Spiropali i përgjigjet Bashës: Ti je vetë i pandehur, PS nuk mbron asnjë shkelës! Shkeli besimin e demokratëve

Spiropali i përgjigjet Bashës: Ti je vetë i pandehur, PS nuk mbron asnjë shkelës! Shkeli besimin e demokratëve


Ministrja për Marrëdhëniet me Parlamentin Elisa Spiropali, i është përgjigjur kreut të Partisë Demokratike, për shkarkimin e kryebashkiakut të Vorës, Agim Kajmaku.

Sipas Spiropalit, Basha është vetë i pandehur në Prokurori dhe si fillim duhet të provojë pafajësinë e vetë për pastrim parash në emër të Partisë Demokratike dhe më pas të hapë gojën për Partinë socialiste.

Ndër të tjera Spiropali shkruan se PS nuk mbron askënd që shkel ligjin dhe nuk mban përgjegjësi tjetër përveç respektimit të standardeve në raport me çdo shkelës. Në fund Spiropali shkruan se Basha po abuzon me besimin  e demokratëve.

Reagimi i plotë i Spiropalit:

Lulzim! Ti je një i pandehur në prokurori dhe si fillim duhet të provosh pafajësinë tënde për pastrimin e parave në emër të Partisë Demokratike dhe pastaj të hapësh gojën e të japësh mendjen që nuk e ke për Partinë Socialiste!

Partia Socialiste nuk mbron askënd që shkel ligjin dhe nuk mban asnjë përgjegjësi tjetër përveç respektimit të këtij standardi në raport me çdo shkelës, që abuzon me ligjin dhe me besimin e zgjedhësve të saj! Por ty si abuzues kronik i besimit të zgjedhësve të PD nuk ka se si ta rrok mendja këtë standart, prandaj është e kotë të harxhojmë më shumë se disa pak fjalë me ty dhe me shumicat, fitoret e zgjedhjet e tua imagjinare!


Lajmi kryesor:

Shkarkimi i kryebashkiakut të Vorës/ Basha: Kajmaku, fytyra e Ramës! Hajdari: Duhet të ndryshojë sistemi zgjedhor (VIDEO)


/r.k./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet