Rinas – Një alarm për bombë në avionin e linjës ajrore Stamboll – Tiranë ka shkaktuar panik tek pasagjerët e kësaj linje. Sinjalizimi për bombë erdhi pasi avioni ishte akoma në fluturim.
 
Ky alarm u dha nga autoritetet turke dhe u përcoll te pasagjerët nga stjuardesa e lijnës ajrore. Në bordin e avionit, pasagjere ishte dhe gazetarja e Shqiptarja.com Ludmilla Cenga. Aktualisht, avioni i “Turkish Airlines” është ulur në Rinas ku kanë mbërritur forca të shumta policie si dhe “Renea”.
avioni me logo
(Në foto avioni i "Turkish Airlines" gjatë uljes në Rinas)


Policia ka kontrolluar rreptësisht bagazhet e pasagjerëve dhe nga kontrolli rezultoi se i gjithë misteri për bombë kishte të bënte me një celularë, i cili ishte hedhur përtokë. Celulari pa pronar, dyshohej se mund të ishte i komanduar nga larrg, por gjithçka ka rrezultuar e gënjeshtër.
 
Avioni ishte nisur nga Stambolli në orën 19:08 me orën lokale dhe duhej të mbërrinte në Tiranë në 19:48.
 
Pasagjerët e kësaj linje kanë kaluar panik dhe tmerr gjatë këtyre momenteve të ankthit. Tashmë policia po kryen akoma kontrolle dhe gjithçka duket se është nën kontroll.
avioni me logo
(Në foto avioni i "Turkish Airlines" gjatë uljes në Rinas)

(v.gj/shqiptarja.com)