Spitali Ushtarak nuk
ka as hollues gjaku
Të sëmurët që shkojnë për të bërë një ndërhyrje kirurgjikale pranë spitalit ushtarak, duhet ta blejnë vetë edhe holluesin e gjakut. Ndërsa në këtë spital mungojnë edhe të gjithë antibiotikët, që të sëmurët i blejnë sërish te privati.
Çdo pacient që i nënshtrohet një ndërhyrjeje kirurgjikale, për të gjitha ditët që qëndron në spital, pas operacionit, duhet të bëjë çdo ditë hollues gjaku. Kjo pasi, mund të ndodhë mpiksje e gjakut duke i shkaktuar të sëmurit goditje në tru apo në zemër që mund të jetë fatale për të. Fraksiparina, është njëri ndër holluesit më të zakonshëm, i cili është i detyruar në protokollin mjekësor dhe duhet t'i bëhet të sëmurit për sa kohë ai qëndron në spital pas ndërhyrjes kirurgjikale. Por në spitalin Ushtarak nuk ndodh kështu. Jo se nuk respektohet protokolli mjekësor, pasi ai është i detyrueshëm dhe nëse pacientit i ndodh ndonjë gjë mjeku mban përgjegjësi, por vetë spitali nuk ka hollues gjaku. Asnjë prej llojeve të shumta të hollueseve të gjakut që ndodhen në tregun e hapur të farmacive. Në këtë situatë pacientët janë të detyruar ta blejnë në privat. "Holluesi i gjakut është i domosdoshëm për pacientët që bëhen operacion, ai i bëhet çdo ditë të sëmurit, deri sa të dalë nga spitali. Pra, nëse një pacient do të qëndrojë në spital 7 ditë pas operacionit, i duhen 7 të tilla, - na shpjegojnë mjekët e këtij spitali. - Fakti është që ne në spital nuk kemi, dhe u themi pacientëve që ta sigurojnë vetë në privat. Nuk ka zgjidhje tjetër. Fraksiparina kushton 500 lekë të reja një copë, por çmimet variojnë nga 400 deri në 600 lekë. Varet nga lloji i holluesit të gjakut që merr", - na shpjegojnë mjekët. Ata thonë se e kanë shtruar këtë problem edhe në mbledhjen që bëjnë çdo javë me drejtorinë, por në këtë moment nuk ka shpresa për furnizime, pasi duhet të priten tenderat e rinj. "Ne e kemi shtruar këtë problem edhe në drejtori, pasi jemi në siklet edhe me pacientët. Por na kanë thënë se duhet të priten tenderat e rinj. Ndërkohë që në spitalin tonë nuk mungon vetëm kjo, madje sikur të ishte vetëm kjo, do të ishim shumë mirë. Mungojnë thuajse të gjithë antibiotikët, dhe ne vetëm sa ua përshkruajmë recetën të sëmurëve, të cilët për fat të keq, dalin dhe i blejnë jashtë spitalit" , - na thonë vetë mjekët e spitalit Ushtarak të Tiranës.
Drejtoria
Ndërkohë të kontaktuar në telefon nga gazeta, burime nga drejtoria e spitalit Ushtarak të Tiranës, na thonë se ata kanë sasi të mjaftueshme të holluesve të gjakut për të gjitha rastet e emergjencës. "Sigurisht që ndonjëherë edhe mund të ketë mungesa, por ne i kemi të siguruara sasitë e duhura për të përballuar çdo rast emergjence mjekësore. Ndërsa shumë shpejt do të nisin edhe procedurat e tenderimeve për blerjet e reja dhe spitali do të jetë i mbuluar plotësisht me medikamentet më të nevojshme. Spitalet kanë nevojë gjithnjë për më shumë ilaçe, por ne nevojat bazë do t'i kemi të mbuluara", - na shpjegojnë burime pranë drejtorisë së spitalit Ushtarak të Tiranës.
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
26%
-
Pak
40.5%
-
Aspak
33.5%
Vota total: 1300
Votat totale janë unike
Lajme të tjera
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
-
Lojërat Olimpike në Francë, flamuri i eventit u ngrit përmbys! Ngatërrohet Koreja e Jugut me të Veriut
27 Korrik, 21:35
-
Fusha e mbetjeve 3 ditë në flakë, protestë para Bashkisë së Vlorës: Duam Turizëm
27 Korrik, 21:24
-
Skandali/ Në Lojërat Olimpike, Shqipëria çoi një flamur imitim kinez! Luiza Gega s’do ta kisha mbajtur! Zhupa: E turpshme!
27 Korrik, 21:20
-
Sherr në restorantin në Vlorë, i mituri godet me thikë 38-vjeçarin me probleme të shëndetit mendor
27 Korrik, 21:11
-
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09