Stoltenberg: Ka ardhur koha që Suedia dhe Finlanda të anëtarësohen në NATO

Në një konferencë për shtyp në Bruksel, Sekretari i Përgjithshëm i NATO-s, Jens Stoltenberg, theksoi se ka ardhur koha që NATO të mirëpresë suedezët dhe finlandezët si anëtarë me të drejta të plota.

“Ka ardhur koha që Suedia dhe Finlanda t’i bashkohen NATO-s”, tha Stoltenberg.

LEXO EDHE:
Takimi në Luksemburg, ministrat e Jashtëm të BE-së diskutojnë ndihmën për Ukrainën dhe masat ndaj Iranit

Të enjten Budapesti deklaroi se mbështet anëtarësimin e menjëhershëm të dy shteteve nordike në Aleancë, raportojnë mediat e huaja.

Sekretari i Përgjithshëm i NATO-s tha se për sa i përket Ukrainës, “dyert e NATO-s janë të hapura. Dhe këtë nuk është vetëm me fjalë, ne e kemi treguar edhe me veprime”, tha ai, duke kujtuar se në vitet e fundit Mali i Zi dhe Maqedonia e Veriut u pranuan në bllok.

“Me këto vendime kemi treguar se dyert e NATO-s janë të hapura dhe se Rusia nuk ka të drejtën e vetos për zgjerimin e NATO-s. Ky mesazh vlen edhe për Ukrainën”, tha Stoltenberg.

Sipas Stoltenberg, kreu i Ministrisë së Jashtme të Ukrainës është ftuar në një takim në Bukuresht të martën dhe të mërkurën e ardhshme për të diskutuar mbështetjen për vendin.

Gjithashtu, në takim do të marrin pjesë ministrat e jashtëm të Gjeorgjisë, Moldavisë, Bosnje-Hercegovinës, Finlandës dhe Suedisë.

Stoltenberg shtoi se nuk do të kishte paqe të qëndrueshme në Ukrainë nëse Rusia fitonte luftën, duke theksuar se Aleanca nuk do të hiqte dorë nga mbështetja e saj për Kievin.

Lajmi kryesor:

Lufta ne Ukrainë/ Putin u drejtohet nënave të ushtarëve: Mos i besoni internetit dhe TV! Në Kiev, 50% e shtëpive janë pa energji elektrike

S.S/Shqiptarja.com

TAG:
• jens stoltenberg
• ukraine
• Rusi
• nato
• Suedi
• finlande