POP 5

Lajmet më të lexuara të 5 minutave të fundit

Sport

Bota

Spanjë/ Futën në Evropë 2 mijë tonë veshje sportive të falsifikuara, EUROPOL çmonton organizatën kineze, 73 të arrestuar! Sekuestrohet 12,5 mln euro mall

Hetimi filloi në muajin Maj të vitit 2023, në kuadrin e mbikëqyrjes së organizatave dhe grupeve kriminale me bazë në Evropë. Ky vit kapi kontrabandë rekord, pasi kishte kalendar të ngjeshur sportiv; si Kampionati Evropian në Gjermani dhe Lojërat Olimpike të Parisit

Spanjë/ Futën në Evropë 2 mijë tonë veshje sportive të falsifikuara, EUROPOL çmonton organizatën kineze, 73 të arrestuar! Sekuestrohet 12,5 mln euro mall

Sekuestrimet e miliona eurove mall të falsifikuar e kontrabanduar nga Kina

Spanjë- Policia Kombëtare e Spanjës ka çmontuar një rrjet kompanish që dyshohet se kanë futur 2000 tonë veshje të falsifikuara futbolli, çanta luksoze, këpucë, ora dhe telefona të nivelit të lartë në Evropë, që nga viti 2023, në një operacion në të cilin janë arrestuar 73 persona dhe kanë hetuar përfshirjen e nëntëmbëdhjetë të tjerë.

Aksioni i koordinuar nga Europol dhe Zyra Evropiane Kundër Mashtrimit (OLAF), u shtri në 34 inspektime rajonesh si në Madrid, Barcelona, ​​Valencia, Sevilla, Zaragoza, Balearic, Murcia, Tarragona, Guadalajara, Cádiz, Santa Cruz dhe Tenerife, ku janë sekuestruar 300 mijë artikuj.

Malli i sekuestruar peshon 117.000.000 kilogramë dhe ka një vlerë tregu prej 12.5 milionë euro. Ky trafik bëhej nga Azia, aty edhe ku këto falsifikime markash kryhej.

Hetimi filloi Majin e kaluar, në kuadrin e mbikëqyrjes së organizatave dhe grupeve kriminale me bazë në Evropë, të dyshuara si të lidhura me prodhimin dhe shpërndarjen e produkteve të falsifikuara.

Ky hetim bëri të mundur identifikimin e një sërë kompanish evropiane me bazë në Spanjë, që ishin të dedikuara për importi masiv i toneve të veshjeve dhe aksesorëve të falsifikuar nga Kina.

Kjo kontrabandë ndodhi në një vit të ngjeshur sportiv si kampionati evropian në Gjermani dhe Lojërat Olimpike të Parisit, shkruan media.

Përveç importit nga vendi aziatik, bëhej edhe shpërndarja e tyre në zonat turistike dhe qytetet e Bashkimit Europian, si dhe përmes profileve, rrjeteve sociale dhe faqeve të internetit.

Hetuesit identifikuan në Gjermani dhe Holandë kompanitë e ngarkuara për importimin e materialit të falsifikuar nga Kina, ndërsa zbuluan sistemin që përdorej për futjen e mallrave përmes aeroporteve dhe porteve evropiane, përveç dërgimit të tyre në vende të ndryshme për shitje dhe shpërndarje.

Të arrestuarit akuzohen për krime të dyshuara kundër pronësisë industriale, ndërsa hetimi mbetet i hapur në pritje të identifikimit dhe arrestimit të më shumë personave.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50