Receta

Spinaq me vezë, receta më e shijshme nga Raina Kovaçi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 12 Janar 2023, 11:05 | Përditesimi: 12 Janar 2023, 11:06

Burani me spinaq

Përbërësit:

1 kg spinaq
1 tufë koper
1 tufë majdanoz
1 qepë
1 karrotë
1-2 kërpudha
3 kokrra vezë
Pak oriz
Salcë
Djathë të bardhë
Djathë kaçkavall
Kripë, piper

Përgatitja:

LEXO EDHE:
Pulë me oriz në furrë nga zonja Albana

Fillimisht kaurdisim një qepë të grirë në rende me karrotën dhe kërpudhat, shtojmë pak kripë për të ndihmuar zbutjen dhe më pas të gjithë masën e kalojmë në frulatim. Vendosim në zjarr një tigan të ngrohet me vaj ulliri ku shtojmë purenë e përgatitur dhe spinaqin. Pasi spinaqi ka ulur vëllimin shtojmë orizin, pak fare salcë, koper dhe majdanoz. Rregullojmë shijen me kripë dhe piper, e kalojmë gatimin në një tavë dhe e vendosim në furrë për disa minuta. Më pas e nxjerrim tavën nga furra dhe krijojmë disa gropëza të vogla ku hedhim vezët, bëjmë një spërkatje me djathë të bardhë dhe kaçkavall të grirë. E rivendosim përsëri tavën në furrë dhe e lemë derisa të mpiksen vezët.