TIRANE- Partia Demokratike ka një strategji të qartë për vijimësinë e jetës politike të opozitës. Strategjia e saj është qëndrimi në bojkot, mosrishikimi i marrëdhënieve me Parlamentin dhe për pasojë djegia e mandateve të deputetëve të opozitës.

Në këtë mënyrë Partia Demokratike krijon në një ngjarje të pazakontë në historinë e jetës politike në vendin tonë. Por jo vetëm kaq, me këtë ndërmarrje politike, Partia Demokratike po kërkon destabilizimin e jetës sociale dhe ekonomike në radhët e shoqërisë shqiptare.