TIRANE- Deputeti i Partisë Demokratike Gent Strazimiri ka reaguar në rrjetin social Facebook mbi bllokimin e valëve të internetit në Kryeministri, teksa realizonte konferencën në Tëitter. Sipas Strazimirit, kjo shkëputje ka ardhur pas shkuljeve të kabllove, ku kërkohen çimkat. Ndërsa ka shtuar se interneti është punë borgjezash.

“Duke kërkuar "çimkat e Berishës", ka shkul kabllot e internetit dhe ka shkatërruar routerin qendror... Tani pyet pse s' ka internet... Zaten "uji fle hasmi s' fle", kaq dinë shokët e Sigurimit, këto interenterat e më the e të thashë janë punë borgjezësh...”, është shprehur Strazimiri në Facebook. Reagimi i tij për çimkën ka ardhur pasi gazeta “Shqiptarja.com” ka publikuar një lajm ku Partia Sociasiste ka qenë në kërkim të çimkave, që mund të jenë vendosur nga ish kryeministri Sali Berisha.

Shkrimi u publikua sot (02.10.2013) në gazetën Shqiptarja.com (print)

Redaksia Online
(d.d/shqiptarja.com)