TIRANE- 15 vite nga krijimi në 2004-ën, Gjykata e Krimeve të Rënda dhe Prokuroria për Krime të Rënda do të shkrihen më 20 Dhjetor 2019 për t'i hapur rrugë SPAK dhe GJykatës Kundër Krimit të Organizuar. Konfirmimin për shkrirjen e tyre e bëri kreun i KLP-së, z.Gent Ibrahimi, i cili sqaroi dhe caktimet e përkohshme të prokurorëve që mbeten pa punë pas shkrirjes së Krimeve të Rënda.
Një javë nga ngritja e SPAK KLP vendosi sot transferimin në Prokuroritë e rretheve të prokurorëve të Krimeve të Rënda që kanë mbajtur në duar edhe dosjet më të bujshme të drejtësisë në vend. Ibrahimi tha se ky transferim nuk është bërë duke marrë pëlqimin e prokurorëve, për shkak se parësore është struktura dhe jo interesat individuale. Këshilli i Lartë i Prokurorisë këtë të enjte caktoi përkohësisht si prokurore Apeli në Tiranë, ish kryeprokuroren Arta Marku, ndërsa drejtuesja e Krimeve, Donika Prela edhe pse ka emërimin në Durrës u caktua në Tiranë.
Në Tiranë u caktuan edhe 10 prokurorë të tjerë të Krimeve ndërsa vetëm dy të pezulluarit nga vettingu deri në vendimin final të Kolegjit të Apelimit, Eugen Beci dhe Përparim Kulluri u caktuan përkatësisht në Korçë edhe Shkodër.
Në Tiranë do të vijojnë të qëndrojnë Besim Hajdamataj, Elisabeta Imeraj, Manjola Kajana dhe 7 prokurorë të tjerë të caktuar përfundimisht në këtë post. Ndërsa pa drejtues ka mbetur Prokuroria e Elbasanit, pavarësisht dy kandidaturave që pritet të votohen në mbledhjen e 19 Dhjetorit.
Ndalur tek kreu i SPAK, Ibrahimi sqaroi se më 18 dhjetor do të bëhet intervistimi publik i tre kandidatëve. KLP pas dëgjesave publike me votim pritet të përzgjedh mes Dumanit, Krajës e Kondilit për t'i dhënë mundësi SPAK të nis nga puna.
Kreu i Këshillit të Lartë të Prokurorisë është shprehur se me datë 18 Dhjetor do të intervistohen kanidatët për SPAK, Edvin Kondilli Arben Kraja dhe Altin Dumani. Ai tha se procesi i intervistimit të tyre do të jetë i ngjashëm me atë të kandidatëve për kryeprokuror. Ibrahimi deklaroi se SPAK do të jetë funksionale me datë 19, pavarësisht se nuk ka ende 10 anëtarë. Ndërsa për emërimin e prokurorëve në rrethe, Ibrahimi u shpreh se nuk është marrë pëlqëmi i tyre pasi është parësor sistemimi dhe jo interesi individual.
"Në datën 18 do bëjmë intervistat me 3 kandidatët. Dosjet e tyre janë tashmë në këshill. Do t'i dëgjojmë ata. Seancat dëgjimore do jenë publike. Metedologji rrjedh nga rregullorja jonë. Ne kemi marrë një vendim në bllok për të sistemuar në bllok këta prokurorë. Caktimet e përkohshëm nuk kërkojnë pëlqimet e prokurorëve. Primar është sistemi dhe jo interesin individuale. Në datë 19 do fillojnë punën ata 8 prokurorë që kemi caktuar. Më pak do ketë më shumë se 10. Do ketë transferimin e disa drejtuesve të tjerë. Ne kur bëhet fjalë për ristrukturim neglizhojnë ambiciet personale. Këta prokurorë kanë shërbyer si prokurorë karriere. Ata do duhet t'i trajtojmë në një mënyrë që nuk i përgjigjet atyre. Pavarësisht problematikave të Durrësit, ngarkesa në Tiranë është më e madhe. Në datë 20 nuk do ketë prokurori dhe as gjykatë të Krimeve të Rënda. Sot jemi para një situate se nuk kemi marrë një vendim individual për Donika Prelën por në kuadër të strukturimit", tha Ibrahimi.
Me një afat të përkohsëhm që nis nga data 19 Dhjetor deri në 18 Mars 2020 Anton Martini, Arta Marku dhe Donika Prela janë caktuar të ushtrojnë detyrën e tyre në Tiranë.
Anton Martini, përkohësisht në Prokurorinë Shkallës së Parë Tiranë
Donika Prela, përkohësisht në Prokurorinë Shkallës së Parë Tiranë
Isa Jata, përkohësisht në Prokurorinë Shkallës së Parë Tiranë
Ditan Prençi, përkohësisht në Prokurorinë Shkallës së Parë Tiranë
Arta Marku, përkohësisht në Prokurorinë pranë Gjykatës së Apelit Tiranë
KLP vendosi të ndërpresë caktimin e përkohshëm të prokurores Alketa Zifla so Drejtoreshë Kabineti në Prokurorinë e Përgjithshme dhe kthimin e saj si prokurore në Prokurorinë pranë Gjykatës së Shkallës së Parë Tiranë.
Gjithashtu u ndërpre edhe caktimi i përkohshëm i prokurores Enkeleda Millonai si Drejtues i Prokurorisë pranë Gjykatës së Shkallës së Parë Elbasan për shkak të emërimit të saj si prokurore në Prokurorinë e Posaçme.
KLP ka vendosur transferimin e prokurorëve të Krimeve të Rënda në Prokuroritë e rretheve, pas 19 Dhjetorit.
Lista e Prokurorëve të transferuar
Arens Çela, në Prokurorinë e Shkallës së Parë Tiranë
Blerim Tominaj, në Prokurorinë e Shkallës së Parë Tiranë
Besim Hajdarmataj, në Prokurorinë e Shkallës së Parë Tiranë
Doloreza Musabelliu, në Prokurorinë e Shkallës së Parë Tiranë
Elisabeta Imeraj, në Prokurorinë e Shkallës së Parë Tiranë
Manjola Kajana, në Prokurorinë e Shkallës së Parë Tiranë
Vladimir Mara, në Prokurorinë e Shkallës së Parë Tiranë
Sonila Muhametaj, në Prokurorinë e Shkallës së Parë Tiranë
Pranvera Pustina, në Prokurorinë e Shkallës së Parë Tiranë
Artan Bajrami, në Prokurorinë e Apelit Tiranë
Përparim Kulluri, në Prokurorinë e Shkallës së Parë Shkodër
Eugen Beci, në Prokurorinë e Shkallës së Parë, Korçë
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
PO KETE KULLURIN SIKUR E RREZOJ VETINGU MORE
PërgjigjuPo ka dhe procedurë ankimimi. I lind e drejta kujtdo (të pisët e të paster) t'a ankimoje në Kolegjin e Posaçëm te Ankimimit. Ky i fundit i vë vulën pastaj, me sa di unë. Po dhe kjo do kohën e vet
Eugen Beci eshte shkarkuar nga vetingu qe ne qershor si ka mundesi vazhdon pun akoma
PërgjigjuArens celen kthejeni ne berat noku se aty mesoi te vinte gjoba njerezve. Kontrolloni pak me makinen e kujt levizte ky gangster prokuror dhe do kuptoni.
Përgjigju