POP 5

Lajmet më të lexuara të 5 minutave të fundit

Politikë

Studentët e pavaksinuar në Universitete, Rama: Nuk duhet të marrin pjesë në mësim, por qeveria nuk mund të çojë forca për t'i nxjerrë jashtë

Kryeministri Edi Rama tha se studentët e pavaksinuar nuk duhet të futen në mësim, por theksoi se kjo çështje i përket Universiteteve, pasi qeveria nuk mund të dërgojë forca për t'i nxjerrë studentët jashtë.

Studentët e pavaksinuar në Universitete, Rama: Nuk duhet të marrin pjesë në mësim, por qeveria nuk mund të çojë forca për t'i nxjerrë jashtë

Kryeministri Edi Rama

Me tensione u shoqërua dita e parë e vitit t ri akademik 2021-2022 në Universitete, kjo për shkak të vendimit të qeverisë për të mos lejuar në auditore studentët e pavaksinuar apo që nuk paraqesin test negativ COVID.

Kjo bëri që disa studentët të mbesin jashtë, por po ashtu pati dhe Universitete si ai i Korçës, Durrësit dhe Elbasanit, ku rektoratet me vendimet e tyre shkelën urdhrin, duke lejuar të gjithë studentët të futeshin në auditor.

Në lidhje me këtë situatë, kryeministri Edi Rama tha se studentët e pavaksinuar nuk duhet të futen në mësim, por theksoi se kjo çështje i përket Universiteteve, pasi qeveria nuk mund të dërgojë forca për t'i nxjerrë studentët jashtë.

Në një intervistë teleivizive, Rama u shpreh se ata që janë vaksinuar kanë të drejtën të jenë në mjedis të sigurt.

“Ato vajza dhe djem kanë nevojë për pak siguri, mbështetje. Normalisht nuk duhet të marrin pjesë në mësim. Por kjo është çështje e universiteteve. Qeveria nuk mund të çojë në universitete forca për ti nxjerrë jashtë. Ata që janë vaksinuar kanë të drejtën të jenë në mjedis të sigurt. Ne kemi garantuar që në çdo holl të universiteteve të ketë vaksinatorë. Fakti që kemi ndjekur një politikë shumë liberale, duke parasysh se garantuam një vaksinim të shpejtë në fillim. Që të mbajmë një ekuilibër dhe gjithçka ka shkuar mirë, ka krijuar një lloj relaksi, ndjesie të gabuar që nuk ka asnjë problem. Mund të ndodhi mos të gjejë asgjë, por mund të ndodhë edhe ajo që të përfundosh në spital dhe të humbasësh jetën. Të vaksinuarit që hyjnë në fatalitete janë mosha të thyera dhe me të tjera sëmundje. Nuk shkohet në auditore si në lotari”, tha ai.

Me dhjetëra studentë u mblodhën sot para Ministrisë së Arsimit sot, duke kundërshtuar vaksinimin me detyrim, apo në të kundërt testet e COVID të jenë falas, për ata që nuk duan të vaksinohen. Megjithatë nuk ka ende asnjë reagim për kërkesat e studentëve.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erkandi: 19/10/2021 08:28

    Nese vaksinat funksionojne, nga cfare duhen mbrojtur te vaksinuarit? Nese nuk funksionojne, pse te vaksinohemi?

    Përgjigju
  • Iris: 19/10/2021 03:59

    As ne auditore nuk duhet te shkojne,por as me force nuk i ndalon!Cfare politike eshte kjo?As keshtu,as ashtu.Tregohu me i vendosur,me i prere.Kush nuk ben vaksinen ne auditore nuk duhet te shkoje,por vitin te mos e humbin,le t'i ndjekin leksionet on-line,perjashtim te kete vetem mjekesia qe duhen te jene patjeter ne auditor.

    Përgjigju
  • Zogu: 18/10/2021 22:20

    Po mire, ca keni bere gjith beharin e vjeshten me arsimin per vaksinimin? Nuk thote njeri ti ncirrni por te qartesoni masat i pilaf.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

5 Nëntor, 09:12