Nga ndeshja Rusi - Kore e Jugut
TIRANE, 28 Korrik /ATSH-AFP/. - Ministri rus i Sporteve, Vitaly Mutko dhe nje deputet nacionalist, Igor Lebedev, jane dy kandidate te deklaruar per te marre presidencen e Federates Ruse te Futbollit (RFU), e perfshire nga kriza, bene te ditur te marten organizatoret.
Zgjedhjet e 2 shtatorit per presidentin e federates kane me pas si mision kryesor gjetjen e zevendesuesit te italianit Fabio Capello, seleksioner i larguar nga funksioni me 14 korrik.
RFU eshte perfshire nga kriza pas largimit ne maj te ish-presidentit te institucionit, Nikolaï Tolstykh, i cili humbi voten e mbeshtetjes pas veshtiresive financiare te RFU dhe rezultateve te dobeta sportive.
Mutko, 56 vjeç, eshte favorit, pasi kryeministri Dmitri Medvedev eshte shprehur qe ministri te kryeje te dyja funksionet ne rast te fitores se zgjedhjeve.
Lebedev, i biri i deputetit nacionalist Vladimir Zhirinovsky, ka theksuar ne te kaluaren se mund te terheqe kandidaturen ne rast se merr nje post ne komitetin ekzekutiv te federates.
Rusia, qe do te organizoje Kupen e botes ne 2018, eshte ne veshtiresi per kualifikimin ne Euro-2016 ne France, pasi gjendet ne vendin e trete ne grupin e vet. /a.ke/