POP 5

Lajmet më të lexuara të 5 minutave të fundit

Politikë

SPAK tremb politikanët? Si u refuzua propozimi i Arben Krajës për mandat të pakufizuar për prokurorët e posaçëm

Opozita dhe maxhoranca shpërfillën propozimin e kreut të SPAK për të hequr kufizimin 9-vjeçar të mandatit të prokurorëve të Prokurorisë së Posaçme. 

SPAK tremb politikanët? Si u refuzua propozimi i Arben Krajës për mandat të pakufizuar për prokurorët e posaçëm

SPAK

Kryebashkiakë, ish ministra, drejtorë të paprekshëm dhe koka të krimit të organizuar kanë përfunduar prapa hekurave vitin e dytë dhe të tretë të veprimit të SPAK-u. Ndonëse kritikat dhe pritshmëritë e publikut janë të mëdha, ky bilanc i deritanishëm i SPAK duket se ka mjaftuar për të trembur krerët e politikës shqiptare, të cilët shpërfillën plotësisht një propozim për forcimin e mëtejshëm të SPAK-ut. Bëhet fjalë për propozimin e kreut të SPAK-ut, Arben Kraja, i cili në korrik të vitit 2021, iu drejtua Kuvendi të Shqipërisë me një shkresë, duke kërkuar mandat të pakufizuar për prokurorët e SPAK-ut.

Në shkresën e Arben Krajës thuhet se kufizimi i mandatit për prokurorët e SPAK në 9 vite pa të drejtë përsëritje, i bën ata të cenueshëm si dhe demotivon në punën e tyre. Sipas tij, vitin e fundit të mandatit, prokurorët nisin të mendojnë se ku do të punësohen, duke shënuar rënie të performancë në punë.  Sipas Krajës, kufizimi i mandatit për prokurorët e SPAK cenon vazhdimësinë për luftimin e krimit dhe korrupsionit, do të krijojë vështirësi për zëvendësimin e tyre etj.

Mandati 9-vjeçar i prokurorëve të SPAK parashikohet në Kushtetutën e ndryshuar në 22 korrik të vitit 2021 si dhe ligjin nr. 95/2016 për Prokurorinë e Posaçme. Që të hiqet kufizimi i mandatit duhej ndryshuar Kushtetuta dhe ligji nr. 95/2016. Mundësia për reflektimin e propozimit të kreut të SPAK-ut ishte ndryshimi i Kushtetutës në 10 shkurt 2022 nga Kuvendi, për zgjatjen e mandatit të të organeve të Vetingut zgjatet deri në 31 dhjetor 2024.

Pas angazhimit të përfaqësuesve të SHBA-BE në Tiranë pro zgjatjes së mandatit të anëtarëve tre shkallës së parë të Vetingut dhe dy komisionerëve publikë, maxhoranca dhe opozita zyrtare bashkuan votat duke ndryshuar Kushtetutën. Por, propozimi për heqjen e kufizimit të mandatit të prokurorëve të SPAK, jo vetëm që nuk u pranua, por as që u diskutua në organet e Kuvendit të Shqipërisë. Si opozita, ashtu edhe maxhoranca, nuk ka shfaqur interes për të diktuar mbi propozimin e kreut të SPAK-ut.

Propozimet e SPAK

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ik o Arben: 24/02/2022 06:42

    Ik o komunist ordiner, familje spijunash e komunistash we te njef tane shkodra. Mjere drejtesia me kta ordinera.

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Dielli pas stuhisë, mediat italiane vlerësojnë Asllanin: Nisi aksionin e golit! Inzaghi: Kristjanin e kryqëzuan, s'e meritonte

Dielli pas stuhisë, mediat italiane vlerësojnë Asllanin: Nisi aksionin e golit! Inzaghi: Kristjanin e kryqëzuan, s'e meritonte

13 Janar, 12:45