POP 5

Lajmet më të lexuara të 5 minutave të fundit

Sport

'Spanja le të mbajë topin në fund vlen rezultati', Reja optimist për Kombëtaren! Kapiteni Hysaj: Do qëndrojmë në mbrojtje!

Trajneri i kombëtares Edy reja thotë se e njeh mjaft mirë futbollin spanjoll, kundërshtarin me të cilin do përballemi të shtunën. Italiani pret që ‘La Roha’ të dominojë sfidën, ndërsa sipas tij vlerë ka vetëm rezultati. Ndërkohë kapiteni Hysaj thotë se futbollistët mezi po e presin këtë përballje.

Një test tejet i vështirë miqësor që e ka kërkuar me ngulm po vetë. Kështu e përkufizoi trajneri i kombëtares Edy Reja ndeshjen që kombëtarja shqiptare do të luajë të shtunën në orën 19:45 kundër Spanjës në Katalonjë.

“Futbollin spanjoll e njoh dhe e vlerësoj shumë. Dua që kundër Spanjës të mos përsërisim atë që bëmë me Anglinë. E di që e zotërojnë shumë mirë topin, por në fund kjo nuk më intereson. Në fund dua rezultatin,”-u shpreh Edy Reja, trajner i kombëtares.

Në konferencën për shtyp Reja foli edhe për Italinë duke thënë se eliminimi nga Maqedonia e Veriut ishte një zhgënjim shumë i madh, ndërsa shtoi se për ndeshjen me Spanjën nuk e ka vendosur ende formacionin. Sakaq kapiteni Hysaj u shpreh se ai dhe kombëtarja e presin me padurim përballjen me Spanjën.

“Është ndeshje shumë e bukur që na jep motivim të madh. Spanja është shumë e mirë në mbajtjen e topit, por ne duhet të rrimë pas duke pritur dhe të shfrytëzojmë momentin e duhur,”-tha Elseid Hysaj, kapiten i kombëtares.

Tre dit pas ndeshjes me Spanjën, konkretisht me 29 mars, Shqipëria do të luajë një tjetër miqësore, por këtë herë kundër Gjeorgjisë në Air Albania.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57