TIRANË- Prokuroria e Posaçme Kundër Krimit të Organizuar dhe Korrupsionit (SPAK) ka firmosur urdhrin që ndalon publikimin e dëshmive të Nuredin Dumanit dhe Henrik Hoxhaj, dëshmi të cilat përbëjnë sekret hetimor. Deklaratat e bëra para agjentëve të BKH dhe prokurorëve të SPAK që ende nuk janë bërë pjesë e dosjes zyrtare, që i jepet edhe avokatëve apo çohet në gjykatë përbëjnë sekret hetimor dhe do të ishte në dëm të hetimeve dalja e informacioneve të dhëna nga të penduarit e drejtësisë.
Vendimi i sotëm i SPAK është firmosur nga 3 prokurorët e dosjes 'Operacioni Plumbi i artë', Doloreza Musabelliu, Altin Dumani dhe Behar Dibra, ku paralajmëron se kush shkel këtë vendim, do të burgoset deri në 6 vite burg, siç e parashikon neni 295/a.
"Zbulimi i të dhënave sekrete, që kanë lidhje me identitetin, procesin e bashkëpunimit, të mbrojtjes ose për vendndodhjen e dëshmitarëve e të bashkëpunëtorëve të drejtësisë, të cilët përfitojnë mbrojtje të veçantë, sipas ligjeve në fuqi, dënohet me burgim nga dy deri në gjashtë vjet", thuhet në paragrafin e 4, të nenit 295/a.
Një vendim i tillë ka ardhur pas publikimeve në media të dëshmive të Nuredin Dumanit dhe Henrik Hoxhaj të cilët me anë të dëshmive të tyre kanë arritur që të zbardhin ngjarjet më të bujshme kriminale të 10 viteve të fundit. Megjithatë, duhet theksuar se të tilla dëshmi, ende në fazë hetimi, kanë vetëm një mënyrë se si mund të kenë rrjedhur për mediat dhe ajo është përmes vetë Prokurorisë së Posaçme, pasi ende nuk janë në dorë të avokatëve apo GJKKO.
Prokuroria e Posaçme Kundër Korrupsionit dhe Krimit të Organizuar, ka reaguar për informacionet e dala në media mbi dëshmitë e fundit të të penduarit të drejtësisë Nuredin Dumani. Në njoftimin e saj për shtyp SPAK, njofton se urdhri për nxjerrjen e sekretit hetimor përbën vepër penale e cila mund të shkojë deri në arrest me burg. Hetimi i dosjes 'Plumbi i Artë' është ende në proces, interesi i mediave nuk duhet të cenojë në hetim, thuhet në njoftimin e SPAK.
PROKURORIA E POSAÇME KUNDËR KORRUPSIONIT DHE KRIMIT TË ORGANIZUAR
NJOFTIM PËR SHTYP
Nisur nga interpretimet e bëra në media, lidhur me urdhërin e prokurorëve të Prokurorisë së Posaçme Kundër Korrupsionit dhe Krimit të Organizuar, datë 14.06.2022 ‘’Për ruajtjen e sekretit, ndalimin e publikimit të akteve dhe përmbajtjes së tyre’’ sqarojmë se ;
Ky urdhër i është komunikuar në datën 16.06.2022 gazetarit E.Q, kundrejt nënshkrimit për marrjen dijeni, pasi gazetari ka publikuar disa te dhëna sekrete, që shkonin përtej vendimit të gjykatës me objekt caktimin e masave të sigurimit personal ‘’arrest në burg’, në kuadër të procedimit penal nr.75/2022 dhe që në përputhje me nenin 295/a/4 të Kodit Penal përbëjnë akte sekrete të procedimit penal nr.75/2022.
Sqarojmë se Prokuroria e Posaçme Kundër Korrupsionit dhe Krimit të Organizuar, këtë urdhër ia ka adresuar vetëm një gazetari dhe për arsyen konkrete të sipërcituar.
Prokuroria e Posaçme Kundër Korrupsionit dhe Krimit të Organizuar, po kryen te gjitha veprimet hetimore të nevojshme për të sqaruar rrethanat në të cilat informacioni hetimor sekret është transmetuar tek personat që më pas e kanë publikuar atë, me qëllim vënien përpara përgjegjësisë të personit/personave që ka/kanë nxjerrë sekretin hetimor.
Ne mirëkuptojmë interesin e mediave për informimin e opinionit publik, por ky interes nuk mund dhe nuk duhet të cënojë një hetim të filluar dhe as sigurinë publike apo individuale të personave emrat e të cilëve janë përmenduar gjatë hetimit, i cili vazhdon.
Komente
Lajme të tjera
-
Investuan paratë e kokainës në Shqipëri! SPAK hetim pasuror grupit të Suel Çelës, priten 3 ekstradime nga Belgjika dhe Italia
29 Nëntor, 12:11
-
Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet
28 Nëntor, 22:25 -
Goditja e organizatës kriminale të Suel Çelës, SPAK: Publikimi i dosjes dëmton procesin hetimor
28 Nëntor, 17:32 -
Vrasja e Klaudio Prendit, dosja i kalon SPAK-ut, autorët i përkasin një grupi të strukturuar kriminal
28 Nëntor, 11:50
-
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47 -
SPAK çon në GJKKO dosjen e deputetit PS Plarent Ndreca dhe 15 ish-zyrtarëve të Ministrisë së Brendshme! Dyshime për shkelje në tenderët e vitit 2019 (SKEMA+EMRAT)
27 Nëntor, 13:58 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48
Pak si vone ky reagim,tani qe deshmite e tyre u kthyhen ne //thriller//,tani u kujtuan keta?!
PërgjigjuJu e dini fare mire se ku ndodhet Talo Cela pse nuk shkoni ti vini prangat?
PërgjigjuPo ata qe i nxoren keto dokumente?????? Nese ata qe i publikojne i kane vjedhur atehere kane bere veper penale, por ata qe i kishin nuk kane faj??????
PërgjigjuFix pra kush I nxorri keto dokumenta apo dolen nga hici!? Edhe ligji antiduhan pa lidhje!? Show vazhdon
Zoterinj sekreti eshte nxjerr nga ju keshtu denimin e doni ju te paret. Pa ndihmen tuaj gazetaret nuk do shkonin deri ketu ato kane bere punen e tyre .
Përgjigju