POP 5

Lajmet më të lexuara të 5 minutave të fundit

Sociale

Studenti veterinar që studion në Tiranë nuk harron fermën e familjes! Vilson Zela: Çdo fundjavë në Kukës, punoj në tokë e stallë! Keqardhje që blegtoria po braktiset

Një histori frymëzuese është ajo që nga vjen nga fshati Bushati i Kukësit, ku një i ri vetëm 22 vjeç ka zgjedhur të studiojë mjekësinë veterinare dhe fundjavave ti përkushtohet fermës së familjes. Vilson Zela, përveç mbarështimit të bagëtive, kultivon dhe 50 dylym tokë në pronësi të familjes.

Vilson Zela 22 vjeç, nga fshati Bushat i Kukësit është ndër të paktët studentë të mjekësisë veterinare.

Në fillim kur zgjodhi këtë degë, kishte frikë se do gjykohej, por sot, në vitin e katër të studimeve në Universitetin Bujqësor të Tiranës, është shumë i lumtur që po ndjek gjurmët e babait të tij, i cili ushtron profesionin e veterinerit prej 40 vitesh.

“Unë jam student i mjekësisë veterinare në vitin e katërt. Studioj në Universitetin Bujqësor të Tiranës. Kam bërë zgjedhjen e duhur që kam zgjedhur atë degë. Nga mentaliteti i zonës, kisha ca pikëpyetje, frikë. Të gjithë e mendojnë si një profesion të rëndomtë. Por, që kur vajta në fillim e kuptova që kam bërë zgjedhjen e duhur. Është një profesion i nderuar dhe respektuar. Tre vitet e para kanë të bëjnë me formimin e përgjithshëm. Në vitin e katër trajtojmë sëmundjet e kafshëve. Mund të bëjmë skemat e kontrollit të përgjithshëm. Gjëra bazike momentalisht, por ky vikt është vendimtar. Arrimë e fusim këmbët tamam në profesionin tonë.  Kam parë disa sëmundje tek kafshët. Kam marrë pjesë në lindje të kafshëve. Jemi një fakultet që studion të gjitha kafshët”, tha i riu.

Atë që mëson në leksion, i riu e vendos në praktikë çdo fundjavë në fermën e familjes së tij në Kukës.

Ditën e nis me pastrimin dhe ushqimin e bagëtive në stallë.

Më pas, u përkushtohet 50 dylym tokë, në të cilat familja e tij kultivon të gjitha llojet e produkteve bujqësore, nga gruri, misri, patatja, lakra e perimeve të tjera.

Klima dhe dalja vonë e prodhimit, janë në disfavor të fermës për shkak se tregu është i mbushur me prodhime nga Myzeqeja. Megjithatë kjo nuk e bën aspak pesimist.

“Është fundi i prodhimit. Vetëm kultura e lakrës arrin temperaturën. Fill pas patates dhe qepës, ne përgatisim kulturën e dytë që është lakra. Ka lakra që arrinë deri në 7-8 kg. Më kryesorja është sigurimi i tregut. Kemi arritur ta krijojmë mallin, por problemi që hasim çdo vit është tregu i shitjes. Ka produkt të një cilësie shumë të mirë, por nuk ka shitje. Ose çmimi është përtokë. Kur produkti jonë del në tre., tregu është i mbushur. Kemi pleh organik”, tha Vilsoni.

Më tepër keqardhje Vilsoni shpreh që çdo vit e më shumë njerëzit po braktisin fshatrat, heqin dorë nga bujqësia dhe mbarështimi i gjedhëve.

“Personalisht mua më pëlqejnë kafshët e mëdha. Kafshët e prodhimit. Gjedhi ka një rëndësi shumë të madhe se është burimi kryesor i qumështit. Është një kafshë që ja vlen të investohet. Një frikë e madhe si një veteriner është që ka rënë numri i fermerëve, krerëve. Kanë hequr dorë nga kafshët. Në të gjitha shtetet fermerët subvencionohet. Ka nevojë për një dorë të fortë”, tregoi i riu.  

M.T/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/10/2023 23:57

    Nuk duhet te ndihesh i paragjykuar per zgjedhjen e ketij profesioni.Ketu ku jetoj une klinikat veterinare jane te perhapura gati si sallonet e bukurise dhe kane shume fitim,sepse njerezit mbajne si /pet/ qen,mace,zogj,reptile,brejtes,peshq,qe te gjithe heret a vone kane nevoje per veterinerin,ashtu si njerezit per doktorin,pa llogaritur sa i nevojshem eshte ne fshat, ferma blektorale,pulari e deri ne bletari e ferma peshku ky lloj profesioni.Per fat te keq ne Shqiperi kur mendojne veteriner e barazojne me kujdesjen shendetsore vetem per disa kafshe e zakonisht ne fshat,pa menduar per rrezen e gjere te ketij profesioni.Vetem nje rekomandim kam per zoterine:Ne vitet e ardhshme investo pak te stalla,krijohu lopeve kushte me te mira,sidomos higjenike.Ajo dyshemeja e stalles duhet bere e tille qe kafshet te mos qendrojne e shtihen mbi jashtqitjet e tyre.Nje sistem rudimentar me pastrim uji e filtrim ne dysheme nepermjet nje kanali i lidhur me gropa te caktuara per ujerat e zeza do te ishte nje investim shume i mire e i vlefshem.Do te ulte infeksionet e semundjet ne kafshet, do te shtonte me teper sigurine e qumeshtit,por dhe tokave bujqesore perreth qe mikrobe qe gjendet te kafshet E-coli,listeria,antraksi,etj te mos kalojne nepermjet jashqitjeve te tyre dhe te prodhimet per njerezit.

    Përgjigju
  • aliu: 29/10/2023 19:49

    bravo o vella,,,te tille njrez i duhen shqiperise,,jo trafikante drroge...shkoji lopet beji 300 cope..

    Përgjigju
  • Meri: 29/10/2023 17:28

    Bravo....,dembelët meren me paragjykime,puntorēt si ti,punojnë kudo ku gjejnë punë.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kushtetuesja tha

Kushtetuesja tha "garantohet vota parapëlyese në 2/3 e listës", shifrat e sondazhit: Mbi 80% e ligjvënësve zgjidhen nga krerët e partive

26 Dhjetor, 20:40 nga Kujtim Topuzi