POP 5

Lajmet më të lexuara të 5 minutave të fundit

Kronikë

Strehimi i romëve, OSBE: Të
tregohet nëse sundon ligji a betoni

Situata e krijuar ditët e fundit me 35 familje të komunitetit rom në rrugën e Kavajës në Tiranë, të cilët rrezikojnë të mbeten të pastrehë, ka ngjallur reagimin e përfaqësive ndërkombëtare në Tiranë. Ambasadori i OSBE në Tiranë, kërkoi reagimin e institucioneve përgjegjëse dhe zgjidhjen e problemit.
Dëbimi i romëve, Amnisti: Qeveria t'i strehojë urgjentisht
TIRANE- Situata e krijuar ditët e fundit me 35 familje të komunitetit rom në rrugën e Kavajës në Tiranë, të cilët rrezikojnë të mbeten të pastrehë, ka ngjallur reagimin e përfaqësive ndërkombëtare në Tiranë. Në një konferencë të përbashkët për shtyp, më Avokatin e Popullit dhe përfaqësues të delegacionit të KE, ambasadori i OSBE në Tiranë, Robert Wilton shprehu shqetësim për situatën në të cilën ndodhet komuniteti rom në vend. Ambasadori Wilton kërkoi reagimin e institucioneve përgjegjëse dhe zgjidhjen e problemit.
 
“Shprehim shqetësim për situatën në të cilën ndodhet komuniteti rom. Institucionet përgjegjësi duhet të pranojnë situatën e romëve dhe të gjejnë zgjidhje. Kjo do t’i japë zgjidhje pyetjes nëse për këtë situatë sundon ligji apo betoni”, u shpreh ambasadori OSBE.
 
Avokati i Popullit, Igli Totozani, ndërkaq i ka bërë thirrje institucioneve shteterore t’i japin zgjidhje kësaj problematike.
 
“Duhet të gjendet sa më parë një zgjidhje për strehimin e komunitetit rom. Policia, Bashkia e Tiranës dhe Ministria e Punës, duhet të ndërhyjnë për të zgjidhur këtë problem. Zgjidhja duhet të bëhet përmes procesit ligjor dhe zbatimit të ligjit”, tha Totozani.
 
Përfaqësuesi i KE, u ndal tek rëndësia e zgjidhjes së kësaj problemtike, pasi mbështetja e grupeve vulnerable është një nga kriteret e integrimit në BE, dhe një situatë e tillë, rrezikon procesin.
 
“Mbështesim iniciativën e Avokatit të Popullit lidhur me këtë situatë. Padyshim që moszgjidhja e këtij problemi, rrezikon statusin. Ne po e monitorojmë këtë proces me shumë vëmëndje dhe do të reagojmë në varësi të mënyrës së si vijon situata. Kemi patur probleme të ngjashme edhe në vend të tjera, ku procesi i integrimit po ecën ngadalë”, u shpreh përfaqësuesi i KE.
 
Ndërsa theksoi se së fundmi BE ka investuar 3 milionë euro për ngritjen e tre qendrave në Berat, Vlorë dhe Korçë. Këto synojnë t’i japin akses romëve në arsim, shëndetësi dhe punësim, por sipas tij “ky është një proces që kërkon kohë”.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40