POP 5

Lajmet më të lexuara të 5 minutave të fundit

Bota

VIDEO/ Shkatërrohet banda e ish-ushtarakëve grabitës në Spanjë, drejtohej nga një shqiptar! Akuzohen për 71 vjedhje të vilave me bizneseve luksoze

Policia spanjolle ka shkatërruar një bandë nga Europa Lindore, të cilët dyshohet se kanë grabitur shtëpi luksoze në provincën jugore të Malaga. Gjashtë persona u arrestuan të mërkurën, duke përfshirë edhe kreun e dyshuar nga me origjinë nga Shqipëria

Policia spanjolle ka shkatërruar një bandë nga Europa Lindore, të cilët dyshohet se kanë grabitur vila luksoze në provincën jugore të Malaga. Gjashtë persona u arrestuan të mërkurën (24 Janar), duke përfshirë edhe kreun e dyshuar nga me origjinë nga Shqipëria, ndërsa u gjet një depo me bizhuteri, ora, para dhe armë, raporton BBC.

Banda dyshohet se ka kryer 71 vjedhje në shtëpi dhe biznese luksoze kryesisht në Marbella. Policia thotë se të dyshuarit ishin “shumë të aftë” në grabitje dhe vjedhje.

“Me njohuritë e tyre për teknikat ushtarake, ata përdorën masa të rrepta sigurie personale dhe kundër-vëzhgimit ndërsa lëviznin në këmbë ose me automjete, duke ndryshuar drejtimin ose duke bërë ndalesa të papritura. Ata u trajnuan gjithashtu për të hyrë në çdo lloj prone, pavarësisht lartësisë së mureve dhe perimetrit të saj, dhe për të vepruar shpejt dhe me efikasitet”, thuhet në një deklaratë të policisë.

Kreu i dyshuar i grupit i cili është me origjinë shqiptare, 40-vjeç, ishte i martuar dhe me precendentë të shumtë penalë për krime të së njëjtës natyrë, si dhe për armëmbajtje pa leje.

Po ashtu 40-vjeçari besohet se ka marrë pjesë në të gjitha grabitjet, duke mbajtur gjithmonë një armë zjarri. Shtëpitë në qytetin e Malaga, si dhe qytetet Estepona dhe Torremolinos ishin gjithashtu në shënjestër të bandës.

Në të paktën katër nga grabitjet, policia thotë se është përdorur dhunë fizike. Policia tha se ka mundur të kapë të dyshuarit me ndihmën e një biznesmeni vendas.

Kombësia e pesë gangsterëve të tjerë të dyshuar nuk është bërë publike.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14