POP 5

Lajmet më të lexuara të 5 minutave të fundit

Politikë

SPAK i përgjigjet Ramës, publikon strategjinë për hetimin dhe parandalimin e krimit zgjedhor! Ja 4 piketat kryesore, mes tyre monitorim mediave dhe rrjeteve sociale

Prokuroria e Posaçme i është përgjigjur kryeministrit Edi Rama, që deklaroi që të mos survejoheshin partitë politike në zgjedhje, me publikimin e “Strategjisë së Hetimit dhe Parandalimit të Krimit Zgjedhor: Zgjedhjet për Kuvendin 2025”. Objekt hetimi e verifikimi çdo indicio, dyshim, raportim dhe e dhënë. Gjithashtu monitorim i buxhetit dhe investimeve gjatë fushatës

Prokuroria e Posaçme i është përgjigjur kryeministrit Edi Rama, që deklaroi që të mos survejoheshin partitë politike në zgjedhje, me publikimin e “Strategjisë së Hetimit dhe Parandalimit të Krimit Zgjedhor: Zgjedhjet për Kuvendin 2025”.

Njoftimi u bë sot pasdite nga institucioni i akuzës, që theksoi edhe pikat kryesore të kësaj strategjie, për të cilën ka zhvilluar takim edhe në KQZ me kreun e saj, Ilirjan Celibashi, për bashkëpunim në hetime dhe goditje të fenomenit.

Mes tyre bien në sy verifikimi i çdo indicieje apo fakti për kryerjen e krimeve zgjedhore, verifikimi i raportimeve që ngrenë dyshime të arsyeshme për keqpërdorim të buxhetit dhe investimeve publike, monitorim i mediave dhe rrjeteve sociale.

Gjithashtu bashkëpunimi ndërinstitucional me Prokurorinë e Përgjithshme dhe Komisionin Qendror të Zgjedhjeve, organizatat ndërkombëtare dhe shoqëritë civile që monitorojnë proceset zgjedhore.

Piketat e strategjisë së SPAK:
-Verifikimin në terren të indicieve apo fakteve rreth kryerjes së veprave penale në kuadër të zgjedhjeve për Kuvendin 2025, nën juridiksionin e Prokurorisë së Posaçme.
-Verifikimin e raportimeve që ngrenë dyshime të arsyeshme mbi keqpërdorimin e buxhetit dhe investimeve publike gjatë periudhës zgjedhore prej subjekteve të posaçme.
-Monitorimin e mediave dhe rrjeteve sociale për indicie të mundshme në kryerjen e veprave penale në kuadër të zgjedhjeve.
-Bashkëpunimin ndërinstitucional me Prokurorinë e Përgjithshme, Komisionin Qendror të Zgjedhjeve, Policinë e Shtetit, organizmat ndërkombëtare, organizatat e shoqërisë civile që monitorojnë proceset zgjedhore, etj.

Kliko këtu për të lexuar dokumentin e plotë 

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 17:55

    Kualifikueset e Botërorit, si e parashikoni Shqipëri-Andorra?

Lajme të tjera



×

Lajmi i fundit

Trump: Po flasim me Ukrainën për linjat e demarkacionit dhe Zaporizhian

Trump: Po flasim me Ukrainën për linjat e demarkacionit dhe Zaporizhian

24 Mars, 19:07