Stoltenberg: Vendet e NATO-s duhet të shpenzojnë më shumë për mbrojtjen! Kina të mos mbështesë Moskën

 

NATO do të vendosë sot katër grupe të tjera beteje në frontin lindor, veçanërisht në Bullgari, Rumani, Sllovaki dhe Hungari, për të përballuar kërcënimin rus. Lajmi është bërë i ditur nga Sekretari i Përgjithshëm i Aleancës, Jens Stoltenberg.

Në një deklaratë për shtyp, ai theksoi e të gjithë vendet duhet të investojnë më shumë për mbrojtjen.

"Unë pres që liderët të bien dakord për të përshpejtuar zbatimin e angazhimit që ata kanë marrë për të investuar më shumë në mbrojtje. Aleatët e kuptojnë se për ta bërë këtë ne duhet të ndajmë më shumë burime nga buxhetet e mbrojtjes kombëtare. Unë mirëpres vendimin e Gjermanisë për të shpenzuar 2 për qind të PBB-së. Gjermania është një ekonomi e madhe dhe kështu kjo bën një ndryshim", tha Stoltenberg.

Nga ana tjetër, ai i ka kërkuar Kinës që të  dënojë pushtimin” e Ukrainës nga Rusia dhe “të mos i japë mbështetje politike dhe ushtarake.

Lajmi kryesor:

Lufta/ NATO: Aleanca në rrezikun më të madh prej dekadash! Putin të tërheqë trupat, rrisim prezencën ushtarake në kufi me Ukrainën! Rusia: NATO dëshiron që lufta të vazhdojë

B.K./Sh.Sh/Shqiptarja.com

TAG:
• rusia sulmon ukrainen
• nato
• edi rama