Strategjia e AK: Shqiptarët në
euro, Shqipëri- Kosovë pa kufij

TIRANE- Aleanca KuqeZi prezantoi sot strategjinë e zhvillimit ekonomik dhe prosporitetit të Shqipërisë, ku përfshihet dhe modeli i Beneluxit shqiptar. AK kërkon unifikimin në mënyrë urgjente të programeve të zhvillimit dhe reformat ekonomike mes Shqipërisë dhe Kosovës. Për këtë kreu i kësaj aleanca Kreshnik Spahiu bëri sot thirrje kryeministrit Berisha dhe kryeministrit kosovar Hashim Thaçi që “28 Nëntori të jetë afati i fundit që shqiptarët mbajnë pika doganore dhe pika kufitare kontrolli.”

“Shqipëria duhet të jetë e para dhe më pas Kosova që të heqin urgjentisht brenda 2 muajsh barrierat doganore dhe ato kufitare pasi Aleanca KuqeZi ka përgatitur strategjinë e modelit BENELUXIT shqipëtar. Aleanca KuqeZi kërkon që hapësira shqiptare të mos ketë të njëjtat mure dhe barriera sic ka Shqipëria me Greqinë apo me Italinë.”- nënvizoi Spahiu në prezantimin e strategjisë së zhvillimit ekonomit.

Sipas tij “Heqja e pikave kufitare dhe unifikimi sitemit doganor duhet shoqëruar me planet e zhvillimit të prodhimit vendas në funksion të nevojave të Kosovës në Shqipëri dhe anasjelltas.” Për këtë AK thotë se do të përgatisë futjen e shqiptarë në një monedhë të përbashkët, që është euro, si tashmë janë shqiptarët e Kosovës dhe Malit të Zi.

SPAHIU: BERISHA FSHEH BORXHIN
Spahiu akuzoi kryeministrin Berisha se po mban të fshehur borxhin e Shqipërisë dhe premtoi se prioritet i qeverisjes kuqezi do të jetë ulja e këtij borxhi dhe likujdimi i kompanive që shteti është debitor. “Borxhi i Shqipërisë që mbahet i fshehur nga shtetasi Sali Berisha dhe ushtari i tij Ridvan Bode është në caqet e kapjes së pikës së mos kthimit duke cenuar dhe ekspozuar ndaj rrezikut sovranitetin dhe integritetin te territorial të Shqipërisë sonë. Ne premtojmë që qeverisja kuqezi dhe program ekonomik pritoritet do të kenë pikërisht uljen e borxhit dhe likujdimin e kompanive që shteti është debitor. “- tha Spahiu.

AK bën apel që unifikimi i menjëhershëm i prefiksit Kosovë-Shqipëri 355 "nuk duhet penguar nga administrata e korruptuar ndërkombëtare në Prishtinë për të pasuruar buxhetin e shteteve të tjera.

AK propozon dhe ngritjen e një banke të re nacionale për të mbështetur dhe mbledhur mbarë kapitalin shqiptar dhe përmirësimi i sistemit bankar dhe atij të kredive. Administrimin publik të pasurive kombëtare dhe mos lejimi i privatizimit të tyre. “Shtetasi Sali Berisha ende vazhdon të shesë ç’të mundë dhe duhet frenuar me çdo mjet, sepse pronar i pasurive kombëtare është shteti shqiptar dhe jo qeveria shqiptare.”- tha Spahiu.
(sg/shqiptarja.com)