POP 5

Lajmet më të lexuara të 5 minutave të fundit

Opinion

Sqarim për protestuesit që thonë: Ta djegim Tiranën njësoj siç digjet Parisi, Athina, Berlini ……

Ata që krahasojnë djegien e Athinës apo Parisit me Tiranën ose nuk e kanë idenë çfarë ndodh ose mashtrojnë. Ata që thonë bllokohen rrugët e Berlinit njësoj si Kamza apo Kavaja gabojnë rëndë.

Sqarim për protestuesit që thonë: Ta djegim Tiranën njësoj siç digjet Parisi, Athina, Berlini ……

Kreshnik Spahiu

Ka disa ndryshime esenciale në referencat e mos bindjes civile në Europë me Shqipërinë.

Ata që krahasojnë djegien e Athinës apo Parisit me Tiranën ose nuk e kanë idenë çfarë ndodh ose mashtrojnë.

Ata që thonë bllokohen rrugët e Berlinit njësoj si Kamza apo Kavaja gabojnë rëndë.
Pa u zgjatur po sqarojmë ndryshimet thelbësore:
1- Rrugët e Berlinit apo Parisit bllokohen me traktorë nga traktoristët dhe jo nga deputetët e opozitës.
2- Rrugët e Berlinit, Parisit apo Athinës digjen me molotov nga lëvizje radikale jashtë parlamentare dhe jo nga deputetët apo partitë parlamentare. “Agimi i Artë” përdundoi në burg nga radikalizmi.
3- Protestuesit në Berlin qofshin dhe nga parti opozitare nuk mbajnë në bulza apo në postera fotot me portretin ish-kancelarit Kohl apo Ish-Kancelarit Shrëder njeri i akuzuar për korrupsion dhe tjetri i paguar nga Moska. Ata i kanë brakatisur dhe ata i përkasin arkivave të drejtësisë gjermane.
4- Rrugët e Athinës, Parisit apo Berlinit bllokohen kur është orari zyrtar që ti dëgjoj qeveria dhe jo si në Tiranë ku PD proteston vetëm kur është mbyllur ora e punës, janë mbyllur zyrat dhe qeveritarët janë në shtëpi.
5- Mos bindja civile në Europë bëhet nga populli dhe jo nga partia. Rrugët dhe sheheshet bllokohen dhe digjen në Athinë, Paris dhe Berlin nga qytetarë civil dhe jo 100% me antarë partie apo deputet.
6- Deputetët e opozitës në Berlin lëvizin me biçikleta, autobus apo me tren dhe jo me Range Rover apo makina luksoze.
7- Parisi nuk digjet për shkak se Sarkozi është dënuar me burg për korrupsion dhe antarët e partisë nuk hedhin molotov që të lirohet ish-udhëheqësi tyre i korruptuar.

Ndërkohë çdo bllokim dhe djegie në Paris, Athinë, Berlin apo Bruksel që bëhet pa u marrë leje nga policia, përballet me dorën e hekurt dhe forcën e ligjit duke dënuar me disa vite burg autorët apo organizatorët të cilët rrihen barbarisht nga policia në praninë e mediave.

Shkoni dhe shikoni një protestë në Gjermani dhe Francë dhe do numëroni 1000 protestues dhe 2000 policë me autoblinda. 
Ndoshta do thoni ju: Në Shqipëri s’ka dialog dhe nuk ka demokraci.Jo gaboheni…… opozita shqiptare e gjeti dialogun me socialistët për të mbyllur “listat e deputetëve” sepse aty fusin emrat e tyre në lista, ndërsa dje nuk e gjetën dialogun me mazhorancën sepse s’duhej hapur rruga e Shqipërisë dhe e shqiptarëve në BE.
Dialogun PD-PS e gjejnë vetëm për bythën e tyre, jo për jetën e shqiptarëve.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 31/10/2024 19:08

    DIKUR NUK TE PELQENIN ATA QE TI ISHE KUNDER TANI NUK TE PELQEJNE KETA QE DIKUR I PRIJE ME KUQ E ZI .E KUQJA VAZHDON RRUGEN E ZEZA (SALIUT) ESHTE BERE ME E ZEZE SEC E LE TI

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28