POP 5

Lajmet më të lexuara të 5 minutave të fundit

Sport

Renditja/ Bylis merr tri pikë të arta, mposht 2-1 kryesuesit e Dinamos! Egnatia fiton 'in-extremis' kundër Laçit, sot Vllaznia - Tirana

Superliga shqiptare e futbollit ka zhvilluar këtë të premte dy nga tre ndeshjet e programuara për javën e 20-të.

Renditja/ Bylis merr tri pikë të arta, mposht 2-1 kryesuesit e Dinamos! Egnatia fiton 'in-extremis' kundër Laçit, sot Vllaznia - Tirana

Egnatia feston tri pikët

Superliga shqiptare e futbollit ka zhvilluar këtë të premte dy nga tre ndeshjet e programuara për javën e 20-të. Te fitorja kanë dalë vendasit e Bylis dhe Egnatias, ndërsa në 17:00 në Shkodër luhet 'Klasikja' mes Vllaznisë dhe Tiranës.

Në "Adush Muça" të Ballshit vendasit e Bylis mposhtën 2-1 Dinamon kryesuese. Djemtë e Nevil Dedes besuan që në fillimin e ndeshjes dhe diferenca në renditje nuk ishte e tillë në fushë. Bylis gjeti epërsinë pas vetëm 20 minutave lojë me Aurel Markun. Pjesa e parë u mbyll me këto shifra, ndërsa e dyta nisi me golin e Baton Zabërgjës për barazimin 1-1. Të dyja skuadrat kërkuan me ngulm golin e tri pikëve, por ishte Erich Berko që me një goditje pa shumë pretendime nga jashtë zonës në minutën e fundit të ndeshjes i dha suksesin 2-1 Bylisit kundër kryesuesve të Dinamos.

Në Rrogozhinë ishte Egnatia që fitoi 1-0 në shtëpi kundër Laçit. Djemtë e Edlir Tetovës iu falën golit të Bakayoko në shtesë për të dalë me tri pikë nga një ndeshje që ishte e vështirë në fushë.

Kësisoj, edhe pse me humbje Dinamo mbetet sërish në krye deri në fund të ndeshjeve të këtij raundi. Sot në orën 17:00 në "Loro Boriçi" luhet "Klasikja" e futbollit shqiptar mes Vllaznisë dhe Tiranës. Java e 20-të mbyllet të shtunë me dy ndeshje.

Superliga, raundi 20-të:

E premte, 10 janar 2025

13:30 Bylis 2-1 Dinamo

13:30 Egnatia 1-0 Laçi

17:00 Vllaznia - Tirana

E shtunë, 11 janar 2025

17:00 AF Elbasani - Teuta

17:00 Partizani - Skënderbeu

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

16 Janar, 19:18