SPAK memorandum bashkëpunimi me Zyrën e Prokurorit të Belgjikës

SPAK memorandum bashkëpunimi me Zyrën e Prokurorit të Belgjikës

Prokuroria e Përgjithshme

Drejtuesi i Prokurorisë së Posaçme, Arben Kraja dhe Prokuror Federal i Belgjikës e Frederic Van Leeuw nënshkruan online Memorandumin e Bashkëpunimit ndërmjet Prokurorisë së Posaçme kundër Korrupsionit dhe Krimit të Organizuar Shqipëri (SPAK) dhe Zyrës Federale të Prokurorisë të Mbretërisë së Belgjikës.

Objekti i këtij Memorandumi është bashkëpunimi ndërmjet dy institucioneve në fushën e luftës kundër krimit të organizuar, terrorizmit, korrupsionit dhe pastrimit të produkteve nga aktiviteti kriminal.

Zyra e Prokurorisë Federale të Mbretërisë së Belgjikës dhe autoritetet e prokurorisë shqiptare kanë marrëdhënie shumë të mira bashkëpunimi duke filluar nga viti 2011 kur është nënshkruar Memorandumi i Bashkëpunimit me Prokurorinë e Përgjithshme Shqipëri. Gjatë 10 viteve të shkuara ka pasur bashkëpunim të ngushtë dhe të suksesshëm ndërmjet dy vendeve.

Nisur nga situata aktuale, krijimi dhe fillimi i funksionimit të Prokurorisë së Posaçme (SPAK) u konsiderua si domosdoshmëri dhe vlerë e shtuar vendosja e bashkëpunimit ndërmjet dy institucioneve me synim realizimin e objektivave të tyre në të ardhmen.

Gjatë ceremonisë së nënshkrimit magjistratët e dy vendeve nënvizuan rëndësinë e besimit reciprok dhe vendosjen e objektivave të përbashkëta në fushën e luftës kundër krimit të organizuar, terrorizmit, korrupsionit dhe pastrimit të produkteve nga aktiviteti kriminal.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

VIDEO/ Çmenduria në Tiranë, hyn kundravajtje, dhunon shoferin tjetër që s’i hapte rrugën, i dëmton dhe makinën

VIDEO/ Çmenduria në Tiranë, hyn kundravajtje, dhunon shoferin tjetër që s’i hapte rrugën, i dëmton dhe makinën