Specializimet në mjekësi, urdhri
i Ministrisë: Ja rregullat e testimit
PDF/Rregullat e testimit për specializimet
Duke filluar nga data 9 nëntor do të nisë testimi i kandidatëve që duan të fitojnë një nga kuotat për specializimet në mjekësi. Urdhri i ministres së Arsimit parashikon që disa rregulla për kandidatët që do të testohen.
TIRANE - Duke filluar nga data 9 nëntor do të nisë testimi i kandidatëve që duan të fitojnë një nga kuotat për specializimet në mjekësi. Urdhri i ministres së Arsimit parashikon që disa rregulla për kandidatët që do të testohen.
“Ditën e zhvillimit të provimit, kandidatët duhet të kenë parasysh rregullat e mëposhtme: a. të jenë të pajisur me dokument identiteti (kartë identiteti ose pasaportë), si dhe me një fotokopje të saj; b. të paraqiten së paku 30 minuta përpara fillimit të provimit/testimit; c. ndalohet mbajtja dhe përdorimi i celularëve dhe mjeteve të tjera të komunikimit gjatë zhvillimit të provimit, pasi kjo vlerësohet si kriter skualifikimi; d. ndalohet duhani dhe konsumimi i ushqimit në mjediset e provimit; e. ndalohet komunikimi gjatë zhvillimit të provimit”, - thuhet në udhëzimin e MAS
AKPAgjencia Kombëtare e Provimeve si autoritet në varësi të Ministrisë së Arsimit dhe Sportit, është përgjegjëse për zhvillimin e provimeve të specializimit në mjekësi. AKP-ja zbaton procedurat për zhvillimin e provimeve të specializimit, përmes teknologjisë digjitale.
AKP-ja, lidhur me zhvillimin e provimeve të specializimit, kryen detyrat e mëposhtme:
a. Digjitalizon fondin e pyetjeve për çdo specialitet të miratuar nga Komisioni i Vlerësimit.
b. Harton në bashkëpunim me Fakultetin e Mjekësisë të Universitetit të Mjekësisë, Tiranë, grafikun e datave të provimeve.
c. Publikon listat e kandidatëve sipas datës dhe orarit të caktuar për zhvillimin e provimit.
d. Verifikon identitetin dhe dokumentet përkatëse të kandidatëve pjesëmarrës në provimet e specializimit.
e. Siguron kushte të përshtatshme në sallat e provimit për zhvillimin e provimit të specializimit përmes teknologjisë digjitale.
f. Siguron kushte të përshtatshme për kandidatët me aftësi të kufizuara fizike. g. Merr masa për hartimin e formatit të testit sipas përcaktimit të bërë nga Komisioni i Vlerësimit.
h. Mban procesverbale për çdo vendimmarrje gjatë procedurave të zhvillimit të provimeve të specializimit, deri në shpalljen e rezultateve.
i. Dërgon rezultatet e provimit të specializimit pranë Universitetit të Mjekësisë, Tiranë.
TestimiNë përfundim të testimit të të gjithë kandidatëve, komisioni i vlerësimit përgatit listën përmbledhëse të meritës me rezultatet kumulative të intervistës, testimit të informatizuar dhe notës mesatare, duke renditur kandidatët sipas pikëve në rend zbritës, sipas tipologjisë së kuotave të miratuara, sipas tabelës së paraqitur në Shtojcën 3 bashkëlidhur.
Tabela më sipër miratohet nga Dekani dhe shpallet dhe afishohet në vende të dukshme, brenda 2 ditëve nga përfundimi i testimit të informatizuar, në mjediset e njësive kryesore përkatëse, si dhe në faqet web të fakultetit të Mjekësisë dhe UMT-së, të renditur sipas rendit zbritës të pikëve të grumbulluara nga aplikantët. Vlerësimi me pikë i kandidatëve bëhet konform rregullores përkatëse të specializimeve afatgjata në fushën e mjekësisë. Kandidatët mund të ankimojnë rezultatin brenda 2 ditëve nga shpallja e listës paraprake. Komisioni i vlerësimit merr në shqyrtim ankimimet dhe prononcohet brenda 3 ditëve me vendimin përkatës, i cili i përcillet dekanit. Ky i fundit shprehet brenda 2 ditësh me vendim të formës së prerë.
Sondazhi i ditës:
Organet e drejtësisë refuzojnë komisionin 'Antikorrupsion', si e vlerësoni?
-
Të drejtë
40.4%
-
Të gabuar
53.4%
-
Nuk e di
6.3%
Vota total: 7878
Votat totale janë unike
Lajme të tjera
-
Përmbytjet në Vlorë, sot ndërhyhet për heqjen e ujit nga garazhet e pallateve! Dredha: Kemi bërë strategji të qartë
6 Tetor, 07:56
-
Celularët kanë krijuar një brez plot ankth. Vetëm se… jo të rinjtë, por prindërit
6 Tetor, 07:34
-
Mos harroni çadrën, temperatura deri në 20 gradë Celcius! Parashikimi i motit për këtë të dielë
6 Tetor, 07:19
-
Kujdes me vendimet që merrni... Ja çfarë parashikojnë yjet për ju sot
6 Tetor, 07:14
-
Zikaltrit vuajnë, Thuram shënon tripletë dhe i jep triumfin Interit përballë Torinos
5 Tetor, 22:53
-
Hungari, mijëra protestues kërkojnë t'i jepet fund 'propagandës' së medias shtetërore
5 Tetor, 22:45
-
Fitorja kundër Bylisit, Partizani merr komandën e Superligës! Egnatia thyen Skënderbeun në Korçë
5 Tetor, 22:36
-
Gjenerali polak: Varshava duhet ta forcojë ushtrinë dhe ta përgatisë për luftë
5 Tetor, 22:35
-
Bajram Peçi: Mashtruesi i etur për destruktivitet
5 Tetor, 22:22
-
Kurti konfirmon koalicionin për zgjedhjet e 2025/ Vetëvendosja me Vjosa Osmanin dhe Mimoza Kusarin: Do jemi fitues
5 Tetor, 22:05
-
Mirditë/ Shembet Kulla e Abat Preng Doçit, monument kulture, bashkia thirrje ministrisë: Duhet restauruar
5 Tetor, 21:55
-
Mero Baze: Karrigedjegurit
5 Tetor, 21:44