një samit i domosdoshëm me pikëpamje më të gjera për politikën e jashtme”.
Një zëdhënës i liderit britanik na thotë:
“Do të flasim edhe për armëpushimin në Gaza, për Indo-Paqësorin, por mbi të gjitha për Ukrainën. Pozicioni ynë për raketat me rreze të gjatë nuk ka ndryshuar. Por ne i dëgjojmë vazhdimisht ukrainasit dhe do t'i mbështesim gjithmonë sa më mirë që mundemi. Sepse ky është një moment vendimtar”.
Të martën, vetë Biden pranoi se drita jeshile për raketat mund të jetë e pashmangshme, pasi Kievi dha listën e objektivave strategjikë që do të synonte në Rusi:
"Ne jemi duke punuar për të", tha ai.
Qëllimi nuk është vetëm t'i jepet dritë jeshile Britanisë së Madhe dhe Francës për "Storm Shadows" dhe "Scalps" me rreze prej 155 miljesh, por edhe për të rritur furnizimet amerikane. Deri më tani SHBA-të, pas vonesave të gjata sa i përket tankeve dhe F16-ve, i kanë dhënë Ukrainës Atacms.
Këto raketa kanë aftësinë për të goditur deri në 190 milje, por Uashingtoni ka vendosur një kufi prej 60 miljesh, për të shmangur veprimet në Rusi të afta për të provokuar një përshkallëzim. Ideja ishte që ato të përdoreshin kryesisht në Krime, ose në territorin kombëtar.
SHBA-të më pas mund të shtojnë Jassm, i cili mund të gjuhet nga F16 për të lëshuar 500 kilogramë koka luftarake 230 milje larg, duke mbetur në hapësirën ajrore të Kievit.
Rezistenca e Pentagonit, përveç frikës nga përshkallëzimi, lidhet me faktin se ndërkohë rusët i kanë zhvendosur bazat në distanca më të mëdha se rrezet e raketave, si dhe me mungesën e tyre në vetë arsenalin amerikan.
Lajme të tjera
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33
