Spartak Ngjela: Me ca 'oratorë' injorantë që nuk dinin as shqip do e mundësh Ramën o Sali ziu?

Saliu u kishte thënë shqiptarëve se në datën 7 korrik ai do të rrëzonte qeverinë aktuale me forcë.

Por, çfarë ndodhi? Në fakt, si gjithmonë me Saliun: u mbars mali dhe polli një mi.

Saliu me para, me lloj lloj marifetesh e gënjeshtrash, solli në Tiranë nja 2500 persona. Por stacionet televizive të paguara nga ai, e nxirrnin miun si ujk. Hahahaha. Turp!

Kurse ata që kishin ardhur për të shkatërruar Tiranën dhe kryeministrinë dhe të vidhnin dyqanet, ikën me bisht ndër shalë.

Pse?

Sepse Saliun e kërcënoi personalisht politika e lartë amerikane, e cila i tha atij: sutor, ad calceamenta inhaero! - këpucar, qëndro te këpuca!

Dhe ai, gjithë frikë e datë, te këpucët qëndroi.

Por çfarë ndodhi?

l.

Këpucari Sali kishte vetëm 2 orë leje për protestën, sepse po ta kalonte, protestuesit do t'i shpërndante me forcë policia dhe do të kishte arrestim të organizatorit.

Këpucar qëndro te këpuca, mos u ngjit më lart! Ky ishte urdhëri kërcënues amerikan. Dhe Sali mavria te këpuca qëndroi, por i trembur, që doli në tribunë duke klithur marrëzira, se ishte gjithë frikë dhe në shthurje mendore. Prandaj, për të larguar frikën, foli me marrëzitë e tij, duke tjerrur fjalë dhe sharje pa kuptim mendor.

Kurse të korruptuarit e lartë të Shqipërisë që kishin qenë dikur në shtet me Saliun, i mërziti shumë frika e Saliut, sepse sigurisht që, ajo frikë, i ka trembur edhe ata, brenda pyetjes: ku është revolucioni?

ll.

Por, më e bukura, që e bëri krejt qesharak Saliun në këtë protestë absurde, ishte flamuri ynë kombëtar që ai e valvitte në tribunë.

Po çne flamuri kombëtar shqiptar në dorë të Saliut? Hahahaha.

Sepse Saliu më këtë flamur mendonte se po u thosh amerikanëve që ai do t'i kalojë shqiptarët në nacionalizëm amtiamerikan. Një naivitet ky që është pasojë e frikës.

lll.

Po çfarë ka ndodhur në të vërtetë?

Është shumë e thjeshtë: Saliu ishte i gjithi në psikologjinë e vjedhësit të trembur.

Tamam psikologjia e vjedhësit: sepse Saliu, pasi i vodhi shqiptarët, dhe pasi u kap nga Amerika në vjedhje, tani ka dalë t'i "mbrojë" shqiptarët kundër Amerikës. E kuptoni se në çfarë gjendje kërkon t'i futë shqiptarët një bandit antishqiptar si këpucari Sali!

Po a ka forcë këpucari Sali? Fare. Dje e tregoi se është një njeri i drobitur, të cilin po e pret goditja penale.

Në fakt, kjo që ndodhi dje, është komedi për shqiptarët, por është rrjedhojë tragjeke për Saliun.

lV.

O Sali ziu! Ku pyet politika amerikane për të kapurit në korrupsion!

Por edhe shqiptarët e mençur u tallën dje me klithmat absurde të Saliut. Sidomos me ata që dolën e folën në tribunë: ca fyej këta që ëndërrojnë pushtet nga Saliu. Po Saliu? Sali ziu i kishte marrë për fyej, por dhe Saliu vetë një pllakë gramafoni e shekullit të XIX - të ishte, se i kish mbetur gjilpëra te Rama. Hahahaha

Po Rama.

Rama u tall me të, kur, gjatë kohës që Saliu i kërkonte llogari para 2500 shqiptarëve në shesh, shumica ish të korruptuarit e administratës së Saliut kur ky qe kryeministër, Rama inaguronte bajpasin e Vlorës, duke thënë që "unë jam me amerikanët në këtë ndërtim të nivelit botëror". Që donte të thosh: Sali, je i mbaruar me të gjithë fyejt e tu që po flasin marrëzira në Tiranë!

Kurse Saliu, me flamurin kombëtar, të kaluar nga dora në dorë, dhe me një grusht të paguarish prej tij, kërkonte të largonte amerikanët nga Shqipëria. Hahahahaha...

Por ama, me ca "oratorë" injorantë që nuk dinin as shqip, por që flisnin fjalë, fjalë, e përveç fjalëve asgjë.

V.

Po ku e ka forcën politike Saliu? Askund, vetëm te paratë që u ka vjedhur shqiptarëve.

Po, a do t'i mbajë dot Saliu këto para të vjedhura?

Ai të gjitha foltoret që ka ngritur, për të shpëtuar paratë që u ka vjedhur shqiptarëve i ka bërë. Dhe kështu, thjesht ka hyrë në një komedi, kur ai po u kërkon shqiptarëve ta zgjedhin kryeministër, që të vijojë vjedhjen, bashkë me familjen e tij.

Po amerikanët? Amerikanët tallen me të. Por kjo nuk mjafton për shqiptarët, se shqiptarët po kërkojnë nga politika amerikane likuidimin e Saliut nga të gjitha aspektet publike, sepse është shpallur nga Amerika nongrata për korrupsion me gjithë familjen e tij.

Por, a do t'ua bëjnë amerikanët këtë nder historik shqiptarëve, kur këta sot janë populli më proamerikan në botë?

Sigurisht që po, sepse, ketë monstër politike, amerikanët e kanë kapur qe në vitin 1995 si të lidhur me terrorizmin islamik. Sepse ky terrorist, pasi shkatërroi Shqipërinë, që në tre vitet e parë të tiranisë së tij, u bashkua me islamizmi radikal antiamerikan: me Bin Laden-in dhe elitën e Alkaedës.

Gjithsesi, tani është i vdekur, sepse politika amerikane e di mirë kush është.

Por, shqiptarët janë të lodhur nga një i çmendur që punon për terrorizmin ndërkombëtar kundër Shqipërisë, dhe prandaj po presin likuidimin e tij.

E pra, kush do ta godasë këtë vjedhës të shqiptarëve, që është edhe një terrorist ndërkombëtar: SPAK-u, një gjykatë federale amerikane apo një gjykatë ndërkombëtare?

SI.E./Shqiptarja.com

TAG:
• protesta e berishes 7 korrik
• sali berisha
• spartak ngjela