Sekretari i Përgjithshëm i NATO-s, Jens Stoltenberg, ka thënë se Aleanca do të bëjë çfarë duhet për të siguruar stabilitet në Ballkanin Perëndimor, duke shtuar se paqja në këtë rajon është e rëndësishme edhe për vetë Europën dhe NATO-n.
Këtë deklaratë Stoltenberg e bëri para takimit të ministrave të jashtëm të NATO-s kur u pyet nga një gazetar mbi deklaratën e presidentit ukrainas, Volodymyr Zelensky, i cili tha më herët se në bazë të informatave inteligjente, Rusia do të tentojë të nxisë luftë në Ballkan.
“NATO do të bëjë çfarëdo që duhet që të mbajë stabilitet në rajon, sepse është e rëndësishme jo vetëm për rajonin, por për gjithë Europën dhe NATO-n”, tha Stoltenberg.
Ai foli edhe për vizitën e tij në disa nga vendet e Ballkanit Perëndimor, përfshirë edhe atë në Kosovë ku u takua me krerët e shtetit.
“Çfarë pamë atje është se tensionet janë duke u rritur. Kemi parë rritje tensionesh dhe retorikë përçarëse në Bosnje e Hercegovinë. Kemi parë disa incidente serioze të dhunës në Kosovë, përfshirë sulmin në paqeruajtësit e NATO-s ku 93 ushtarë janë lënduar, disa prej tyre me lëndime serioze. Dhe po ashtu pamë edhe incidentin e Banjkës ku disa njerëz janë vrarë në shtator në Kosovë. Këto janë incidente serioze dhe ne duhet të qëndrojmë të fokusuar në Ballkanin Perëndimor dhe në të njëjtën kohë ndaj luftës në Gaza dhe për të vazhduar t’i japim mbështetjen Ukrainës”, tha Stoltenberg.
Stoltenberg tha se NATO ka prezencë në Bosnje e Kosovë dhe se do të punojnë bashkë me Bashkimin Europian dhe misionet për qëllimin e mbajtjes së stabilitetit.
“Do të punojmë bashkë me partnerët, aleatët në rajon për të siguruar që të bëjmë çfarë duhet për të reduktuar tensionet”, tha Stoltenberg.
Në këtë takim ku do të marrë pjesë edhe Sekretari amerikan i Shtetit, Antony Blinken, ku do të diskutohet edhe për Ballkanin Perëndimor.
Komente
Lajme të tjera
-
Kosovë/ Edmond Lajçi dënohet me burgim të përjetshëm për vrasjen e bashkëshortes në Pejë
27 Dhjetor, 11:09 -
Ambasadori amerikan Hovenier përfundon mandatin: Po largohem si një mik i fortë i Kosovës
27 Dhjetor, 11:03 -
Hasani: Negociatat me Greqinë duhet t'i trajtojmë me kujdes, duhet punë tavoline, jo mikrofoni! Kemi nisur punën për organizimin e samitit të NATO-s në 2027
27 Dhjetor, 10:19 -
Konfirmohet rasti i parë me linë e majmunëve në Kosovë
27 Dhjetor, 09:39 -
Kosovë/ Mbi 90.000 të regjistruar për votim nga diaspora
27 Dhjetor, 09:30 -
Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!
26 Dhjetor, 21:13 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
Kosova mbyll dy ndërmarrje publike serbe në veri
26 Dhjetor, 12:52 -
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43
