POP 5

Lajmet më të lexuara të 5 minutave të fundit

Kronikë

Strazimiri: Vettingu është ndërprerë, në polici janë 534 ish-sigurimsa/ Reagon Autoriteti: Procesi vazhdon

Partia Demokratike, nëpërmjet deputetit Gent Strazimiri, tha se procesi i Vettingut në radhët e policëve është ndërprerë për shkak se është zbuluar se një pjesë e tyre kanë qenë pjesë e ish-Sigurimit të Shtetit.

TIRANË-Partia Demokratike, nëpërmjet deputetit Gent Strazimiri, tha se procesi i Vettingut në radhët e policëve është ndërprerë për shkak se është zbuluar se një pjesë e tyre kanë qenë pjesë e ish-Sigurimit të Shtetit. Strazimiri i bëri thirrje Autoritetit për Informimin mbi Dokumentet e ish-Sigurimit të Shtetit të bëjë transparencë. Në reagim të mëvonshëm, Autoriteti i hodhi poshtë pretendimet e PD. Këto pretendime të deputetit demokrat, Gent Strazimiri u hodhën poshtë nga Autoriteti i Dosjeve. Sipas këtij institucioni nuk ka asnjë kërkesë për të kryer verifikime.

 “Deri më sot, pranë Autoritetit nuk është paraqitur asnjë kërkesë e shoqëruar me formularët përkatës të plotësuar nga vetë subjektet dhe Organet e Vlerësimit Kalimtar sipas ligjit nr. 12/2018 (Vetingu në polici). Menjëherë, me disponimin e një kërkese të tillë ligjore, Autoriteti në zbatim të pikës g, të nenit 38 të ligjit 12/2018, do të kryejë procesin e verifikimit të figurës së çdo punonjësi që i nënshtrohet kontrollit, konkretisht  nëse ka qenë person në ndjekje për spiunazh apo terrorizëm, anëtar, bashkëpunëtor ose i favorizuar nga ish-Sigurimi i Shtetit para vitit 1990, sipas ligjit për të drejtën e informimit me dokumentet e ish-Sigurimit të Shtetit të Republikës Popullore Socialiste të Shqipërisë”, -thuhet në reagimin e Autoritetit të Informimit të Dosjeve.

Kontrolli i efektivëve të policisë është një proces kompleks që do të kryhet duke u bazuar në informacione nga Tatimet, Hipotekat, Operatori Shpërndarjes së Energjisë Elektrike, bankat, zyrat e këmbimit valutor, gjykatat, prokuroria si dhe jashtë vendit për rastet ku do të ketë indicie për të shkuar në kundërshtim me ligjin jashtë vendit. Me dëshirën e tyre para nisjes së dorëzimit të formularëve të Vettingut nga radhët e policisë u larguan mbi 200 efektivë dhe një numër prej 10 drejtuesish policie.

Ora 19:30/ Reagon sërish PD, Strazimiri: Policia e Shtetit e kapur nga ish-sigurimsat

Deputeti demokrat Gent Strazimiri ka reaguar sërish pas deklaratës së Autoritetit të Dosjeve se Vettingu në Polici nuk është ndërprerë. Strazimiri thotë se Autoriteti duhet të publikonte emrat e këtyre zyrtarëve të lartë që kanë qenë pjesë e ish-sigurimit të Shtetit.

Reagimi i plotë

Plot 534 drejtues të saj janë çertifikuar zyrtarisht si emra që gjenden në "dosjet e ndjekjeve" si "ndjekës" por edhe si "ndjekës të ndjekësve"!!!!!
"Autoriteti i Dosjeve" që do të duhej që me transparencë të hedhë dritë mbi misteret e tmerrit 46 vjeçar, sikur të ishte "Komisioni i Atestitmit" , përgjigjet përmes 2 mediave të Partisë:
Vlerësimi i tyre është bërë mbi bazën e cilësive profesionale...?!
Çfarë do të thotë ky belbëzim idiotesk? Që janë horra dosjesh por horrllikun e kanë bërë me "cilësi" dhe "profesionalizëm"???
Nxirr emrat një më një dhe tregoju shqipëtarëve se cilët janë horrat shkaktarë të krimit të djeshëm e të sotëm!!! Për këtë punë paguhesh, t'i publikosh e jo t'i fshehësh edhe më thellë në pluhurin e harresës!!

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Roza: 20/10/2018 23:03

    Po Saliu e sa shume te PD qe kishin punuarbper pushtetin popullor ne kohen e lavdishme!?!? Po gjithe populli punon per pushtetin popullor ne kohen e Enverit... do ti hiqni te tere e Ku do ti vini e ke do sillni...

    Përgjigju
  • Ed Rama: 20/10/2018 22:14

    Shpifje,shpifje vetingu ne polici as qe ka filluar jo me te nderpritet.

    Përgjigju
  • Fredi: 20/10/2018 22:05

    Po Faiku që ka qënë limon i shtrydhur në kategorinë më të ulët të 200 lekshit? 1200-ça ishin pak vetë

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça