Goditet grupi kriminal në Spanjë, vidhnin vilat luksoze, mes tyre dhe shqiptarë

Hetimet e Policisë së Murcias, në Spanjë kanë bërë të mundur zbulimin dhe goditjen e një grupi kriminal i cili organizonte vjedhje të ndryshme në zonë, në vilat luksoze, pjesë e të cilit ishin dhe shqiptarë.

Hajdutët kanë vepruar nga ora 19:00 deri në 22:00..

Hetuesit thanë se shtëpitë ishin përzgjedhur me kujdes, pronarët e të cilave ishin të pasur.

Para se të kryenin vjedhjet ata kishin vizituar më parë këto shtëpi  për të zbuluar masat e sigurisë në dispozicion, kushtet e aksesit dhe opsionet e rrugëve të arratisjes.

Për të hyrë në shtëpi ata ngjisnin muret rrethuese si ‘mace’ dhe me anë të një mjeti (kaçavidë, kanaçe) hapnin dyert apo dritaret”, sqarojnë autoritetet.

Disa dëshmitar kanë parë  praninë e dy makinave, ndërsa treguan: Njëra prej tyre ishte një Audi A3 e bardhë; tjetra, A6 gri me një zhurmë karakteristike të motorit kur përshpejton.

Operacioni "Mare Nostrum" , nga i cili u bë e mundur dhe zbulimi i grupit  që organizonte vjedhje, zbuloi gjtithashtu se baza e organizatës ishte e vendosur jashtë Spanjës, në Shqipëri, Austri dhe Greqi.

Midis janarit dhe qershorit, grupi dukej se nuk ishte në aksion, por hetuesit e Rajonit dhe Malaga nuk i pushuan hetimet dhe deri në qershor, ata i kishin atribuuar rrjetit të hajdutëve të vilave luksoze 15 grabitje me forcë të kryera në rajon (në Murcia dhe Kartagjenë); Alicante (në Pilar de la Horadada) dhe Malaga (në Costa del Sol).

Duket se anëtarët e grupit në Shqipëri kishin planifikuar të ktheheshin në Spanjë, ku edhe nisën aksionin e tyre për grabitjen e vilave luksoze, shkruajnë mediat e huaja.

"Ata filluan të merrnin makina me qira dhe nisën të interesoheshin për shtëpitë. Blenë veshje shumë prej të cilave me ngjyrë të zezë, doreza, kapele, të gjitha këto në mes të qershorit”, sqarojnë autoritetet.

Ndërkohë shkëmbimi i informacionit të kryer nëpërmjet Zyrës së Atasheut të Brendshëm në Bullgari dhe mbështetjes operacionale të saj në Shqipëri, bëri të mundur zbulimin e anëtarëve të bandës, të cilët u zbuluan ditë më vonë në Malaga.

Ky ishte edhe momenti kur u aktivizuan skuadrat e ndryshme të policisë, pasi mësuan se kishin marrë apartamente me qira në ishullin Ibiza si edhe një vilë në Malaga. Nga vëzhgimet e kryera rezultoi se anëtarët e organizatës frekuentonin ambientet e disa vilave private të marra me qira nga futbollistë me famë ndërkombëtare.

Të martën, më 28 qershor, pajisja e vendosur zbuloi lëvizjet e anëtarëve të organizatës në zonat pyjore. Gjithashtu, u mësua se Audi A6 ngjyrë gri, tip stacion, do të hipte në traget me destinacion Denia.

Në atë kohë dihej tashmë se dy ditë më parë ata kishin bastisur vilën e ish-futbollistit Ronaldo Nazario, e vendosur në Sant Josep, ku ishte me pushime me familjen lojtari i Paris Saint-Germain, italiani Marco Verrati.

Futbollisti denoncoi vjedhjen e nëntë orëve të markës ekskluzive, shtatë gjerdaneve të stilistëve, unazave dhe vathëve, të gjitha të vlerësuara në më shumë se tre milionë euro, saktësisht 3,382,100 euro.

Agjentët e Njësisë Qendrore të Madridit dhe grupit të grabitjes Murcia do të përfundonin operacionin “Mare Nostrum”, i cili arriti të çmontonte organizatën dhe të arrestonte shtatë persona, pesë shqiptarë, një spanjoll dhe gruan e tij me kombësi rumune.

S.C/Shqiptarja.com

TAG:
• spanje
• vjedhje