Specialistë të rritjes së kanabisit në banesa, arrestohen dy shqiptarë të tjerë në Angli! Policia nxjerr emrat

Daniel Cela, 23 vjeç dhe Danjel Ibrushi, 25 vjeç, nga Shqipëria janë vënë në prangat e policisë angleze, pasi janë kapur duke kultivuar kanabis në një banesë. Operacioni  u zhvillua në  Angli nga Derbyshire Police në bashkëpunim dhe me asistencën e Policisë shqiptare. Po ashtu gjatë këtij operacioni është vënë nën hetim edhe pronari i banesës të cilën shqiptarët kishin marrë me qira. Ai është i moshës 64-vjeç nga Licesteri.

Gjatë periudhës korrik - dhjetor 2019,  nga Derbyshire Police janë vënë në pranga edhe 8 shtetas të tjerë shqiptarë. Shqiptarët ishin të specializuar për mbjelljen e kanabisit në vende të mbyllura. Ata çatitë e shtëpive i kishin veshur me materiale qe nuk e përçojnë nxehtësinë, me qëllim që të mos identifikoheshin  nga Policia, gjatë monitorimeve  me dron me sensor për nxehtësinë, ndërsa bimët narkotike u siguronin ngrohje dhe dritë nëpërmjet llampave elektrike.

Sipas policisë shqiptare, u bënë pjesë e këtij operacioni në korrik të këtij viti ku Derbyshire Police u ka kërkuar asistencë dhe informacion lidhur me grupin e strukturuar kriminal, në fushën e kultivimit të lëndëve narkotike (cannabis sativa) që vepronte në Creswell dhe Clowne.

Gjatë ditës së sotme mediat angleze kanë publikuar edhe emrat e dy shqiptarëve të tjerë të arrestuar ditën e sotme, ata janë Sukses Cenaj dhe Armando Iberhasaj, të cilët kishin mbërritur në fillim të këtij viti në Angli. Ata u kapën Derbyshire teksa kultivonin kanabis në një banesë. Ndërkohë nuk dihet nëse bëhet fjalë për të njëjtin grup të shqiptarëve që u arrestuan në bashkëpunim me policinë shqiptare.

TAG:
• arrestim
• angli
• shqiptari