SPANJË - Një shqiptar ka mbetur i vdekur në Girona të Spanjës mbrëmjen e të shtunës (5 Tetor), pasi u qëllua me armë zjarri nga persona ende të paidentifikuar.
Mediat spanjolle thonë se shqiptari u qëllua nga një "Audi" i zi. Shqiptari, ende i paidentifikuar, pasi u qëllua u mor dhe u la përpara derës së urgjencës në Girona, dhe u gjet i plagosur në pjesën e pasme të kokës.
Më pas nuk mundi t'i rezistojë plagës së rëndë të marrë nga arma e zjarrit. Për momentin po vijojnë hetimet nga policia spanjolle lidhur me vrasjen. Paraprakisht mendohet të ketë lidhje me trafikun e drogës, shtëpitë e barit dhe plantacionet e hashashit në pyje.
Një person është paraqitur në komisariatin e policisë Lloret del Mar në Girona mbrëmjen e djeshme (6 tetor), si i dyshuar me ngjarjen, por ende nuk dihet se cili është roli i tij në këtë vrasje. Policia spanjolle konfirmoi se e ka arrestuar dhe po e merr në pyetje.
Sakaq, hetimet e policisë vijojnë për të çmontuar organizatat shqiptare, thonë mediat spanjolle, por ato nuk pengohen dhe sa vijnë e lulëzojnë në tregtinë e kanabisit.
Komisariati i Policisë Lloret de Mar në Girona, ku u dorëzua një nga shqiptarët e dyshuar
Policia e Mossos d'Esquadra në Spanjë po vijon hetimet e hapura për zbardhjen e vdekjes së një shqiptari, i cili mbeti i plagosur rëndë rreth orës 19:00 të së shtunës (5 Tetor), teksa u dërgua në spitalin Blanes në Girona të Katalonjës dhe që më në fund përfundoi me vdekje, pavarësisht përpjekjeve të mjekëve.
Divizioni i Hetimit Kriminal (DIC) i rajonit të Girona hapi një hetim për të identifikuar fillimisht të vdekurin dhe më pas për të gjetur 3 personat që e kishin braktisur, të cilët mundën të arratiseshin me një automjet “Audi” të zi.
Mbrëmjen e së dielës (dje), një prej personave ishte dorëzuar në stacionin e policisë Mossos d'Esquadra në Lloret de Mar, si i dyshuar për ngjarjen e rëndë, sipas raportimeve të “ElCaso”.
Policia spanjolle konfirmoi se ka arrestuar një person i cili është paraqitur në komisariat, por për momentin nuk dihet se çfarë roli ka luajtur në ngjarje, nëse ka qenë një nga tre personat në automjet që u arratis apo nëse ishte ai që e plagosi për vdekje shqiptarin e braktisur në spital.
Oficerët dhe hetuesit janë duke e marrë ende në pyetje të dorëzuarin, për dinamikën e ngjarjes, ato që ai di dhe rolin në të. Detajet e hetimit mbahen sekrete dhe pritet që i ndaluari të dërgohet në Gjykatë dhe të ngrihet akuzë.
Ekspertët thanë se viktima kishte plagë në pjesën e pasme të kokës, të shkaktuar me armë zjarri, por do pritet edhe ekspertimi përfundimtar i detajuar mjeko-ligjor.
“Ajo që e kanë të qartë Mossos d'Esquadra është se kjo vrasje lidhet edhe një herë me trafikun e drogës së marihuanës, një biznes fitimprurës dhe shumë i rrezikshëm, i cili e ka kthyer Katalonjën në prodhuesin më të madh të kësaj droge, e cila eksportohet në të gjithë Evropën gjeneron miliona përfitime”, shkruan “ElCaso”.
Hetimet e policisë për të çmontuar organizatat shqiptare nuk ndalen, teksa vetëm në rajonin e Katalonjës janë arrestuar 53 shqiptarë vetëm për këtë vit, për shtëpi apo plantacione hashashi.
Lajme të tjera
-
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Spanjë/ Grabitën 13 banesa në seri në zonën e Madridit, çmontohet organizata e shqiptarëve, 5 të arrestuar! Përdornin makina me qira (FOTOT)
23 Dhjetor, 16:49 -
'Gjithmonë gati, të përpiktë dhe besnikë', media spanjolle i bën 'skaner' mafias shqiptare: Ata nuk flasin kot
22 Dhjetor, 19:00 -
Kapen me gjysmë ton marijuanë në 'shtëpinë e barit', arrestohen dy shqiptarë në Spanjë
20 Dhjetor, 11:02 -
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Fotoja e Google Maps zbulon vrasësin që ngarkon trupin në makinën e tij
18 Dhjetor, 16:54 -
Goditet grupi kriminal në Spanjë, 9 në pranga! Sekuestrohen 25 mln euro kriptovalutë! Anëtari i ‘Çopjave’ u pastronte paratë e drogës
18 Dhjetor, 11:40 -
Marisa Paredes, ylli i kinemasë spanjolle, ndërron jetë në moshën 78-vjeçare
17 Dhjetor, 16:12 -
Po bënte 'hiking' me familjen, bie në luginë dhe ndërron jetën miliarderi dhe themeluesi i 'Mango'
14 Dhjetor, 20:20 -
Grabitje në Majorka, arrestohet në Spanjë shqiptari i dënuar për vrasje, ekzekutoi 30-vjeçarin në një koncert në Londër (EMRI)
14 Dhjetor, 17:32 -
Zyrtare/ FIFA: Kupa e Botës 2034 do zhvillohet në Arabinë Saudite, Botërori 2030 në tre Kontinente të ndryshme
11 Dhjetor, 16:46 -
Champions League/ Leverkusen bën Interin për ‘Aspirina’, i shkakton humbjen e parë! Liverpool me hap lideri, Reali ‘Galaktik’ në Bergamo! Bayern me ‘pesë yje’
10 Dhjetor, 23:05
