Sekretari i Përgjithshëm i NATO-s, Jens Stoltenberg konfirmoi se Maqedonia do të marrë ftesë për anëtarësim në aleancë në Samitin e 11 dhe 12 korrikut, por formalisht do të jetë pjesë e saj pasi të përfundojnë të gjitha procedurat për zbatimin e marrëveshjes për emrin.
Në konferencën e përbashkët për shtyp me kryeministrin Zoran Zaev, në Bruksel, Stoltenberg tha se bazuar në praktikën e deritanishme, negociatat për anëtarësim në NATO zgjasin një ose një vit e gjysmë.
“Pres që në samitin tonë pas dy javësh, krerët e shteteve dhe qeverive t’iu ftojnë të filloni bisedimet për anëtarësim, e kur të gjitha procedurat brenda vendeve të përfundojnë për ta finalizuar marrëveshjen, ju do t’i bashkoheni NATO-s. Kjo është një mundësi historike, që nuk duhet humbur. Dera e NATO-s është e hapur dhe ju jeni në prag të saj”, tha Stoltenberg.
Kryeministri maqdonas, Zoran Zaev shfrytëzoi mundësinë e paraqitur dhe premtimin e Stoltenberg, për t’u bërë thirrje maqedonasve të votojnë pozitivisht në referendumin që do të mbahet në vjeshtë, në mënyrë që marrëveshja për emrin të finalizohet. Ai shprehu siguri për këtë, duke thënë se gjatë vizitës në selinë e NATO-s pa edhe vendin ku do të jetë flamuri maqedonas.
“Marrëveshja për zgjidhjen e problemit greko-maqedonas për emrin dhe për partneritet strategjik me Greqinë zhbllokoi pranimin tonë në NATO. Maqedonia mori vendin që meriton. Në vetëm një vit, vendi ynë arriti atë që askush nuk mund të kishte parashikuar. Qasja jonë me vullnet të fortë, dialog të sinqertë dhe gatishmëri për zgjidhje, na solli shumë lajme dhe vendime të gëzueshme”, tha Zaev.
Takimin me Zaev, shefi i NATO-s Stoltenberg e realizoi një ditë pas takimit me kryeministrin grek, Alexis Tsipras. Ky i fundit kishte shprehur mbështetjen e Greqisë për integrimin e fqinjit në NATO, pasi marrëveshja për emrin të hyjë në fuqi.
Lajme të tjera
-
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08 -
Medvedev kërcënon zyrtarët e NATO-s, pas vrasjes së gjeneralit rus
18 Dhjetor, 16:43 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25 -
Detajet nga mbledhja e Kuvendeve Shqipëri-Kosovë më 20 dhjetor, në fokus koordinimi i agjendës kombëtare
16 Dhjetor, 10:46
