TIRANE - Drejtoresha e Shërbimeve Urbane dhe Strehimit pranë Ministrisë së Zhvillimit Urban dhe Turizmit, Aida Seseri, shpjegon në një intervistë për “Shqiptarja.com” procedurat që do të ndjekin familjet që aplikojnë për herë të parë për strehim, si dhe hapat që janë duke u ndjekur për ato subjekte që janë shpallur fitues por që u është bllokuar dosja si pasojë e vendimit të qeverisë.

Në miratimin e vendimin mbi procedurat, kriteret dhe përfitimin e grandit të menjëhershëm për banesat me kosto të ulët, është vendosur procedura se si duhet të paraqesin bashkitë kërkesat për grante. Cilat kategori të familjeve kanë të drejtën të paraqesin kërkese? Cila rrugë ndiqet për të siguruar apartamentet?
 
Drejtoria e shërbimeve Urbane dhe e Strehimit në MZHUT ka hartuar dy VKM të cilat sapo u miratuan nga qeveria. Këto dy vendime janë hartuar në zbatim të ligjit nr 9232 datë 13/05/2004 ”për programet sociale të strehimit të banorëve të zonave urbane”