POP 5

Lajmet më të lexuara të 5 minutave të fundit

Ekonomi

Statistikat e AMF: Shqiptarët kujdesen me shumë për makinën sesa banesën

Qytetarët shqiptarë tregohen më të kujdesshëm për automjetet e tyre sesa për banesat. Ky fakt konfirmohet nga Autoriteti i Mbikëqyrjes Financiare, pasi në raportin për sigurimet e paguara tregohet se në 7 muaj qytetarët kanë paguar 6 miliardë lekë për sigurimin e automjeteve dhe 1 miliardë lekë për banesat.

Seria e tërmeteve relativisht të fuqishëm që tronditën vendin tonë ditët e fundit sjell në vëmendje edhe një fenomen, që ekspertët e përsëritin vazhdimisht, por që nuk po bind shqiptarët. Sipas sizmologëve, tërmetet përbëjnë rrezikun më të madh kombëtar për një katastrofë natyrore në Shqipëri. Megjithatë, qytetarët shqiptarë nuk e kanë ende kulturën – gjerësisht të përhapur në vendet perëndimore – të sigurimit privat të pronave të tyre të patundshme-banesa.

Sipas statistikave nga Autoriteti i Mbikëqyrjes Financiare, nga janari deri në korrik vlera totale e primeve që janë paguar për të gjitha llojet e sigurimeve ka qenë 9.8 miliardë lekë, ose 81 milionë euro. Por për sigurimin nga fatkeqësitë e papritura ndaj të patundshmeve, ku përfshihet edhe zjarri e jo vetëm tërmetet janë paguar vetëm 13% e kësaj shifre, ose 1 miliard lekë. Madje, shifra e këtij viti është më e ulët se ajo e vitit të kaluar në të njëjtën periudhë, 8.1 milionë euro sivjet, kundrejt 9.8 mln eurove një vit më parë. Ndërkohë, për sigurimin e makinave janë paguar 6 miliardë lekë prime 50 milionë euro.

Pagesa vjetore e primit për dëmet nga fatkeqësitë në ndërtesa llogaritet nga 0.05% deri në 1% e vlerës së objektit të siguruar. Kjo do të thotë se një shtëpi me vlerë 70.000 euro do të sigurohej me 35-70 euro në një vit, duke shmangur mundësinë e mbetjes pa strehë të dëmtuarve. Kjo shifër do të ishte më e lartë për objekte më të shtrenjta. E megjithatë, në shumicën e rasteve, sigurimi bëhet pas kërkesave të bankave që kanë pranuar banesat si kolateral kredie.

Por një faktor për këtë situatë mund të jetë edhe mentaliteti shumë i përhapur në opinion se i takon shtetit të financojë dëmet e fatkeqësive natyrore. Dhe në shumë raste, me të vërtetë, qeveria është angazhuar direkt në këtë drejtim, duke krijuar barrë për buxhetin.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49