Të ftuara në emisionin e mëngjesit “Rreze Dielli” në Report TV, me moderatore Androniki Kolka, ishin Profesoresha e Juridikut në Universitetin e Prishtinës, Donikë Qerimi dhe studentja Morea Pula. Së bashku, ato folën për një garë ligjore ku studentët kosovarë të Fakultetit Juridik të Prishtinës kanë shënuar një sukses historik! Ata janë vlerësuar së fundmi si ndër më të mirët në botë, mes shumë Universiteteve të njohur, në garën botërore “Willem C Vis International Arbitration Moot”.
“Videon e kam parë disa herë dhe ende emocionohem kur e shoh” tha Profesoreshë Donikë Qerimi, ndërsa Morea tregoi se kjo ishte një garë për arbitrazh dhe të drejtën private ndërkombëtare. Konkursi i realizuar në Vjenë të Austrisë, ishte një arritje profesionale për ta, pasi në garë ishin universitetet e drejtësisë më me emër nga Harvard, Oxford apo Cambridge. Falë këmbënguljes dhe përkushtimit, studentët mundën të shkonin deri në gjysmëfinale, duke na bërë të gjithëve shumë krenarë.
“Konkursi kishte të bënte me çështje të shitblerjes ndërkombëtare dhe ekipi ynë u përfaqësua me disa studentë ekselentë që dolën faqebardhë” shtoi Morena në lidhje direkte nga Prishtina. Ky konkurs ndërkombëtar është cilësuar si eventi më i rëndësishëm akademik në nivele elitare në fushën ligjore.
“Ne kishim nisur përgatitjet për këtë garë 8 muaj më parë, ndërsa u shpërblyem për mundin tonë pas gjithë kësaj pune të palodhshme” shtoi Morea.
Nga 364 universitete në botë, studentët e Universitetit të Prishtinës kanë arritur të renditen të tretët, ndërsa lajmin nuk ka nguruar t'a postojë me krenari, në rrjetet e saj sociale dhe Presidentja e Kosovës Vjosa Osmani, ku shkruante:
“Sukses historik! Në garë me gati 400 Universitete, ekipi i fakultetit juridik të Universitetit të Prishtinës, arriti në top 3-shen më të mirë në botë!Këto vajza e djem nga Kosova kanë lënë prapa Universitete si Harvardi, Yale, Stanford, Columbia, Oxford, Cambridge, Princeton, Duke, LSE, e qindra universitete të tjera në garën më prestigjoze të drejtësisë, Willem C Vis. Ata po ashtu fituan çmim të veçantë për Memorandumin për palën e paditur. Ky ekip këtu në foto dëshmon se vetëm me punë e përkushtim arrihet gjithçka. Krenare sa më ska!Bravo studentëve Ariana Rexha, Dea Fetiu, Morea Pula, Melisë Sejdiu, Nol Musa, Rea Hadri, si dhe Trajnerët: Prof. Donikë Qerimi, Ilir Hajraj dhe Art Sylaj”.
“Willem C Vis International Arbitration Moot” është garë e arbitrazhit ndërkombëtarë komercial dhe vlerësohet si gara më e madhe e drejtësisë në botë, nga ku dalin emrat më premtues të Drejtësisë Europiane, të cilët më pas zakonisht punësohen në institucionet e Bashkimit Europian në sferën ligjore.
Komente
Lajme të tjera
-
Ju futen thonjtë në mish? Ylli Merja tregon kurën natyrale që ju shpëton në pak ditë
23 Dhjetor, 15:58 -
Altin Joka: Kujdes, zbokthi është problem i brendshëm shëndetësor / Ja si mund të luftohet
18 Dhjetor, 15:57 -
Keni dhimbje të gjurit? Ja kura natyrale që do jua largojë dhimbjet përgjithmonë
16 Dhjetor, 17:24 -
‘Kujdes në dashuri’ Jorgo Pulla paralajmëron shenjat…/ Horoskopi i javës, parashikimi për çdo shenjë
16 Dhjetor, 15:45 -
Altin Joka: Ja ‘magjia’ e përdorimit të kripës si terapi dhe cila sëmundje mund të kurojë
12 Dhjetor, 14:52 -
Probleme me fryrjen e barkut dhe jashtëqitjen? Mund të vuash nga sindroma e zorrës së irrituar/ Ja ç’duhet të bëni
11 Dhjetor, 10:37 -
1 thelpi hudhër në ditë haje në këtë mënyrë… Hudhra mund të ndryshojë jetën nga Altin Joka
4 Dhjetor, 16:35 -
Laringiti te fëmijët, simptomat që nuk duhet t’i neglizhoni / Ylli Merja: Ja si ta trajtoni në mënyrë natyrale
2 Dhjetor, 15:39 -
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00
Bravo dardani.
PërgjigjuShume urime per grupin qe arriten ne vendin e trete. Lart e me lart! Shpresoj qe ky grup studentesh ta perdorin kete si nje fakt se me pune arrihet cdo gje. Pervec kesaj, nuk e kuptoj pse perben lajm qe edhe Presidentja e Kosoves e poston?! Mbase kjo tregon sa te vegjel jemi!
PërgjigjuNuk me duket lajm i parendesishem per nje vend me vetem 2 milione banore, ku gjate viteve 90-te mesimi eshte bere neper bodrume. Pa shtet ligjor dhe pa pune s’ka prosperitet. Pastaj, dihet qe propaganda serbe mundohet t’i denigroje si shtet jo-funksional dhe si popull i prapambetur. Kjo eshte anti-propagande. Meqe ra fjala, ne si shtetas te Rep. se Shqiperise si duhet te ndihemi per faktin qe kemi gjyqesorin me te korruptuar ne bote, edhe qe u desh te therrisnim eksperte te huaj per ta thare “keneten” e drejtesise shqiptare qe qelbet ere edhe sot?