Specialisti i ISHP, Boris Miska:
Si duhet t’i shmangim aksidentet

Specialisti i ISHP, Boris Miska:<br />Si duhet t’i shmangim aksidentet
TIRANE - Numri i aksidenteve rrugore çdo ditë e më tepër është në rritje, ku sidomos stina e verës njeh kulmin e saj. Sipas të dhënave nga Policia Rrugore për vitin 2012 kanë ndodhur 1994 aksidente ku vetëm në gjashtë mujorin e parë kemi 1 mijë aksidente në të cilat janë përfshirë 1275 persona, për pasojë kemi 187 të vdekur dhe 1088 të plagosur e të lënduar. Sipas specialistit të Institutit të Shëndetit Publik Boris Miska, shkaqet e aksidenteve janë të shumta duke filluar që nga infrastruktura e rrugeve apo edhe mungesa e sinjalistikës.

Ata bëjnë thirrje për më shumë vëmëndje nga drejtuesit e automjeteve për të shmangur këtë femonen në rritje. “Gjatë stinës së verës vërehet një shtim, një fluks në rritje i numrit të mjeteve në rrugë. Kemi rritje të shpejtësisë, kemi rritje të temperaturave. Për këto arsye ndodhin edhe më shumë aksidente në rrugët tona. Ata që nisen në një destinacion turistik të tregohen të kujdesshëm edhe për sistemimin dhe për rregullat që duhet të zbatojnë gjatë udhëtimit” shprehet specialisti i Institutiti të Shëndetit Publik.

Ai këshillon që njerëzit të vendosin rripin e sigurimit dhe fëmijët gjithmnonë të ulen në sediljet e pasme. “Që nga vendosja e njerëzve deri te mbajtja e rripit të sigurisë, sistemimi i fëmijëve në vendet e caktuara mbrapa, kontrolli që duhet të bëjnë mjetet, mospërdorimi i alkoolit dhe të jenë të kujdesshëm në shpejtësi gjatë udhëtimit. Ka dëmtime të rrugëve, ka ngushtime në segmente të caktuara dhe për këtë arsye ndodhin acarime tek njerëzit. Duan të shkojnë diku shpejt, të bëhen më agresivë, bëhen të padurueshëm dhe ndodhin aksidente”, tha Miska.

Në stinën e verës numri i aksidenteve është edhe më i lartë se në çdo stinë tjetër. Sipas specialisit Miska, një ndër shkaqet e tjera që çon në rritjen e numrit të aksidentve, është edhe ardhja e emigrantëve në periudhën e verës, të cilët përballen me një infrastrukturë dhe sinjalistikë ndryshe nga vendet ku jetojnë dhe punojnë prej vitesh.

Shkrimi u botua sot në gazetën Shqiptarja.com (print) 17.07.2013
                       
Redaksia Online
(b.m/shqiptarja.com)

  • Sondazhi i ditës:

    Skandali me mbetjet toksike, sipas jush e kujt është përgjegjësia?



×

Lajmi i fundit

‘Portat e Ferrit’ të Turkmenistanit, një mister që po mahnit vizitorët e Azisë Qendrore

‘Portat e Ferrit’ të Turkmenistanit, një mister që po mahnit vizitorët e Azisë Qendrore