Spanjë/ 6300 të infektuar me COVID-19, gruaja e kryeministrit Sanchez rezultoi pozitive

Spanja me një popullsi prej 46.7 milionë banorë ka regjistruar më shumë se 6.300 të infektuar, si vendi i dytë më i goditur në Europë pas Italisë.

Së fundmi gruaja e kryeministrit Pedro Sánchez Begoña Gómez u testua dhe rezultoi pozitive për virusin.

Ai tha që ata të dy mbetën në rezidencën e kryeministrit në La Moncloa në Madrid dhe se ajo po bëhej mirë.

Rreth 1.800 raste të tjera janë regjistruar që nga e premtja në mbrëmje, ku më shumë në kryeqytet.

Nën një gjendje të jashtëzakonshme, Sánchez ka ndaluar qytetarët spanjollë të largohen nga shtëpia, përveç blerjes së furnizimeve thelbësore,  ilaçeve, ose për punë. 

Të gjitha muzetë, qendrat kulturore dhe vendet sportive do të mbyllen. 

Restorantet dhe kafenetë mund të bëjnë vetëm dërgesa në shtëpi. 

Shërbimet thelbësore si bankat dhe stacionet e karburanteve do të qëndrojnë të hapura. 

Shkollat ​​tashmë janë mbyllur në të gjithë vendin. 

Të shtunën, Sánchez bëri thirrje për unitet, duke i bërë thirrje të gjitha rajoneve të lënë mënjanë dallimet ideologjike dhe t'i vendosin jetën e qytetarëve në rend të parë.

 "Unë dua t'u tregoj punëtorëve, të vetëpunësuarve dhe bizneseve se qeveria e Spanjës do të bëjë gjithçka në fuqinë e saj për të qetësuar efektet e kësaj krize" tha ai. 

Gjendja e jashtëzakonshme do të zgjasë për dy javë, më shumë nëse vlerësohet e nevojshme dhe parlamenti e miraton. 

Kjo do të jetë gjendja e dytë e jashtëzakonshme në vend që prej fillimit të tranzicionit në demokraci në vitin 1975.

Lajmi kryesor:

Zbulohet në Holandë ilaçi për koronavirusin, në Itali 20603 të infektuar e 369 më shumë të shëruar

TAG:
• spanje
• Koronavirus