POP 5

Lajmet më të lexuara të 5 minutave të fundit

Politikë

Bardhi i përgjigjet Kryemadhit për koalicionet: Mendonin se të ndarë do fitonin 40 mandate! LSI: Na mashtruat me planin gjerman, pakti juaj ishte me Ramën

Sekretari i Përgjithshëm i PD-së, Gazment Bardhi tha se LSI nuk kishte pranuar të garonte me një listë të përbashkët me PD-në, duke pretenduar se mund të fitonin të vetëm 40 mandate. Por kjo u hodh poshtë sërish nga LSI ku tha se nuk ka pasur asnjë ftesë të tillë dhe akuzoi Bashën se i mashtroni me planin gjerman për zgjedhje të parakohshme kur dogjën mandatet. LSI tha se në fakt plani ka qenë Rama-Basha për interesat e tyre të ngushta.

Sekretari i Përgjithshëm i PD-së, Gazment Bardhi i është përgjigjur kryetares së LSI-së, Monika Kryemadhi e cila e konsideroi 'mashtrim pervers' deklaratën e Bardhit një ditë më parë në lidhje me çështjen e koalicioneve.

Bardhi tha një ditë më parë se LSI nuk kishte pranuar të garonte me një listë të përbashkët me PD-në, duke pretenduar se mund të fitonin të vetëm 40 mandate, me ndryshimet e bëra në Kodin Zgjedhor. Sipas Bardhit, LSI nuk bëri asnjë ditë fushatë elektorale në Elbasan dhe kjo bëri që të mos fitonin asnjë mandat në qark.

"Nuk është mbledhur sepse nuk ka patur dakordësi nga kryetarja e LSI për të patur mundësi që t'i propozohej kryesisë së partisë një listë të përbashkët. Qëndrimi i tyre ka qenë të dilnin me dy lista të veçanta për të maksimalizuar votën. I kujtoni deklaratat e kryemadhit që me ndryshime e njëanshme të Kushtetues dhe Kodit Zgjedhor përfitonte LSI sepse do arrinte të merrte duke thënë se do merrte më shumë se 40 mandate. Ata që u fshehën dhe nuk erdhën një ditë në qarkun e Elbasanit janë arsyeja e vetme pse LSI nuk mundi të merrte dot asnjë mandat në qarkun e Elbasanit. LSI nuk ka zhvilluar fushatë në qarkun e Elbasanit. Deklarata e kryetares së LSI ishte pa kuptim, unë bëra një deklaratë të një fakti të njohur publik që PD ka patur vullnetin për t'u futur në zgjedhje me një listë të vetme. Kjo deklaratë ka përbërë një shqetësim ndaj zyrtarëve të LSI, nuk e kuptoj arsyen se ky është fakt publik", tha Bardhi.

Po ashtu ai iu përgjigj edhe akuzave të anëtares së LSI-së, Elona Gurit, e cila e i tha dje se nuk kishte pranuar të fliste kundër Suel Çelës. Bardhi hedh poshtë akuzat, teksa injoroi Gurin duke thënë:  "Nuk e njoh zonjën. Unë kam dhënë me dhjetëra konferenca  për shtyp".

LSI këto deklarata i cilësoi mashtrime duke akuzuar Bashën se i gënjeu për djegien e mandateve  në 2019 me atë ashtuquajturin ‘plan gjerman’ se do të të kishte zgjedhje të parakohshme. Ajo shton se në fakt ky plan ishte mes Ramës dhe Bashës, një mashtrim i poshtër dhe pazar i bërë mes tyre për interesat e tyre të ngushta.

“Një vendim shumë i rëndësishëm dhe shumë i rëndë siç qe djegia e mandateve ndodhi dhe LSI e mbështeti këtë vendim pas garancive mashtruese të mëdha për të ashtuquajturin plan gjerman për zgjedhje të parakohshme të paraqitur nga Lulzim Basha si një garanci totale për realizimin e këtij plani. Por cila ishte e vërteta? Ky plan kishte vetëm garancinë e Edi Ramës për vazhdimin e kapjes së shtetit dhe në radhë për kapjen e pushtetit legjislativ dhe parlamentit shqiptar. Pra, e gjithë kjo aferë ishte thjesht dhe vetëm një mashtrim i poshtër”, tha LSI.

Rendit zhvillimet sipas orarit:
Ora 15:24
LSI akuza Bashës: I dogjëm mandatet se na gënjyet me planin gjerman për zgjedhje të parakohshme, por ti kishte bërë pazar me Ramën, ishte plani juaj

LSI ka akuzuar Luzlim Bashën se i ka mashtruar për të djegur mandatet në 2019 me atë ashtuquajturin ‘plan gjerman’ që e cilësonte Basha se do të të kishte zgjedhje të parakohshme. Por LSI shton se në fakt ky plan ishte mes Ramës dhe Bashë, një mashtrim i poshtër dhe pazar i bërë mes tyre për interesat e tyre të ngushta.

“Një vendim shumë i rëndësishëm dhe shumë i rëndë siç qe djegia e mandateve ndodhi dhe LSI e mbështeti këtë vendim pas garancive mashtruese të mëdha për të ashtuquajturin plan gjerman për zgjedhje të parakohshme të paraqitur nga Lulzim Basha si një garanci totale për realizimin e këtij plani. Por cila ishte e vërteta? Ky plan kishte vetëm garancinë e Edi Ramës për vazhdimin e kapjes së shtetit dhe në radhë për kapjen e pushtetit legjislativ dhe parlamentit shqiptar. Pra, e gjithë kjo aferë ishte thjesht dhe vetëm një mashtrim i poshtër. Bojkotimi i pushtetit lokal, mbështetëm këtë veprim politik, se sërish u vu në tavolinë që plani gjerman vazhdon për zgjedhje të parakohshme dhe garancitë janë të mëdha. Në fakt ishte sërish një mashtrim tjetër i poshtër. Ky plan kishte vetëm miratimin e Edi Ramës dhe të asnjë ndërkombëtari në funksion të kapjes së pushtetit të fundit nga Edi Rama që ishte pushteti lokal. Dhe këtu LSI përveçse mbështetjes luajale nuk bëri asgjë tjetër, ndërkohë që mashtruesit e planit Basha-Rama u vunë në funksionim të dorëzimit të të gjitha llojeve të pushteteve në Shqipëri e për të realizuar kapjen totale të shtetit në grusht në shkëmbim të interesave financiare tepër të rënda dhe të rëndësishme reciproke të të dyja palëve në këtë pazar”, tha Petrit Vasili në një deklaratë për mediat nga selia e LSI-së.

LSI i është përgjigjur edhe një herë Gazmend Bardhit i cili tha se po të kishin dalë me lista të përbashkët, LSI do kishte sot 15 mandate të sigurta. Sipas LSI ky propozim nuk u është bërë asnjëherë atyre dhe se ky argument po përdoret vetëm si alibi për të fshehur pazarin Rama-Basha.

“Mediave shqiptare e rrugëve janë lëshuar thashethemaxhinj e zëdhënës të pazarit Rama-Basha për të përzierë e për të fshehur e për të krijuar alibi për këtë pazar, e duke dashur të zënë me gojë dhe LSI. Në respekt të qytetarëve, mijëra qytetarëve opozitarë të cilët me ndershmëri deshën ndryshimin është momenti për të thënë të vërtetat e mëdha siç janë e për të mos heshtur më. E vërteta e madhe është që s’ka pasur kurrë qoftë dhe një propozim të vetëm zyrtar nga partia e Lulzim Bashës për mandate, për numra mandatesh e gjëra të kësaj natyre. Anëtarët e kryesisë së Partisë Demokratike janë aty, anëtarët e Këshillit Kombëtar të Partisë Demokratike janë aty, le të thonë a kanë parë ndonjë propozim të tillë? E nëse ka një propozim të tillë zyrtar, këtë dokument le t’ja vënë në dispozicion mediave shqiptare që ta njohin por një dokument i tillë nuk ekziston dhe faqja e zezë për ata që mashtrojnë pasi kanë shitur interesat e opozitës ditën për diell”, tha Vasili.

I.K/Shqiptarja.com

/I.K/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46